ചോറും ചപ്പാത്തിയും ഒഴിവാക്കാതെ വണ്ണം കുറയ്ക്കാം; 85 കിലോ കുറച്ച യുവതിയുടെ രഹസ്യം

ശരീരഭാരം കുറയ്ക്കുക എന്നത് മിക്കവർക്കും ഒരു ബാലികേറാമലയാണ്. ഇഷ്ടമുള്ള ഭക്ഷണങ്ങളെല്ലാം ഉപേക്ഷിച്ച് കഠിനമായ ഡയറ്റുകൾ പിന്തുടരുന്നവരാണ് നമ്മളിൽ പലരും. എന്നാൽ, 150 കിലോയിൽ നിന്ന് 65 കിലോയിലേക്ക് തന്റെ ശരീരഭാരം കുറച്ച പ്രാഞ്ചൽ പാണ്ഡെ എന്ന യുവതിക്ക് പറയാനുള്ളത് മറ്റൊരു കഥയാണ്. കാർബോഹൈഡ്രേറ്റ്സ് പൂർണമായും ഉപേക്ഷിക്കാതെ തന്നെ എങ്ങനെ വണ്ണം കുറയ്ക്കാമെന്ന് തന്റെ അനുഭവത്തിലൂടെ ഇവർ വിശദീകരിക്കുന്നു.

Also Read: ഓട്സ് കഴിക്കുന്നത് കൊളസ്ട്രോൾ കുറയ്ക്കാൻ സഹായിക്കുമോ? ഈ 3 കാര്യങ്ങൾ ശ്രദ്ധിക്കൂ

1. കാർബ്സ് വില്ലനല്ല, പക്ഷേ അളവ് പ്രധാനം

പലരും ഡയറ്റ് തുടങ്ങുമ്പോൾ ആദ്യം ചെയ്യുന്നത് ചോറും ചപ്പാത്തിയും ഒഴിവാക്കുക എന്നതാണ്. എന്നാൽ പ്രാഞ്ചൽ പറയുന്നത് കാർബോഹൈഡ്രേറ്റ്സ് ശരീരത്തിന് ഊർജം നൽകുന്ന പ്രധാന ഘടകമാണെന്നാണ്. കോംപ്ലക്സ് കാർബോഹൈഡ്രേറ്റ്സ് ഭക്ഷണത്തിൽ ഉൾപ്പെടുത്തുന്നതിലൂടെ വിശപ്പ് നിയന്ത്രിക്കാനും ഊർജം നിലനിർത്താനും സാധിക്കും. എന്നാൽ ഇവയുടെ അളവ് കൃത്യമായിരിക്കണം എന്ന് മാത്രം.

2. ഭക്ഷണത്തിന് മുൻപ് സാലഡ് ശീലമാക്കാം

ഭക്ഷണം കഴിക്കുന്നതിന് തൊട്ടുമുൻപ് ഒരു പ്ലേറ്റ് സാലഡ് കഴിക്കുന്നത് പ്രാഞ്ചലിന്റെ പ്രധാന ശീലങ്ങളിൽ ഒന്നാണ്. പച്ചക്കറികളിലെ നാരുകൾ വയർ നിറഞ്ഞ അനുഭവം നൽകുകയും, പിന്നീട് കഴിക്കുന്ന ഭക്ഷണത്തിലെ കാർബോഹൈഡ്രേറ്റ്സ് രക്തത്തിലെ പഞ്ചസാരയുടെ അളവ് പെട്ടെന്ന് കൂട്ടുന്നത് തടയുകയും ചെയ്യുന്നു.

Also Read: ആറുമാസം പാൽ കാപ്പിക്ക് പകരം കട്ടൻ കാപ്പി കുടിച്ചാൽ എന്ത് സംഭവിക്കും?

