Vishu Phalam 2023: മേടക്കൂറ് (അശ്വതി,ഭരണി,കാർത്തിക1/4)
സാധാരണ നിലയിലുള്ള ജീവിതം മുന്നോട്ടു കൊണ്ട് പോകാൻ സാധിക്കും. പുതിയ സംരംഭങ്ങൾക്ക് തുടക്കം കുറിക്കും. ഔദ്യോഗികരംഗത്ത് സ്ഥലമാറ്റവും സ്ഥാനകയറ്റവും ഉണ്ടാകും. വ്യാപാരികൾക്ക് വർഷാവസാനത്തോട് കൂടി മികച്ച ലാഭം കൈവരിക്കാൻ സാധിക്കും. എല്ലാ മേഖലയിലും ആത്മവിശ്വാസത്തോടു കൂടി പ്രവർത്തിക്കാൻ സാധിക്കും. ആരോഗ്യപ്രശ്നങ്ങൾ സ്വസ്ഥത കുറയ്ക്കും. മേടം, ഇടവം, മിഥുനം മാസങ്ങളിൽ സാമ്പത്തിക ലാഭം, കുടുംബപുരോഗതി, കർമ്മരംഗത്ത് ഉയർച്ച എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ മനഃക്ലേശം, പരീക്ഷാവിജയം, ഉയർന്ന പദവികൾ എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ അംഗീകാരങ്ങൾ, ദേഹാരിഷ്ടതകൾ, ദൂരയാത്രകൾ എന്നിവ ഉണ്ടാകും. മകരം, കുംഭം, മീനം മാസങ്ങളിൽ സന്താന ശ്രേയസ്സ്, കുടുംബാംഗങ്ങളുമായി അഭിപ്രായാവ്യത്യാസങ്ങൾ എന്നിവ ഉണ്ടാകും.
ഇടവക്കൂറ് (കാർത്തിക3/4, രോഹിണി, മകയിരം1/2)
ആത്മാർത്ഥത, ധർമ്മബോധം എന്നിവ പ്രവർത്തനങ്ങളിൽ പ്രകടമാക്കും. കുടുംബവരുമാനം വർദ്ധിക്കും. സ്നേഹബന്ധവും സൗഹൃദവും നല്ല രീതിയിൽ മുന്നോട്ട് കൊണ്ട് പോകാൻ സാധിക്കും. പണമിടപാടുകളിൽ അതീവ ശ്രദ്ധ ചെലുത്തേണ്ടത് അത്യാവശ്യം ആണ്. ദീർഘകാല രോഗികൾക്ക് ആശ്വാസം ലഭിക്കും. മേടം, ഇടവം, മിഥുനം മാസങ്ങളിൽ ആരോഗ്യപ്രശ്നങ്ങൾ, കുടുംബ സുഖം, മറ്റുള്ളവരിൽ നിന്നും ആദരവ് എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ ഗൃഹനിർമ്മാണം, ബന്ധുജനസുഖം, അപ്രതീക്ഷിതമായ ചിലവുകൾ എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ കർമ്മരംഗത്ത് ഉയർച്ച, ധാർമ്മികപ്രവൃത്തികൾ, ധനധാന്യ സമൃദ്ധി എന്നിവ ഉണ്ടാകും. മകരം, കുംഭം, മീനം മാസങ്ങളിൽ മനോധൈര്യം, വ്യാപാരരംഗത്ത് പ്രതികൂലാവസ്ഥ, കീർത്തി എന്നിവ ഉണ്ടാകും.
