Horoscope Today January 03, 2020, ഇന്നത്തെ ദിവസം

ഇന്നത്തെ പ്രധാനപ്പെട്ട രാശി അക്വേറിയസ് ആണ്. നിങ്ങളിൽ പലരും ആ പഴയ ഗാനം കേട്ടിട്ടുണ്ടെന്ന് ഞാൻ പ്രതീക്ഷിക്കുന്നു, ഇതാണ് അക്വേറിയസിന്റെ യുഗത്തിന്റെ ഉദയം. (This is the Dawning of the Age of Aquarius.) നിങ്ങൾ കേട്ടിട്ടില്ലെങ്കിൽ, സമാധാനത്തിന്റെയും സമൃദ്ധിയുടെയും ഒരു പുതിയ യുഗത്തിന്റെ വരവിനെക്കുറിച്ചാണ് ആ ഗാനത്തിൽ പറയുന്നത്. അത് ഒരു നല്ല ചിന്തയാണ്. ഒരുപക്ഷേ ഇന്ന് ഭാവിയെക്കുറിച്ചുള്ള നല്ല വാർത്തകളുടെ പങ്ക് ഇത് കൊണ്ടു വരും എന്ന് ഞാൻ പ്രതീക്ഷിക്കുന്നു!

Read Here: YEARLY HOROSCOPE 2020: വർഷഫലം 2020

മേടം രാശി (മാര്‍ച്ച് 21- ഏപ്രില്‍ 20)

ഭാഗ്യവശാൽ, സാമ്പത്തിക കാഴ്ചപ്പാട് വളരെ വാഗ്ദാനമേറുന്നതാണ്, ഇപ്പോൾ നടക്കുന്നത് ദീർഘകാലാടിസ്ഥാനത്തിൽ നിങ്ങളെ കൂടുതൽ സമ്പന്നരാക്കും. അടുത്ത മാസം വർദ്ധിച്ച ചെലവുകൾ കൊണ്ടുവരും, അതിനാൽ നിങ്ങൾക്ക് കഴിയുമ്പോൾ സ്വയം ആസ്വദിക്കൂ. ഉദാരമായ നടപടികളിൽ നിന്ന് നിങ്ങൾക്ക് എല്ലാം നേടാനുള്ള അവസരമുണ്ട്.

ഇടവം രാശി (ഏപ്രില്‍ 21- മേയ് 21)

‘അന്വേഷിക്കുക, നിങ്ങൾ കണ്ടെത്തും’, ഇപ്പോൾ നിങ്ങൾക്ക് അനുയോജ്യമായ ഒരു മുദ്രാവാക്യമായി തോന്നും. സത്യത്തിനായുള്ള അന്വേഷണം ആന്തരികമാണ് എന്നതാണ് ഈ ചൊല്ലിന്റെ ആശയം. ഉത്തരങ്ങൾ നിങ്ങൾക്കുള്ളിലും നിങ്ങൾക്ക് മാത്രം പ്രാപ്യവുമായിരിക്കും. ഇന്നത്തെ ചന്ദ്ര വിന്യാസങ്ങൾ വളരെ തിരക്കിലാണ്, അതിനാൽ മുന്നോട്ട് പോകാനുള്ള അവസരം പാഴാക്കാതെ ഉപയോഗിക്കുക.

മിഥുനം രാശി (മേയ് 22- ജൂണ്‍ 21)

നിങ്ങളുടെ തത്വങ്ങൾക്കനുസൃതമായി ജീവിക്കാൻ നിങ്ങൾക്ക് ധൈര്യമുണ്ടെങ്കിൽ, ദീർഘകാലാടിസ്ഥാനത്തിൽ നിങ്ങൾക്ക് വളരെയധികം നേട്ടമുണ്ടാകും. അതിനാൽ
ഉദ്യോഗസ്ഥലത്ത് നിങ്ങൾ മറ്റുള്ളവരുടെ താൽപ്പര്യങ്ങൾ നിങ്ങളുടേതിന് തുല്യമാക്കി മാറ്റണം. നിസ്വാർത്ഥ മനോഭാവം ബഹുമാനം നേടിത്തരുകയും സഖ്യകക്ഷികളെ കരസ്ഥമാക്കാൻ സഹായിക്കുകയും ചെയ്യും.

