scorecardresearch
Latest News

Horoscope Today February 27, 2021: നിങ്ങളുടെ ഇന്നത്തെ ദിവസം, രാശിഫലം

Horoscope Today February 27, 2021: നിങ്ങളുടെ ഇന്നത്തെ ദിവസം എങ്ങനെയെന്ന് പീറ്റർ വിഡൽ എഴുതുന്നു

Horoscope Today February 27, 2021: നിങ്ങളുടെ ഇന്നത്തെ ദിവസം, രാശിഫലം

Horoscope Today February 27, 2021: മറ്റ് ഗ്രഹങ്ങളിലേക്ക് യാത്ര ചെയ്യാനുള്ള സാധ്യതയിൽ എനിക്ക് വളരെ താൽപ്പര്യമുണ്ട് എന്ന് നിങ്ങൾക്കറിയാമല്ലോ. നാനൂറ് വർഷങ്ങൾക്ക് മുമ്പ് പ്രസിദ്ധീകരിച്ച മനോഹരമായ ഒരു പുസ്തകം ഞാൻ അടുത്തിടെ കണ്ടു. ഒരു കപ്പലില്‍ ആളുകള്‍ ചന്ദ്രനിലേക്ക് ആളുകൾ പോകുന്നതായി സങ്കൽപ്പിക്കുന്ന ഒരു പുസ്തകം. ഞാൻ അത് ചെയ്യാന്‍ ആഗ്രഹിക്കുന്നു. ഒരു ഭീമൻ ബഹിരാകാശ റോക്കറ്റിൽ ഭൂമിയിൽ നിന്ന് ഒരു സ്ഫോടനത്തോടെ പോകുന്നതിനേക്കാള്‍ സന്തോഷമായിരിക്കും കപ്പലില്‍ പോവുക എന്നത്.

മേടം രാശി (മാർച്ച് 21 – ഏപ്രിൽ 20)

നിങ്ങളുടെ നക്ഷത്രങ്ങളിൽ പെട്ടെന്നുള്ള മാറ്റം സംഭവിക്കും. വളരെ ശാന്തവും ആഗ്രഹങ്ങള്‍ക്ക് പിന്തുണയുമുള്ള ഒരു വിന്യാസം സംഭവിക്കുക വഴി, നിങ്ങളുടെ ജീവിതം പുതുതായി ആരംഭിക്കാൻ ഉതകുന്നതാണ് അത്. ജ്യോതിഷപരമായി, നിങ്ങളുടെ ജീവിതം ഇവിടെ ഒന്ന് കൂടി ആരംഭിക്കുന്നു എന്ന് പറയാന്‍ കഴിയും! അതിനേക്കാൾ നന്നായി എനിക്ക് ഇത് വിവരിക്കാന്‍ അറിയില്ല.

ഇടവം രാശി (ഏപ്രിൽ 21 – മെയ് 21)

നിങ്ങള്‍ ഒരു നാടോടിയാണ് എന്ന് കാണുന്നില്ല. പക്ഷേ നിങ്ങളുടെ നക്ഷത്രങ്ങൾ ഒരു തരത്തിൽ അല്ലെങ്കിൽ മറ്റൊരു തരത്തിൽ അസ്വസ്ഥമായി ചലിക്കുന്നവയാണ്. ഇന്നത്തെ ഗ്രഹങ്ങൾ ഗാര്‍ഹിക സ്വാസ്ഥ്യത്തെ അനുകൂലിക്കുന്നുണ്ടെങ്കിലും, നിങ്ങളുടെ വീടിനെ കൂടുതൽ വർണ്ണാഭമാക്കാൻ നിങ്ങൾക്ക് കഴിയുന്നതെല്ലാം ചെയ്യുക. ജോലിത്തിരക്കുകളില്‍ മുഴുകുക. നിങ്ങളുടെ നന്മയെ മുതലെടുക്കാന്‍ പങ്കാളിയെ അനുവദിക്കാതിരിക്കുക.

മിഥുനം രാശി (മെയ് 22 – ജൂൺ 21)

നിങ്ങളുടെ സംഭാഷചാതുര്യത്തിനു ഉത്തരവാദിയായ രാശിചക്രത്തിന്റെ അടയാളം ലിയോയാണെന്നത് (ചിങ്ങം) നിങ്ങളെ അത്ഭുതപ്പെടുത്തും. അതു കൊണ്ടാണ് നിങ്ങളുടെ നിലവിലെ വർണ്ണാഭമായ ഗ്രഹങ്ങൾ, കഴിയുന്നതും വേഗം പുറത്തിറങ്ങി നിങ്ങൾക്ക് കഴിയുന്നത്ര ആളുകളെ കണ്ടുമുട്ടാൻ നിങ്ങളോട് പറയാൻ ശ്രമിക്കുന്നത്.