മിഥുനക്കൂറ് (മകയിരം1/2, തിരുവാതിര, പുണർതം3/4)
എല്ലാ കാര്യങ്ങളിലും ശ്രേയസ്സും ഭാഗ്യവും ഉണ്ടാകും. വിദ്യാപുരോഗതി, ബന്ധുജനങ്ങളിൽ നിന്ന് സഹായങ്ങൾ എന്നിവ ഉണ്ടാകും. തൊഴിൽരംഗത്ത് നിലനിന്നിരുന്ന പ്രതിസന്ധികൾ പരിഹരിക്കപ്പെടും. കാർഷിക വിളകളിൽ നിന്നും ആദായം ലഭിക്കും. കലാകാരന്മാർ, സാഹിത്യപ്രവർത്തകർ എന്നിവർക്ക് അംഗീകാരങ്ങൾ ലഭിക്കും. മേടം, ഇടവം, മിഥുനം മാസങ്ങളിൽ സന്തോഷപൂർണ്ണമായ കുടുംബ ജീവിതം, പുത്രാസുഖം, വിദ്യാലാഭം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ ആഗ്രഹസഫലീകരണം, പ്രയത്നഫലം, പ്രശസ്തി എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ അപ്രതീക്ഷിതമായ ധനനഷ്ടം, തൊഴിൽമേഖലയിൽ മാറ്റങ്ങൾ, കഠിനാദ്ധ്വാനംഎന്നിവ ഉണ്ടാകും. മകരം, കുംഭം, മീനം മാസങ്ങളിൽ തൃപ്തികരമായ ആരോഗ്യജീവിതം, സഹപ്രവർത്തകരിൽ നിന്നും പൂർണ്ണമായ സഹകരണം, മനസ്സന്തോഷം എന്നിവ ഉണ്ടാകും.
കർക്കിടകക്കൂർ (പുണർതം1/4, പൂയം, ആയില്യം)
ഔദ്യോഗിക രംഗത്ത് ഭരിച്ച ചുമതലകൾ ഏറ്റെടുക്കാൻ നിർബന്ധിക്കപ്പെടും. നിലനിൽക്കുന്ന കടബാദ്ധ്യതകൾ കുറക്കും. ഉയർന്ന ചിന്തകളിലൂടെയും, ആശയങ്ങളിലൂടെയും പ്രവർത്തന മേഖല വികസിപ്പിച്ചെടുക്കാൻ സാധിക്കും. ഭരണപരമായ അസ്ഥിരത സന്തോഷവും സമാധാനവും കുറക്കും. മേടം, ഇടവം, മിഥുനം മാസങ്ങളിൽ സാഹസികത, സർവ്വകാര്യ വിജയം, പുതിയ സംരംഭങ്ങൾ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ അന്യദേശവാസം, ഭൂമിലാഭം, ദേഹാരിഷ്ടുകൾ എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ സ്വജനവിരഹം, ഭാഗ്യാനുഭവം, വിദ്യാലാഭം എന്നിവ ഉണ്ടാകും. മകരം, കുംഭം, മീനം മാസങ്ങളിൽ കാർഷിക സമ്പത്ത്, സന്താനലബ്ധി, ദൂരയാത്രകൾ എന്നിവ ഉണ്ടാകും.
ചിങ്ങകൂറ് (മകം,പൂരം, ഉത്രം1/4)
ആഗ്രഹങ്ങൾ നിറവേറ്റപ്പെടും. കർമ്മരംഗത്ത് ഉയർച്ച, ദൈവാനുകൂല്യം, സാമ്പത്തിക ഭദ്രത എന്നിവ ഉണ്ടാകും. അനുകൂലമായ സ്ഥലം മാറ്റം, നേതൃപദവി എന്നിവ ലഭിക്കും. മേലധികാരികളിൽ നിന്നും എതിർപ്പുകൾ ഉണ്ടാകാനിടയുണ്ട്. വ്യാപാരികൾക്ക് ലാഭവും നഷ്ടവും ഇല്ലാതെ മുന്നോട്ട് കൊണ്ട് പോകുവാൻ സാധിക്കും. മേടം, ഇടവം, മിഥുനം മാസങ്ങളിൽ ധാരണാശക്തി, അന്യദേശ വാസം, കുടുംബസുഖം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ വിഭവപുഷ്ടി, പുണ്യപ്രവൃത്തികൾ, ശത്രുപീഡ എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ സൗഖ്യം, തൊഴിൽ ഔന്നത്യം, കാര്യവിജയം എന്നിവ ഉണ്ടാകും. മകരം, കുംഭം, മീനം മാസങ്ങളിൽ രോഗപീഡ, പ്രിയജനാനുകൂല്യം, ഉത്സാഹശീലം എന്നിവ ഉണ്ടാകും.