കര്‍ക്കിടകം രാശി (ജൂണ്‍ 22- ജൂലൈ 23)

സംഭ്രന്തി ഇല്ലാതാക്കാനും സംശയത്തിന്റെ ഏതെങ്കിലും സൂചനകൾ ഒഴിവാക്കാനും പ്രവർത്തനത്തിലേക്ക് കടക്കാനുമുള്ള സമയമാണിത്. നിങ്ങളുടെ അഭിലാഷങ്ങളെ അഭിവൃദ്ധിപ്പെടുത്തുന്നതിനായി നിങ്ങളുടെ മനോഹാരിതയും സൂത്രങ്ങളും പരമാവധി ഉപയോഗിക്കുക, നിങ്ങൾ ഇപ്പോൾ ലക്ഷ്യമിടേണ്ടത് നിങ്ങൾ യഥാർഥമായും ആഴത്തിലും ആത്മാർത്ഥമായും ആഗ്രഹിക്കുന്ന കാര്യങ്ങളിൽ മാത്രമാണെന്ന് മനസ്സിലാക്കുക.

ചിങ്ങം രാശി (ജൂലൈ 24- ഓഗസ്റ്റ് 23)

ആരാണ് എന്ത് ചെയ്യുന്നത്, അല്ലെങ്കിൽ ആരുടെ അവകാശങ്ങൾ ലംഘിക്കപ്പെടുന്നു എന്നതിനെക്കുറിച്ചുള്ള നിസ്സാര വാദപ്രദിവാധങ്ങളിൽ നിങ്ങൾ കുടുങ്ങുകയാണെങ്കിൽ അത് ലജ്ജാകരമാണ്, പ്രത്യേകിച്ചും ഇത്തരമൊരു തുറന്ന മനസ്സുള്ളതും സാഹസികവുമായ കാലഘട്ടത്തിൽ. വീട്ടിൽ വിചിത്രമായ ചില കുഴപ്പങ്ങളുണ്ടാകാൻ സാധ്യതയുണ്ട്, എന്നാൽ അത്തരം പ്രകോപനങ്ങൾ നിങ്ങളെ ഉയർന്ന കാര്യങ്ങളിൽ നിന്ന് വ്യതിചലിപ്പിക്കാൻ അനുവദിക്കരുത്.

കന്നി രാശി (ഓഗസ്റ്റ് 24 – സെപ്റ്റംബർ 23)

നിങ്ങൾക്ക് ഉപേക്ഷിക്കപ്പെട്ടതായും സ്വയം പ്രതിരോധിക്കാൻ അവശേഷിക്കുകയും ചെയ്യുന്നതായി തോന്നാം. അത് നല്ലതായിരിക്കാം, കാരണം നിങ്ങളെ ഒഴിവാക്കിയിട്ടുണ്ടെങ്കിൽ, ആസന്നമായ മെച്ചപ്പെടുത്തലുകൾക്കുള്ള തയ്യാറെടുപ്പിനും നിങ്ങളുടെ ഭാവി നിശബ്ദമായി പുനർവിചിന്തനം ചെയ്യാനും നിങ്ങൾക്ക് കൂടുതൽ സമയം ലഭിക്കും. അസാധാരണമായ ചില ഗ്രഹരീതികൾ മുന്നിലുണ്ട്, അതിനാൽ കൂടുതൽ മാറ്റങ്ങളൊന്നും വരില്ലെന്ന് കരുതരുത്.

തുലാം രാശി (സെപ്റ്റംബർ 24- ഒക്ടോബർ 23)

നിങ്ങൾക്ക് ചിലപ്പോൾ അകന്നുനിൽക്കുന്നത് ഉചിതമാണെന്ന് തോന്നിയേക്കാം, പക്ഷേ നിങ്ങൾക്ക് കരുതലുണ്ടെന്നും നിങ്ങൾ അവരെ ശ്രദ്ധിക്കുന്നുണ്ടെന്നും മറ്റുള്ളവരെ മനസിലാക്കാൻ കഴിയുമെങ്കിൽ, നിങ്ങൾ നിരവധി തടസ്സങ്ങൾ ഒഴിവാക്കുകയും അത് ഒരു പുതിയ ബന്ധത്തിലേക്കുള്ള വഴി തുറക്കുകയും ചെയ്യും. എല്ലാത്തിനുമുപരി, നിങ്ങൾ‌ നല്ല സുഹൃത്തുക്കളെ പണത്തേക്കാളും വിലമതിക്കുന്നു.

വൃശ്ചികം രാശി (ഒക്ടോബര്‍ 24- നവംബര്‍ 22)

വലിയ അഹംഭാവമുള്ള ആളുകളെക്കുറിച്ച് നിങ്ങൾ ജാഗ്രത പാലിക്കണം. ആരെങ്കിലും ഇപ്പോൾ പ്രശ്‌നമുണ്ടാക്കാൻ സാധ്യതയുണ്ടെന്നല്ല, മറിച്ച് ഒരാഴ്ചയ്ക്കുള്ളിൽ അവർ നിങ്ങൾക്ക് ബുദ്ധിമുട്ടുകൾ ഉണ്ടാക്കാനിടയുണ്ട്. ജാഗ്രത പാലിക്കുക, കൂടുതൽ ശ്രദ്ധയോടെ കാര്യങ്ങൾ കൈകാര്യം ചെയ്യുക. പ്രശ്‌നം മുന്നിലാണെന്ന് നിങ്ങൾ മനസ്സിലാക്കിയാലുടൻ, വളരെ ബുദ്ധിമുട്ടിയാണെങ്കിലും അടിസ്ഥാന പ്രശ്‌നങ്ങൾ പരിഹരിക്കാൻ ശ്രമിക്കുക.