കർക്കിടകം രാശി (ജൂൺ 22 – ജൂലൈ 23)

മോശമായ ഒരു ബന്ധം നന്നാക്കാൻ ആവശ്യമായത്ര സമയവും അധ്വാനവും നല്‍കുക. വ്യക്തിപരമായ ഒരു വിഷമം സംഭവിച്ചത് നല്ലതിനാണ് എന്ന് തോന്നുമെങ്കിലും, അതോടു കൂടി എല്ലാം കഴിഞ്ഞു പോയതായി ഒരു നിമിഷം പോലും സങ്കൽപ്പിക്കരുത്! ഇപ്പോൾ സംഭവിക്കുന്നതിനെല്ലാം മൂന്ന് മാസത്തിനുള്ളിൽ ഒരു പുതിയ ട്വിസ്റ്റ് വരും.

ചിങ്ങം രാശി (ജൂലൈ 24 – ഓഗസ്റ്റ് 23)

മാന്ത്രികവിദ്യയാലെന്ന പോലെ, ചന്ദ്രൻ നിങ്ങളുടെ രക്ഷയ്‌ക്കെത്തി, നിങ്ങളുടെ മനസ്സിനെ രൂപപ്പെടുത്താൻ സഹായിക്കുന്നു. ഇത് മാസത്തിലൊരിക്കൽ സംഭവിക്കുന്നതാണ്. എന്നാൽ ഇക്കുറി നിങ്ങളുടെ മാനസികാവസ്ഥയിലെ മാറ്റം തികച്ചും നാടകീയവും വരും ദിനങ്ങളില്‍ ആത്മവിശ്വാസത്തിന്റെയും ശുഭാപ്തിവിശ്വാസത്തിന്റെയും പെട്ടെന്നുള്ള കുതിപ്പു പകരും.

കന്നി രാശി (ഓഗസ്റ്റ് 24 – സെപ്റ്റംബർ 23)

ഒരു ചെറിയ സാമൂഹിക ഒത്തുചേരലിന് ശേഷം നിങ്ങൾ സ്വയം കുറച്ച് സമയം നിങ്ങളോടൊപ്പം ചെലവഴിക്കാൻ തയ്യാറായേക്കാം. വാസ്തവത്തിൽ, വരാനിരിക്കുന്ന ആഴ്‌ചയിൽ മികച്ച തുടക്കം നല്‍കാനായി നിങ്ങളുടെ വൈകാരിക ബാറ്ററികൾ വീണ്ടും ചാർജ് ചെയ്യുന്നത് നല്ലൊരു ആശയമായിരിക്കും. നിങ്ങൾ ഒരു രഹസ്യം സൂക്ഷിക്കുന്നുണ്ടോ, എന്നാല്‍ നാളെ അത് നിങ്ങള്‍ അറിയാതെ പുറത്തുപറഞ്ഞേക്കാം.

തുലാം രാശി (സെപ്റ്റംബർ 24 -ഒക്ടോബർ 23)

സമീപകാലത്തെ കുറിച്ച് നിങ്ങൾക്ക് പറയാൻ കഴിയുന്ന ഒരു കാര്യം, പ്രതിസന്ധി കൈകാര്യം ചെയ്യുന്നതിലെ നിങ്ങളുടെ കഴിവുകള്‍ പരിഷ്കരിക്കപ്പെടുകയും ചില സാഹചര്യങ്ങളിൽ പൂർണത കൈവരിക്കുകയും ചെയ്തു എന്നതാണ്. ഇനി ചാന്ദ്രവിന്യാസത്തിന്റെ സൗഹൃദ ശോഭ‌ നൽ‌കുന്ന മനോഹരമായ ചില ഇടപെടലുകള്‍ ആസ്വദിക്കാന്‍ നിങ്ങള്‍ക്ക് സാധിക്കും.

വൃശ്ചികം രാശി (ഒക്ടോബർ 24 – നവംബർ 22)

ഇന്ന് വിജയിക്കാനായി മാത്രം കളിക്കുക. നിങ്ങളുടെ ലക്ഷ്യങ്ങൾ എന്തുമായി കൊള്ളട്ടെ – പ്രൊഫഷണൽ, സാമ്പത്തിക, റൊമാന്റിക്, അങ്ങനെ എന്തും – നിങ്ങള്‍ക്ക് രണ്ടാം സ്ഥാനത്ത് ആവാന്‍ കഴിയില്ല. കുറഞ്ഞത് വ്യക്തിപരമായി നിങ്ങള്‍ ഇത് വരെ നേടിയതില്‍ കവിഞ്ഞ ഒരു ലക്‌ഷ്യം വേണം. മുകളിലേക്ക് വരുന്നതിനേക്കാൾ പ്രധാനം മത്സരിക്കുക എന്നതാണെന്ന് ചില ആളുകൾ പറയുന്നു, പക്ഷേ കുറച്ചു കൂടുതല്‍ കൈയ്യടി കിട്ടിയാലും ദോഷമൊന്നും ഇല്ലല്ലോ.