കന്നിക്കൂറ് (ഉത്രം3/4,അത്തം,ചിത്ര1/2)
പുണ്യപ്രവൃത്തികൾക്കായി ധനം വിനിയോഗിക്കും. തൊഴിൽരംഗത്തു നിലനിന്നിരുന്ന അസ്വസ്ഥതകൾ പരിഹരിക്കപ്പെടും. പരീക്ഷകളിലും അഭിമുഖങ്ങളിലും വിജയം കൈവരിക്കാൻ സാധിക്കും. ധനാഗമമാർഗ്ഗങ്ങൾ വിപുലപ്പെടുത്തും. പ്രതിസന്ധികളെ വിവേകപൂർവ്വം അഭിമുഖീകരിക്കും. മേടം, ഇടവം, മിഥുനം മാസങ്ങളിൽ നേതൃഗുണം, കീർത്തി, ഭാഗ്യാനുഭവം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ വിദ്യാഭ്യാസ പുരോഗതി, കലാരംഗത്തു നേട്ടങ്ങൾ, പ്രവർത്തന വിജയം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ മനോവ്യാകുലതകൾ, ഉയർച്ച, ബഹുജനസമ്മതി എന്നിവ ഉണ്ടാകും. മകരം, കുംഭം, മീനം മാസങ്ങളിൽ മനസ്സിനു സന്തോഷം, സ്ഥിരത, മെച്ചപ്പെട്ട സാമൂഹിക നിലവാരം എന്നിവ ഉണ്ടാകും.
തുലാക്കൂർ (ചിത്ര1/2, ചോതി, വിശാഖം3/4)
വളരെ ശ്രദ്ധയോടു കൂടി പണം ചിലവഴിക്കാൻ സാധിക്കും. വിവാഹാന്വേഷകരായ സ്ത്രീ പുരുഷന്മാർക്ക് അനുകൂലഫലം ലഭിക്കും. വ്യാപാരികൾക്ക് വർഷാരംഭത്തിൽ പ്രയാസങ്ങൾ ഉണ്ടാകും. ഗൃഹനിർമ്മാണം പൂർത്തീകരിക്കാൻ സാധിക്കും. കാർഷികാദായം ഉണ്ടാകും. ആരോഗ്യരംഗം തൃപ്തികരം ആയിരിക്കും. മേടം, ഇടവം, മിഥുനം മാസങ്ങളിൽ ധനലാഭം, പ്രതാപം, കാര്യവിഘ്നങ്ങൾ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ മനോവ്യാകുലതകൾ, മേലധികാരികളുടെ അപ്രീതി, വിവാഹം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ എതിർപ്പുകൾ, പഠനപുരോഗതി, രോഗശാന്തി എന്നിവ ഉണ്ടാകും. മകരം, കുംഭം,മീനം മാസങ്ങളിൽ അഭിവൃദ്ധി, നേതൃസ്ഥാന ലബ്ധി, കുടുംബ സുഖം എന്നിവ ഉണ്ടാകും.
