ഇന്നത്തെ ദിവസം
കഴിഞ്ഞ ദിവസം ‘സങ്കീർണത’യെക്കുറിച്ചുള്ള ഒരു പ്രഭാഷണത്തിൽ ഞാൻ പങ്കെടുത്തു. അത് എന്താണെന്ന് നിങ്ങൾക്കറിയില്ലെങ്കിൽ, എന്റെ അവസ്ഥയും അതുതന്നെയായിരുന്നു. രണ്ട് ആറ്റോമിക് കണങ്ങളെ ശാശ്വതമായി ബന്ധിപ്പിക്കുമ്പോൾ എന്തുസംഭവിക്കുമെന്നതിന്റെ വിവരണമാണിത്, അവ എത്രതന്നെ അകാലത്തിൽ ആണെങ്കിലും. ഇതർത്ഥമാക്കുന്നത് എന്തെന്നാൽ അകലെയുള്ളൊരു നക്ഷത്രത്തിന്റെ ഹൃദയവുമായി ബന്ധമുള്ളൊരു തന്മാത്ര നിങ്ങളുടെ ശരീരത്തിലുണ്ടെന്നാണ്. ഇതൊരു അത്ഭുതകരമായ ചിന്തയല്ലേ !
മേടം രാശി (മാർച്ച് 21 – ഏപ്രിൽ 20)
ഉൽ‌പാദനക്ഷമതയില്ലാത്തതും സമയം പാഴാക്കുന്നതുമായ പ്രവർത്തനങ്ങളിൽ നിന്ന് നിങ്ങളെ അപ്രതീക്ഷിത തടസ്സങ്ങളും കാലതാമസങ്ങളും വ്യതിചലിപ്പിക്കുകയാണെങ്കിൽഅവ നിങ്ങളുടെ നേട്ടത്തിനായി പ്രവർത്തിക്കും. നിങ്ങളുടെ ഉദ്ദേശ്യങ്ങൾ സ്വയം സൂക്ഷിക്കുക എന്നൊരു ശീലമുണ്ടാക്കുക. എന്നാൽ ഓരോ സാഹചര്യവും അതിന്റെതായ ഉപകാരത്തിനായി പരിഗണിക്കണം.
ഇടവം രാശി (ഏപ്രിൽ 21 – മെയ് 21)
വളരെ ലളിതമായി പറഞ്ഞാൽ, റൊമാന്റിക് സാധ്യതകൾ മികച്ചതാണ്, നിങ്ങൾക്ക് അതിനോടൊപ്പം തന്നെ വീട്ടിനെയും ജോലിയെയും കുറിച്ചുള്ള വ്യാകുലതകൾ നേരിടേണ്ടതുണ്ടെങ്കിലും, നിങ്ങൾ സ്വയം ആസ്വദിക്കാൻ കൂടുതൽ ശ്രമം നടത്തണം. സ്നേഹത്തിൽ, നിങ്ങളുടെ വികാരങ്ങൾ ഒരുപക്ഷേ നിങ്ങൾ മറച്ചുവെക്കാം. സമയം നൽകിയാൽ, ഒരു പങ്കാളിയുടെ വിമർശനവുമായി നിങ്ങൾക്ക് പൊരുത്തപ്പെടാം !
മിഥുനം രാശി (മെയ് 22 – ജൂൺ 21)
നിങ്ങളുടെ ആത്മവിശ്വാസം ന്യായമാണ്, പക്ഷേ നിങ്ങൾ എന്തുതന്നെ ചെയ്താലും ജാഗ്രത നിലനിർത്തുക. പ്രത്യേകിച്ചും, സാമ്പത്തിക സംഭവവികാസങ്ങളെയും സംശയാസ്പദമായ ബിസിനസ്സ് ഡീലുകളെയും നിങ്ങൾ വളരെ സൂക്ഷ്മമായി നിരീക്ഷിക്കണം. നിങ്ങൾ കരുതുന്നതിലും വേഗത്തിൽ കണക്കുകൂട്ടൽ ദിവസം വരും, അതിനാൽ തയ്യാറാകുക.
കർക്കിടകം രാശി (ജൂൺ 22 – ജൂലൈ 23)
ഭൂതകാലത്തെക്കുറിച്ച് അധികം ചിന്തകളില്ലാതെ നിങ്ങൾ മുന്നോട്ട് പോകും. വൈകാരിക കടമകൾ ഉൾപ്പെടെയുള്ള പഴയ കടങ്ങൾ ഇപ്പോൾ തീർപ്പാക്കേണ്ടതായിരുന്നു, നിങ്ങൾ മുന്നോട്ട് പോകാൻ ദൃഢനിശ്ചയം എടുത്തിട്ടുണ്ടെങ്കിൽ, അധികകാലം കാലം കഴിയാതെത്തന്നെ അടിച്ചമർത്തുന്നതും തടസ്സപ്പെടുത്തുന്നതുമായ ഓർമ്മകളുടെ ഒരു പരമ്പരയിൽ നിന്ന് നിങ്ങൾ സ്വതന്ത്രരാകും.