ധനു രാശി (നവംബർ 23 – ഡിസംബർ 22)

ലോകത്തെ മുഴുവൻ കൂടുതൽ അനുയോജ്യമായ സ്ഥലമാക്കി മാറ്റാൻ ഏറ്റവും ആവശ്യമായ ഘടകമാണ് ഇന്നത്തേതു പോലെ ഊർജ്ജസ്വനായ ചന്ദ്രൻ. ഇന്നത്തേതിന് ശേഷം, ജീവിതം, പ്രത്യേകിച്ച് വ്യക്തി ജീവിതം പോകുന്ന ദിശയിൽ നിങ്ങൾക്ക് കൂടുതൽ സുഖം തോന്നാൻ തുടങ്ങണം.

മകരം രാശി (ഡിസംബർ 23 – ജനുവരി 20)

ഇന്ന് നിങ്ങളുടെ രാശിചക്രത്തില്‍‌ വളരെ കുറച്ച് പുതിയ കാര്യങ്ങൾ മാത്രമേ‌ നടക്കുന്നുള്ളൂ എന്നത് ഒരു ആശ്വാസമായി കാണണം. കാരണം സമീപകാലത്തെ അസ്വസ്ഥതകളിൽ‌ നിന്നും അവസരങ്ങളിൽ‌ നിന്നും ഇനിയും പഠിക്കേണ്ട നിരവധി പാഠങ്ങൾ‌ നിങ്ങൾ‌ക്ക് ഈ സമയം കൊണ്ട് പഠിച്ചെടുക്കാന്‍ കഴിയും. അടുത്ത രണ്ട് മാസം, എല്ലാ മേഖലകളിലും അസാധാരണമായ നല്ല അവസരങ്ങൾ കൊണ്ട് വരും. ഇതിലും മികച്ചത് സ്വപ്നങ്ങളില്‍ മാത്രം!

കുംഭം രാശി (ജനുവരി 21 – ഫെബ്രുവരി 19)

പങ്കാളികളുടെ ബുദ്ധിപൂര്‍വ്വമായ വാക്കുകൾ വളരെ ശ്രദ്ധാപൂർവ്വം കേള്‍ക്കുക. അവ വിമർശനാത്മകമായിരിക്കാം, പക്ഷേ നിങ്ങൾ തെറ്റ് ചെയ്യുന്നതിനെക്കുറിച്ച് സത്യസന്ധമായ അഭിപ്രായം ആരെങ്കിലും പറയേണ്ടതുണ്ട് എന്നതാണ് വസ്തുത – അതു പോലെ തന്നെ നിങ്ങൾ ശരിയായി ചെയ്യുന്നതിനെ പ്രശംസിക്കുകയും വേണം. ഒരു എതിരാളിയോട് നന്ദി പറയാൻ നിങ്ങൾക്ക് ഉടൻ തന്നെ കാരണമുണ്ടാകാം!

മീനം രാശി (ഫെബ്രുവരി 20 -മാർച്ച് 20)

ഒരിക്കല്‍ അവഗണിച്ച അല്ലെങ്കിൽ പൂർണ്ണമായും ഉപേക്ഷിച്ച പ്രിയപ്പെട്ട താൽപ്പര്യങ്ങളിലേക്ക് തിരിയുക. അടുത്തിടെയായി നിങ്ങള്‍ മറ്റുള്ളവരുടെ പ്രശ്‌നങ്ങളില്‍ വ്യാപൃതനായിരുന്നു. എന്നാല്‍ അതില്‍ നിന്നും മാറി നിങ്ങൾക്ക് പ്രധാനപ്പെട്ടത എന്ന് തോന്നുന്ന കാര്യങ്ങളിൽ ഒരിക്കൽ കൂടി ശ്രദ്ധ കേന്ദ്രീകരിക്കുന്നത് നന്നായിരിക്കും.

Stay updated with the latest news headlines and all the latest Horoscope news download Indian Express Malayalam App.

Web Title: Horoscope today february 27 2021 aries gemini cancer virgo capricorn zodiac signs check astrological prediction