Read Here: Horoscope of the Week (Dec 29 -Jan 04 28 2019-2020): ഈ ആഴ്ച നിങ്ങള്‍ക്കെങ്ങനെ?

ധനു രാശി (നവംബര്‍ 23-ഡിസംബർ 22)

ചില ഗ്രഹങ്ങൾ വ്യക്തിപരമായ പ്രശ്‌നങ്ങളെ ആശയക്കുഴപ്പത്തിലാക്കാൻ സാധ്യതയുണ്ട്, എന്നാൽ മറ്റു ചില ഗ്രഹങ്ങൾ ചിന്തിക്കാതെ പ്രവർത്തിക്കാൻ നിങ്ങളെ പ്രേരിപ്പിക്കുന്നു. എന്നിരുന്നാലും, നിങ്ങൾ ഇതുവരെ സൂക്ഷിച്ച അസാധാരണമായ നിർദ്ദേശങ്ങൾ പരിശീലിക്കാനുള്ള മികച്ച നിമിഷമാണിത്. നിങ്ങൾക്കറിയില്ല – പങ്കാളികൾ നിങ്ങളിൽ യഥാർത്ഥത്തിൽ മതിപ്പുളവാക്കിയേക്കാം!

മകരം രാശി (ഡിസംബർ 23 – ജനുവരി 20)

സാങ്കേതികവിദ്യയുമായി ബന്ധപ്പെട്ട് നിങ്ങളുടെ രാശിയിൽ വളരെയധികം കാര്യങ്ങൾ‌ നടക്കുന്നു. നിലവിലെ സങ്കീർണമായ എല്ലാ വൈകാരികവും മനശാസ്ത്രപരവുമായ മാറ്റങ്ങൾ‌ മാറ്റിനിർത്തിയാൽ‌, ഏറ്റവും പുതിയ ഉപകരണങ്ങൾ ശേഖരിക്കുന്നതിനുള്ള സമയമാണിത്! ഒരു പുതിയ ഗാഡ്‌ജെറ്റ് നിങ്ങളുടെ സാമൂഹിക ജീവിതത്തെ ഗുണകരമായി ബാധിക്കും.

കുംഭം രാശി (ജനുവരി 21- ഫെബ്രുവരി 19)

അതിശയകരമായ ഗ്രഹവശങ്ങൾ ഇപ്പോൾ മങ്ങുകയാണ്, പക്ഷേ സജീവമായ യോഗങ്ങൾ, അസാധാരണമായ തീരുമാനങ്ങൾ, കൗതുകകരമായ തിരഞ്ഞെടുപ്പുകൾ എന്നിവ നടത്താനുള്ള ശക്തി അവ നിലനിർത്തുന്നു. മറ്റുള്ളവർ‌ അവരുടെ മനസ്സിനെ രൂപപ്പെടുത്തുന്നതിനായി കാത്തിരിക്കുന്നതിനേക്കാൾ‌ നിങ്ങൾ‌ ഇന്ന്‌ മുൻകൈയെടുക്കാൻ‌ ആരംഭിക്കണം.

മീനം രാശി (ഫെബ്രുവരി 20 – മാർച്ച് 20)

മാസാവസാനത്തോടെ ഈ കാലഘട്ടത്തിലേക്ക് തിരിഞ്ഞുനോക്കുമ്പോൾ നിങ്ങൾ നിങ്ങൾക്കായി പ്രതിരോധിച്ച സമയമാണെന്ന് നിങ്ങൾക്ക് മനസ്സിലാകും. അപകടസാധ്യതകൾ വരുന്ന തീരുമാനങ്ങൾ എടുക്കേണ്ടത് അനിവാര്യമാണ്, അതിനായി തൊലിക്കട്ടി ഉണ്ടാകണം എന്നത് പ്രധാനമാണ്. സെൻ‌സിറ്റീവ് ആയിരിക്കുന്നത് നല്ലതാണ്, പക്ഷേ അമിതമായും ഭ്രാന്തമായും ആകൃഷ്ടരാകരുത്.

Get all the Latest Malayalam News and Horoscope in Malayalam at Indian Express Malayalam. You can also catch all the Malayalam Astrology by following us on Twitter and Facebook