ചിങ്ങം രാശി (ജൂലൈ 24 – ഓഗസ്റ്റ് 23)
നിങ്ങളുടെ രണ്ടാമത്തെ പണത്തിന്റെ വീടുമായിട്ടുള്ള ചന്ദ്രന്റെ വിന്യാസം, താമസിക്കാതെതന്നെ സാമ്പത്തികകാര്യങ്ങൾ നിങ്ങളുടെ ശ്രദ്ധയിലേക്ക് എത്തിക്കും. എന്നാലും അത് വന്യമായി ചെലവഴിക്കുന്നതിനേക്കാൾ ഭാവിയിലേക്ക് ലാഭിക്കുന്നതിനെക്കുറിച്ചോ നിക്ഷേപിക്കുന്നതിനെക്കുറിച്ചോ ഉള്ള ചിന്തകളിലായിരിക്കും നിങ്ങളുടെ ശ്രദ്ധ. എന്തിനധികം പറയുന്നു, ഒരു ബന്ധം നന്നായിക്കൊണ്ടുപോകാൻ നിങ്ങൾ എന്ത് വേണമെങ്കിലും ചെയ്യും.
കന്നി രാശി (ഓഗസ്റ്റ് 24 – സെപ്റ്റംബർ 23)
ശുക്രന്റെ സജീവമായ വിന്യാസങ്ങൾ നിങ്ങളുടെ ആകർഷകമായ ആസ്തികളെ വർദ്ധിപ്പിക്കുന്നു. സാമൂഹിക ഒത്തുചേരലുകൾ നിങ്ങളുടെ നേട്ടത്തിനായി പ്രവർത്തിക്കാൻ സാധ്യതയുണ്ട്, കാരണം, നിങ്ങൾ ആളുകളെ നിങ്ങളുടെ വിശ്വാസത്തിലേക്ക് എടുക്കുകയാണെങ്കിൽ, നിങ്ങൾക്ക് അടിയന്തിരമായി ആവശ്യമായ പ്രായോഗിക സഹായവും ഉപദേശവും നിങ്ങൾക്ക് ലഭിക്കും.
തുലാം രാശി (സെപ്റ്റംബർ 24 -ഒക്ടോബർ 23)
നിങ്ങൾ തിരക്കിലാണ്, അത് ഉറപ്പാണ്, പക്ഷേ നിങ്ങൾ കൂടുതൽ തിരക്കിലാകാൻ പോകുകയാണ്. ഇപ്പോൾ തന്നെ നിങ്ങൾക്ക് ചെയ്തുതീർക്കാൻ ധാരാളം കാര്യങ്ങൾ ലഭിച്ചിട്ടുണ്ടെന്ന വസ്തുത കണക്കിലെടുത്ത്, പഴയ ജോലികൾ പൂർത്തീകരിക്കുന്നതിലും കുറച്ച് കാലമായി നിങ്ങളുടെ മനസ്സിലുള്ള പ്രോജക്ടുകൾ ആരംഭിക്കുന്നതിലും നിങ്ങൾ സമയം പാഴാക്കാതെ പ്രവർത്തിച്ചു തുടങ്ങണം.
വൃശ്ചികം രാശി (ഒക്ടോബർ 24 – നവംബർ 22)
ശുക്രനും ചൊവ്വയും മറ്റ് ഗ്രഹങ്ങളും തമ്മിലുള്ള തന്ത്രപരമായ വിന്യാസങ്ങൾ നിങ്ങളെ നിങ്ങളുടെ കവചത്തിൽ നിന്ന് പുറത്തു കൊണ്ടുവന്ന് പ്രശ്നങ്ങളെ ധൈര്യപൂർവ്വം നേരിടാൻ പ്രേരിപ്പിക്കും. നിങ്ങളുടെ നിലപാടുകളിൽ നിങ്ങൾ ഉറച്ചുനിൽക്കുന്നിടത്തോളം, പ്രധാനപ്പെട്ട ചർച്ചകൾ ആസൂത്രണം ചെയ്തപോലെ നടക്കും. നിങ്ങൾക്ക് ആവശ്യമുള്ളത് കഴിയുന്നത്ര വ്യക്തമായി പ്രസ്താവിച്ചാൽ മാത്രമേ മറ്റ് ആളുകൾക്ക് നിങ്ങൾക്ക് സത്യസന്ധമായ പ്രതികരണം നൽകാൻ കഴിയൂ.