3. പ്രോട്ടീനും നാരുകളും

ഓരോ നേരത്തെ ഭക്ഷണത്തിലും പ്രോട്ടീനും ഫൈബറും അടങ്ങിയിട്ടുണ്ടെന്ന് ഉറപ്പുവരുത്തുക. ഇത് മെറ്റബോളിസം വർധിപ്പിക്കാനും അനാവശ്യമായ കൊതി ഒഴിവാക്കാനും സഹായിക്കും. പ്രോട്ടീൻ കഴിക്കുന്നത് പേശികളുടെ വളർച്ചയ്ക്കും കൊഴുപ്പ് കുറയ്ക്കാനും അത്യാവശ്യമാണ്.

4. വെള്ളം കുടിക്കാൻ മറക്കരുത്

ദിവസവും കുറഞ്ഞത് 4 ലിറ്റർ വെള്ളമെങ്കിലും കുടിക്കുന്നത് ശരീരത്തിലെ ടോക്സിനുകൾ പുറന്തള്ളാൻ സഹായിക്കും. പലപ്പോഴും വിശപ്പാണെന്ന് നമുക്ക് തോന്നുന്നത് യഥാർത്ഥത്തിൽ ദാഹമായിരിക്കും. അതിനാൽ ധാരാളം വെള്ളം കുടിക്കുന്നത് അമിതാഹാരം ഒഴിവാക്കാൻ സഹായിക്കും.

Also Read: രാത്രിയിൽ തൈര് കഴിക്കാമോ? നമ്മൾ വിശ്വസിക്കുന്ന 7 തെറ്റായ കാര്യങ്ങൾ

5. നടത്തം നിർബന്ധം

ജിമ്മിൽ പോയി കഠിനമായ വ്യായാമം ചെയ്യുന്നതിനേക്കാൾ പ്രാഞ്ചൽ മുൻഗണന നൽകിയത് ലളിതമായ ചലനങ്ങൾക്കാണ്. ഓരോ നേരത്തെ ഭക്ഷണത്തിന് ശേഷവും 10 മുതൽ 15 മിനിറ്റ് വരെ നടക്കുന്നത് ദഹനത്തിനും വണ്ണം കുറയ്ക്കാനും സഹായിക്കും. നടക്കാൻ സാധിക്കാത്ത സാഹചര്യങ്ങളിൽ ലളിതമായ വ്യായാമങ്ങൾ വീട്ടിൽ തന്നെ ചെയ്യാവുന്നതാണ്.

6. ജീവിതശൈലിയിലെ മാറ്റം

ശരീര ഭാരം കുറയ്ക്കുക എന്നത് ഒരു താൽക്കാലിക പരിപാടിയായല്ല, മറിച്ച് ഒരു ജീവിതശൈലിയായി കാണണം എന്നാണ് പ്രാഞ്ചലിന്റെ പക്ഷം. കൃത്യസമയത്തുള്ള ഉറക്കം, സമാധാനപരമായ മനസ്, കൃത്യമായ ഇടവേളകളിലുള്ള ഭക്ഷണം എന്നിവ ഈ യാത്രയിൽ അത്യന്താപേക്ഷിതമാണ്.

View this post on Instagram

A post shared by Pranjal Pandey (@transformwithpranjal)

ക്രാഷ് ഡയറ്റുകൾക്കും പട്ടിണി കിടക്കുന്നതിനും പകരം ശാസ്ത്രീയമായ രീതിയിൽ ആഹാരം ക്രമീകരിച്ചാൽ ആർക്കും ആരോഗ്യകരമായ ശരീരം സ്വന്തമാക്കാമെന്ന് പ്രാഞ്ചൽ പാണ്ഡെ തെളിയിക്കുന്നു.

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കൂടുതൽ തവണ മൂത്രമൊഴിക്കുക, തണുപ്പ് അനുഭവപ്പെടുക: വണ്ണം കുറയുമ്പോൾ ശരീരം കാണിക്കുന്ന 'വിചിത്രമായ' ലക്ഷണങ്ങൾ