വൃശ്ചികക്കൂറ്‍ (വിശാഖം1/4, അനിഴം, തൃക്കേട്ട)
വർഷാരംഭത്തിൽ ലഘുവായ സാമ്പത്തിക പ്രയാസങ്ങൾ അനുഭവപ്പെടും. കർമ്മരംഗത്ത് ഉത്തരവാദിത്വബോധത്തോടെ കൂടി പ്രവർത്തിക്കുവാൻ സാധിക്കും. മംഗള കർമ്മങ്ങൾക്ക് നേതൃത്വം വഹിക്കും. അനുകൂലമായ സ്ഥലമാറ്റം ഉണ്ടാകും. വ്യാപാരികൾക്ക് ലാഭമുണ്ടാക്കുവാനും പുതിയ സംരംഭങ്ങൾ തുടങ്ങുവാനും സാധിക്കും. മേടം, ഇടവം, മിഥുനം മാസങ്ങളിൽ ഉയർന്ന ജീവിത സാഹചര്യങ്ങൾ, പ്രഭുത, സത്യസന്ധത എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ കർമ്മനിപുണത, ഉയർന്ന സാമൂഹിക സ്ഥിതി, മനക്ലേശം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ കലാരംഗത്ത് ഉയർച്ച, സന്തോഷകരമായ സൗഹൃദം, ഉയർന്ന സ്ഥാനലബ്ധി എന്നിവ ഉണ്ടാകും. മകരം, കുംഭം,മീനം മാസങ്ങളിൽ സൗഭാഗ്യം, കാർഷിക സമ്പത്ത്, തൊഴിൽലബ്ധി എന്നിവ ഉണ്ടാകും.
ധനുക്കൂറ്‍ (മൂലം, പൂരാടം, ഉത്രാടം1/4)
സാമ്പത്തിക കാര്യങ്ങളിൽ അശ്രദ്ധ പ്രകടിപ്പിക്കും. അനാവശ്യ ചിലവുകൾ ഉണ്ടാകും. കലാകാരന്മാർക്ക് മികച്ച അവസരങ്ങൾ കൈവരുമെങ്കിലും അവ ഫലപ്രദമായി വിനിയോഗിക്കാൻ സാധിക്കില്ല. തൊഴിൽ രംഗത്ത് കൗശലപൂർവ്വം കാര്യങ്ങളെ സമീപിക്കും. ആരോഗ്യരംഗം തൃപ്തികരമായിരിക്കും. മേടം, ഇടവം, മിഥുനം മാസങ്ങളിൽ മനോവ്യാകുലതകൾ, വിദ്യാഭ്യാസ പുരോഗതി, ജനാനുകൂല്യം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ ഭയം, ആഗ്രഹ സഫലീകരണം, സ്ഥിരത എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ പുണ്യ പ്രവൃത്തികൾ, ബന്ധുക്കളുടെയും സുഹൃത്തുക്കളുടെയും ആനുകൂല്യങ്ങൾ, കാര്യവിജയം എന്നിവ ഉണ്ടാകും. മകരം, കുംഭം, മീനം മാസങ്ങളിൽ പ്രതാപം, രോഗശാന്തി, വസ്ത്രാഭരണാദിലാഭം എന്നിവ ഉണ്ടാകും.
മകരക്കൂറ് (ഉത്രാടം 3/4, തിരുവോണം, അവിട്ടം1/2 )
ഉയർന്ന ധനസ്ഥിതി, പ്രായോഗിക ബുദ്ധിയോടുകൂടിയുള്ള പ്രവർത്തനങ്ങൾ എന്നിവ ഉണ്ടാകും. കാർഷികവിളകളിൽ നിന്നും ലാഭം ലഭിക്കും. ഗൃഹനിർമ്മാണം ആരംഭിക്കും. ദൂരസ്ഥലങ്ങളിലേക്ക് സ്ഥലം മാറ്റം ഉണ്ടാകും.ആരോഗ്യപരമായ വിഷമതകൾ ഉണ്ടാകുമെങ്കിലും അവ ദീർഘകാലം നീണ്ടുനിൽക്കില്ല. പ്രതിസന്ധിഘട്ടങ്ങളിൽ വിദഗ്ധമായി നേരിടുവാനും അവയെ തരണം ചെയ്യുവാനും സാധിക്കും. മേടം, ഇടവം, മിഥുനം മാസങ്ങളിൽ അപ്രതീക്ഷിതമായ ചിലവുകൾ, മനഃസന്തോഷം, കർമ്മരംഗത്ത് നേട്ടങ്ങൾ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ ദൂരയാത്രകൾ, കാര്യപ്രാപ്തി, വിദ്യാഭ്യാസ പുരോഗതി എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ സന്താന ശ്രേയസ്സ്, സന്തോഷകരമായ ദാമ്പത്യജീവിതം, ലാഭകരമായ പണമിടപാടുകൾ എന്നിവ ഉണ്ടാകും. മകരം, കുംഭം, മീനം മാസങ്ങളിൽ വ്യാപാര ലാഭം, തൊഴിൽ രംഗത്ത് മാറ്റങ്ങൾ, മാനസികമായ ഉണർവ്വ് എന്നിവ ഉണ്ടാകും.