ധനു രാശി (നവംബർ 23 – ഡിസംബർ 22)
ജീവിതത്തിന്റെ വേഗത അതിവേഗം തുടരുന്നു, പക്ഷേ അത് അസ്വസ്ഥതയുണ്ടാക്കുന്ന താരത്തിലുള്ളതല്ല. എല്ലാ ആഭ്യന്തര മാറ്റങ്ങളെയും കുടുംബ ബന്ധങ്ങളെയും സംബന്ധിച്ചിടത്തോളം ഗ്രഹ വശങ്ങൾ തികച്ചും മികച്ചതാണ്. പക്ഷേ, നിങ്ങൾ‌ക്കറിയാവുന്നതുപോലെ, നിങ്ങൾ കൂടുതൽ സന്തോഷത്തിന് കടപ്പെട്ടിരിക്കുന്നൊരു വ്യക്തിയാണ്.
മകരം രാശി (ഡിസംബർ 23 – ജനുവരി 20)
വരും ദിവസങ്ങളിൽ പഠിക്കേണ്ട പ്രധാനപ്പെട്ട പാഠങ്ങൾ ഉണ്ടായിരിക്കാം, പ്രത്യേകിച്ചും നിങ്ങളുടെ ജീവിതം ഏറ്റെടുക്കാൻ മറ്റുള്ളവരെ അനുവദിക്കുന്ന നിങ്ങളുടെ പ്രവണതയെക്കുറിച്ച്. വിമർശകരുമായും എതിരാളികളുമായും നിങ്ങൾ നടത്തുന്ന എല്ലാ ഇടപാടുകളിലും തന്ത്രവും സംവേദനക്ഷമതയുമുപയോഗിച്ച് നിങ്ങൾക്ക് ഉറപ്പ് സംയോജിപ്പിക്കാം – ഒരുപക്ഷേ അവരെ നിങ്ങളുടെ ഭാഗത്തേക്ക് നയിക്കുക വരെ ചെയ്യാം.
കുംഭം രാശി (ജനുവരി 21 – ഫെബ്രുവരി 19)
അടുത്ത കോണിൽ എന്താണുള്ളതെന്ന് നിങ്ങൾക്ക് ഒരിക്കലും ഉറപ്പില്ല. പരീക്ഷണങ്ങൾ നേരിടുന്ന അവസ്ഥകൾ നിങ്ങളെ സ്ഥിരമായ പങ്കാളിത്തത്തിൽ നിന്നും നിലവിലുള്ള ക്രമീകരണങ്ങളിൽ നിന്നും അകറ്റിയേക്കാം, പക്ഷേ നിങ്ങളുടെ കഴിവുകൾ മുതലാക്കുകയും നിങ്ങളുടെ അഭിലാഷങ്ങളിലേക്കും വ്യാപാരങ്ങളിലേക്കും ഒരു നിര്‍മ്മാണാത്മകമായ സമീപനം സ്വീകരിക്കുക.
മീനം രാശി (ഫെബ്രുവരി 20 -മാർച്ച് 20)
നിങ്ങളുടെ പൊതുജീവിതത്തിലെ ഭൂരിഭാഗവും നിങ്ങൾ മറ്റുള്ളവരുമായി എത്രത്തോളം നന്നായി ബന്ധപ്പെട്ടിരിക്കുന്നു എന്നതിനെ ആശ്രയിച്ചിരിക്കുന്നു. ഔദ്യോഗികജീവിതത്തെ സംബന്ധിച്ച് നിങ്ങളൊരു ബന്ധം തെറ്റായരീതിയിൽ കൈകാര്യം ചെയ്തിട്ടുണ്ടെങ്കിൽ നിങ്ങളൊരു പ്രശ്നം പിടിച്ച അവസ്ഥയിലാകും. ഭേദഗതികൾ വരുത്തുന്നതിന് ധാരാളം സാധ്യതകളുണ്ട്, ഒരുപക്ഷേ നിങ്ങൾ ഒന്നും ചെയ്യില്ലായെന്ന് ഉറപ്പിച്ചിരിക്കുന്ന സമയത്ത് നിങ്ങൾ എന്തെങ്കിലും ചെയ്യുമ്പോഴാകും നിങ്ങൾക്കത് ഏറ്റവും ഗുണമായിട്ട് ഭവിക്കുക.
