മേടക്കൂറുകാർക്ക് കുടുംബസുഖം, ഇടവക്കൂറുകാർക്ക് സമാധാന ജീവിതം, മിഥുനക്കൂറുകാർക്ക് സാമ്പത്തിക നില മെച്ചപ്പെടും

മേടക്കൂറ് (അശ്വതി, ഭരണി, കാർത്തിക1/4)

ഗുണദോഷ സമ്മിശ്രമായ ഫലങ്ങൾ ഉണ്ടാകുന്ന കാലമാണ്. കർമ്മരംഗത്ത് ഉത്തരവാദിത്വമേറിയ ചുമതലകൾ ഏറ്റെടുക്കേണ്ടി വരും. അപ്രതീക്ഷിതമായ ചിലവുകൾ സാമ്പത്തിക മേഖലയെ താളം തെറ്റിക്കും. വിദ്യാഭ്യാസ രംഗത്ത് ഉയർന്ന വിജയവും ഉപരിപഠനം സാധ്യമാവുകയും ചെയ്യും. വ്യാപാര മേഖല ശരാശരി നിലവാരത്തിൽ കൊണ്ടുപോകുവാൻ സാധിക്കും. ദേഹാസ്വസ്ഥതകൾ മനപ്രയാസങ്ങൾ സൃഷ്ടിക്കും.

ജനുവരി,ഫെബ്രുവരി,മാർച്ച് മാസങ്ങളിൽ ധനലാഭം, കുടുംബസുഖം, പ്രശസ്തി എന്നിവ ഉണ്ടാകും. ഏപ്രിൽ, മെയ്‌, ജൂൺ മാസങ്ങളിൽ നേതൃസ്ഥാനലബ്ദ്ധി, വിദ്യാഭ്യാസപുരോഗതി, ദൂരയാത്രകൾ എന്നിവ ഉണ്ടാകും. ജൂലൈ, ഓഗസ്റ്റ്, സെപ്റ്റംബർ മാസങ്ങളിൽ തടസ്സങ്ങൾ, അംഗീകാരങ്ങൾ, സന്താന ലബ്ധി എന്നിവ ഉണ്ടാകും. ഒക്ടോബർ, നവംബർ, ഡിസംബർ മാസങ്ങളിൽ കലഹങ്ങൾ, ആരോഗ്യപരമായ വിഷമതകൾ, ഗൃഹ നിർമ്മാണം, വാഹനലാഭം എന്നിവ ഉണ്ടാകും.

Also Read: ജനുവരി മാസഫലം, അശ്വതി മുതൽ രേവതി വരെ

ഇടവക്കൂറ് (കാർത്തിക 3/4, രോഹിണി, മകയിരം1/2)

അനുകൂല ഫലങ്ങൾ ഉണ്ടാകുന്ന കാലമാണ്. വർഷാരംഭത്തിൽ നിലനിൽക്കുന്ന സാമ്പത്തിക ബുദ്ധിമുട്ടുകളെ തരണം ചെയ്യുവാൻ സാധിക്കും. തൊഴിൽ രംഗത്ത് മാറ്റങ്ങൾ ഉണ്ടാകും. കഠിനാധ്വാനം ചെയ്യുന്നതിന്റെ ഗുണഫലം അനുഭവിക്കും. ഒന്നിലധികം വരുമാന മാർഗ്ഗങ്ങൾ ഉണ്ടാകും. സംതൃപ്തിയും സമാധാനവും നിറഞ്ഞ ജീവിതം ഉണ്ടാകും. ജനുവരി, ഫെബ്രുവരി, മാർച്ച്‌ മാസങ്ങളിൽ ഭൂമി ഇടപാടുകളിൽ നിന്നും ലാഭം, ഭാഗ്യാനുഭവം, ശ്രേയസ്സ് എന്നിവ ഉണ്ടാകും.

ഏപ്രിൽ, മെയ്‌, ജൂൺ മാസങ്ങളിൽ മനഃ ക്ലേശം, അനാവശ്യ ചിലവുകൾ, ആരോഗ്യപ്രശ്നങ്ങൾ എന്നിവ ഉണ്ടാകും. ജൂലൈ, ഓഗസ്റ്റ്, സെപ്റ്റംബർ മാസങ്ങളിൽ കർമ്മരംഗത്ത് ഉയർച്ച,ബന്ധുജന സുഖം, പ്രശസ്തി എന്നിവ ഉണ്ടാകും. ഒക്ടോബർ, നവംബർ, ഡിസംബർ മാസങ്ങളിൽ കാർഷിക മേഖലയിൽ നിന്നും ലാഭം, സഹപ്രവർത്തകരിൽ നിന്നും പൂർണമായ സഹകരണം, സാമ്പത്തിക നേട്ടങ്ങൾ എന്നിവ ഉണ്ടാകും.

Also Read: സമ്പൂർണ വർഷഫലം: അശ്വതി മുതൽ രേവതിവരെ എസ്. ശ്രീനിവാസ് അയ്യർ എഴുതുന്നു

മിഥുനക്കൂറ് (മകയിരം1/2, തിരുവാതിര, പുണർതം3/4)

സന്തോഷവും ശ്രേയസ്സും നിറഞ്ഞ കുടുംബ ജീവിതം നയിക്കാൻ സാധിക്കും.കർമ്മ രംഗത്ത് മാറ്റങ്ങളോ പുതിയ തൊഴിൽ മേഖലകളോ ഉണ്ടാകും.സാമ്പത്തിക നില മെച്ചപ്പെടും. ഗൃഹ നിർമ്മാണം, പുതിയ വാഹനങ്ങൾ എന്നിവ ഉണ്ടാകും.ലഘുവായ ദേഹാസ്വസ്ഥതകൾ പ്രയാസങ്ങൾ സൃഷ്ടിക്കും.കച്ചവടം വിപുലീകരിക്കാൻ സാധിക്കും. ജനുവരി, ഫെബ്രുവരി, മാർച്ച്‌ മാസങ്ങളിൽ ബഹുജന സമ്മിതി, പരീക്ഷവിജയം, കീർത്തി എന്നിവ ഉണ്ടാകും.

Also Read: ധനു മാസത്തെ നക്ഷത്രഫലം, അശ്വതി മുതൽ രേവതി വരെ

ഏപ്രിൽ, മെയ്‌, ജൂൺ മാസങ്ങളിൽ ധനധാന്യ സമൃദ്ധി, തൊഴിൽരംഗത്ത് അനുകൂലമായ സ്ഥലം മാറ്റം, ദേഹരിഷ്ടുകൾ എന്നിവ ഉണ്ടാകും. ജൂലൈ, ഓഗസ്റ്റ്, സെപ്റ്റംബർ മാസങ്ങളിൽ കലഹങ്ങൾ,ഇഷ്ടജനവിരഹം, വിഭവപുഷ്ടി എന്നിവ ഉണ്ടാകും.ഒക്ടോബർ, നവംബർ, ഡിസംബർ മാസങ്ങളിൽ തൊഴിലവസരങ്ങൾ, അംഗീകാരങ്ങൾ,കാർഷികാദായം എന്നിവ ഉണ്ടാകും.

Read More: സമ്പൂർണ വർഷഫലം: അശ്വതി മുതൽ രേവതിവരെ സി വി ഗോവിന്ദൻ എടപ്പാൾ എഴുതുന്നു