കുംഭക്കൂറ് (അവിട്ടം1/2,ചതയം, പൂരുരുട്ടാതി3/4)
തൊഴിൽ മേഖലയിൽ നിന്നും വരുമാന വർദ്ധനവ് ഉണ്ടാകും. നേതൃസ്ഥാനലബ്ധി, മനഃസന്തോഷം, ആഗ്രഹസഫലീകരണം എന്നിവയുമുണ്ടാകും. കർഷകർക്ക് മികച്ച ലാഭം ഉണ്ടായില്ലെങ്കിലും നഷ്ടം വരില്ലെന്ന് ഉറപ്പിക്കാം. പ്രതിസന്ധിഘട്ടങ്ങളെ വിവേകപൂർവ്വം മറികടക്കാൻ സാധിക്കും. മേടം, ഇടവം, മിഥുനം മാസങ്ങളിൽ കാര്യവിജയം, ഉത്സാഹശീലം, ശത്രുപീഡ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ കുടുംബരംഗത്ത് അസ്വസ്ഥത, തീർത്ഥാടനം, മേലധികാരികളുടെ ആനുകൂല്യങ്ങൾ എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ സൗഭാഗ്യം, ഉയർന്ന സാമൂഹികസ്ഥിതി, അനാവശ്യ ചിലവുകൾ എന്നിവ ഉണ്ടാകും. മകരം, കുംഭം, മീനം മാസങ്ങളിൽ കർമ്മലബ്ധി, പദവികൾ, വിദേശയാത്ര എന്നിവ ഉണ്ടാകും.
മീനക്കൂറ്‍ (പൂരുരുട്ടാതി1/4, ഉത്രട്ടാതി, രേവതി)
ഉത്തരവാദിത്വബോധത്തോടു കൂടി കാര്യങ്ങൾ ചെയ്യും. പഠനതടസ്സങ്ങൾ ഉണ്ടാകാനിടയുണ്ട്. കുടുംബാംഗങ്ങൾക്കും സുഹൃത്തുക്കൾക്കും സഹായങ്ങൾ ചെയ്യും. പൊതുപ്രവർത്തനങ്ങളിൽ ശോഭിക്കും. സർക്കാർ ആനുകൂല്യങ്ങൾ ലഭിക്കും. ഭവനനിർമ്മാണ പ്രവർത്തനങ്ങൾക്ക് തടസ്സങ്ങൾ നേരിടും. ശാസ്ത്രങ്ങളിലും കലകളിലും നേട്ടങ്ങൾ കൈവരിക്കും. മേടം, ഇടവം, മിഥുനം മാസങ്ങളിൽ ശത്രുഭയം, ഇഷ്ടജനക്ലേശം, കാർഷികാദായം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ അംഗീകാരങ്ങൾ, സ്ഥലംമാറ്റം, രാഷ്ട്രീയ വിജയം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ കുടുംബപ്രശ്നങ്ങൾക്ക് പരിഹാരം, സന്താനസൗഭാഗ്യം, പുണ്യപ്രവൃത്തികൾ എന്നിവ ഉണ്ടാകും. മകരം, കുംഭം, മീനം മാസങ്ങളിൽ തൊഴിലവസരങ്ങൾ, കീർത്തി, ആദരവ്, ഭൂമിലാഭം എന്നിവ ഉണ്ടാകും.
