പുണർതക്കാർക്ക് മനസ്സിന് സമാധാനം, പൂയക്കാർക്ക് അവിചാരിത തടസ്സങ്ങൾ, ആയില്യക്കാർക്ക് കടബാധ്യതകൾ വീട്ടും

പുണർതം മുതൽ ആയില്യം വരെയുളള നക്ഷത്രക്കാർക്ക് 2026 ജനുവരി മാസത്തെ നക്ഷത്രഫലം എങ്ങനെയെന്ന് ശ്രീനിവാസ് അയ്യർ എഴുതുന്നു

Written byS. Sreenivas Iyer

പുണർതം മുതൽ ആയില്യം വരെയുളള നക്ഷത്രക്കാർക്ക് 2026 ജനുവരി മാസത്തെ നക്ഷത്രഫലം എങ്ങനെയെന്ന് ശ്രീനിവാസ് അയ്യർ എഴുതുന്നു

S. Sreenivas Iyer

16 Jan 2026 11:44 IST

New Update

1/6

പുണർതം

നവസംരംഭങ്ങളുമായി മുന്നോട്ടുപോകാനാവും. സർക്കാരിൽ നിന്നും പ്രോജക്ടുകൾക്ക് അനുമതി ലഭിക്കുന്നതാണ്. യാത്രകൾ കൂടുവാനിടയുണ്ട്. ഇച്ഛാജ്ഞാന ക്രിയകളുടെ ഏകോപനം എളുപ്പമാവും. വിദ്യാർത്ഥികൾക്ക് പഠനത്തിൽ ഏകാഗ്രതയുണ്ടാവും. കലാവാസന പുഷ്ടിപ്പെടും. കലാകാരന്മാർക്ക് അവസരങ്ങൾ കൂടുന്നതാണ്.

2/6

പുണർതം

രോഗഗ്രസ്തർക്ക് ചികിൽസാമാറ്റം ഫലവത്താകും. സാമ്പത്തിക കാര്യങ്ങളിലെ തടസ്സങ്ങൾ നീങ്ങുന്നതാണ്. പ്രൈവറ്റ് സ്ഥാപനങ്ങളിൽ ജോലി ചെയ്യുന്നവർക്ക് പദവി ഉയരാം. ദൗത്യങ്ങൾ ഏറ്റെടുക്കാൻ ആത്മവിശ്വാസമുണ്ടാവും. ദൈവിക സമർപ്പണങ്ങൾ മനസ്സിന് സമാധാനം നൽകുന്നതാണ്.

3/6

പൂയം

കാര്യങ്ങൾ മുൻമാസത്തിൻ്റെ തുടർച്ചപോലെ അനുഭവപ്പെടും. പുതിയ സംരംഭങ്ങൾ തുടങ്ങാൻ അവിചാരിത തടസ്സങ്ങൾ വന്നെത്തും. സർക്കാരിൽ നിന്നും ഇടപെടലുകൾ/ നിയമ തടസ്സങ്ങൾ ഉണ്ടാവുന്നതാണ്. വേണ്ടപ്പെട്ടവരുമായി കാര്യമല്ലാത്ത കാര്യങ്ങൾക്ക് പിണങ്ങും. കൂട്ടുകച്ചവടത്തോട് താല്പര്യം കുറയുന്നതാണ്. പഴയ കാര്യങ്ങൾ ഓർമ്മയിൽ കടന്നുവന്നു കൊണ്ടിരിക്കും.

Advertisment

4/6

പൂയം

ധനപരമായ ആവശ്യങ്ങൾ ഒരുവിധം ഭംഗിയായി നിറവേറ്റാനാവും. മാസത്തിൻ്റെ രണ്ടാം പകുതിയിൽ ഭൂമിയുടെ ക്രയവിക്രയം വിജയകരമാവും. പുതിയ ജോലിയിൽ പ്രവേശിക്കുവാൻ സാഹചര്യം കൈവരും. സമൂഹത്തിൽ സ്വാധീനം ഉയരുന്നതാണ്. അന്യദേശത്തുനിന്നും ശുഭവാർത്തകളെത്തും.

5/6

ആയില്യം

ചിന്തിക്കുന്ന കാര്യങ്ങൾ സാമാന്യമായി പ്രാവർത്തികമാക്കാനാവും. വിയോജിക്കുന്നവരെ കാര്യങ്ങൾ പറഞ്ഞു മനസ്സിലാക്കിക്കും. കുടുംബകാര്യങ്ങൾ ഒരുവിധം സുഗമമാവും. നിലവിലെ ജോലി ഉപേക്ഷിച്ചവർക്ക് പുതുജോലി കിട്ടുന്നതിന് സാധ്യത വളരെയുണ്ട്. ഗൃഹനിർമ്മാണത്തിലെ തടസ്സങ്ങൾ നീങ്ങുന്നതാണ്. പ്രണയികളോട് വീട്ടുകാർ എതിർപ്പറിയിച്ചേക്കാം.

6/6

ആയില്യം

വാടകവീട്ടിൽ കഴിയുന്നവർക്ക് പുതുവീട്ടിലോട്ട് മാറാനാവും. ആത്മവിശ്വാസം അമിതമാവാതിരിക്കാൻ പ്രത്യേകശ്രദ്ധ വേണം. അഷ്ടമത്തിലെ രാഹു രോഗക്ലേശങ്ങൾ വരുത്താം. ഒമ്പതിലെ ശനി ഭാഗ്യഭ്രംശം ഉണ്ടാക്കാം. ഊഹക്കച്ചവടത്തിലൂടെ ആദായം ഉയരുന്നതാണ്. കടബാധ്യതകൾ അല്പാല്പമായി വീട്ടിത്തുടങ്ങും. വയോജനങ്ങൾ വൈദ്യപരിശോധന മുടക്കരുത്.

Horoscope Astrology

Stay updated with the latest news headlines and all the latest Lifestyle news. Download Indian Express Malayalam App - Android or iOS.