വണ്ണം കുറയ്ക്കാൻ ഇനി എന്തെളുപ്പം; വെറും വയറ്റിൽ ഒരു പേരയ്ക്ക കഴിക്കൂ, കൊളസ്ട്രോളും മറക്കാം

കുട്ടിക്കാലത്ത് കാച്ചു കിടക്കുന്ന പേര മരത്തിൽ കയറി പഴുത്ത പേരയ്ക്കകൾ പറിച്ചു കഴിച്ചിരുന്ന ബാല്യകാലം ചിലരുടെയെങ്കിലും ഓർമ്മകളിലുണ്ടാകും. നാട്ടിൻപുറത്തെ വീടുകളുടെ മുറ്റത്ത് ഇപ്പോഴും പേര മരവും അതിൽ നിറയെ കാച്ചു കിടക്കുന്ന പേരയ്ക്കയും സർവ സാധാരണമായ കാഴ്ചയാണ്. അത്തരത്തിൽ, നമ്മുടെ വീടുകളിൽ പേരയ്ക്കയ്ക്ക് എപ്പോഴും ഒരു പ്രത്യേക സ്ഥാനമുണ്ട്. അതിന്റെ ഉന്മേഷദായകമായ മധുരവും ഗൃഹാതുരത്വത്തിന്റെ സുഗന്ധവും പല നല്ല ഓർമ്മകളും നമുക്ക് നൽകുന്നവയാണ്. 

ഈ ചെറിയ പഴം ആരോഗ്യത്തിന്റെ ഒരു ശക്തികേന്ദ്രം കൂടിയാണ്. എന്നാൽ, പലപ്പോഴും അവയ്ക്ക് വേണ്ടത്ര പരിഗണന കിട്ടാറില്ല. പല ആരോഗ്യ വിദഗ്ധരും രാവിലെ ആദ്യം തന്നെ പേരയ്ക്ക കഴിക്കാൻ നിർദേശിക്കുന്നു. ഒഴിഞ്ഞ വയറ്റിൽ പേരയ്ക്ക കഴിക്കുന്നത് ശരീരത്തിന് അത്ഭുതങ്ങൾ സൃഷ്ടിക്കും. രാവിലെ വെറും വയറ്റിൽ പേരയ്ക്ക കഴിക്കുമ്പോൾ ശരീരത്തിലുണ്ടാകുന്ന മാറ്റങ്ങൾ എന്തൊക്കെയാണെന്ന് നോക്കാം. 

1. സ്വാഭാവികമായി ദഹനം വർധിപ്പിക്കുന്നു

പേരയ്ക്ക ഭക്ഷണത്തിലെ നാരുകളുടെ ഏറ്റവും സമ്പന്നമായ പ്രകൃതിദത്ത സ്രോതസുകളിൽ ഒന്നാണ്. ഇത് ദഹനത്തിന് മികച്ചതാണ്. വെറും വയറ്റിൽ കഴിക്കുമ്പോൾ, പേരയ്ക്കയിലെ നാരുകളും ദഹന എൻസൈമുകളും മലവിസർജനത്തെ ഉത്തേജിപ്പിക്കുകയും കുടലുകളെ ശുദ്ധീകരിക്കുകയും ചെയ്യുന്നു. പേരയ്ക്ക പതിവായി കഴിക്കുന്നത് ദഹനക്കേടിന്റെ ലക്ഷണങ്ങൾ ലഘൂകരിക്കാൻ സഹായിച്ചേക്കാം.

Also Read: മികച്ച ദഹനം, രോഗപ്രതിരോധ ശേഷി, തിളങ്ങുന്ന ചർമ്മം; നെയ്യ് രാവിലെ കഴിക്കൂ

2. രോഗപ്രതിരോധ ശേഷി ശക്തമായി നിലനിർത്തുന്നു 

പേരയ്ക്കയിലെ വൈറ്റമിൻ സിയുടെ അളവിനോട് കിടപിടിക്കുന്ന പഴങ്ങൾ കുറവാണ്. ഒരു പേരയ്ക്ക പ്രതിദിനം ശരീരത്തിന് ആവശ്യമായ വൈറ്റമിൻ സിയുടെ ഇരട്ടിയിലധികം (45 മില്ലിഗ്രാം) നൽകുന്നു, ഇത് ഒരു ഓറഞ്ചിനെക്കാൾ കൂടുതലാണ്. ഈ ഉയർന്ന വൈറ്രമിൻ സി ഉള്ളടക്കം ശരീരത്തിന്റെ സ്വാഭാവിക പ്രതിരോധ സംവിധാനങ്ങൾ വർധിപ്പിക്കുകയും അണുബാധകളെ ചെറുക്കാൻ സഹായിക്കുകയും ചെയ്യുന്നു. കാലക്രമേണ, ഒഴിഞ്ഞ വയറ്റിൽ പേരയ്ക്ക കഴിക്കുന്നത് ശരീരത്തിന് ജലദോഷം, പനി, ക്ഷീണം എന്നിവയെ ചെറുക്കാൻ സഹായിക്കും.

3. രക്തത്തിലെ പഞ്ചസാര നിയന്ത്രിക്കുന്നു

മധുരമുള്ളതാണെങ്കിലും, പേരയ്ക്കയ്ക്ക് ഗ്ലൈസെമിക് സൂചിക വളരെ കുറവാണ്, ലയിക്കുന്ന നാരുകൾ കൂടുതലാണ്, ഇത് രക്തത്തിലെ പഞ്ചസാരയുടെ അളവ് സ്ഥിരപ്പെടുത്താൻ സഹായിക്കുമെന്ന് 2016 ലെ ഒരു ഗവേഷണ പ്രബന്ധം പറയുന്നു. ഭക്ഷണത്തിന് മുമ്പോ ഒഴിഞ്ഞ വയറ്റിലോ പേരയ്ക്ക കഴിക്കുന്നത് രക്തത്തിലേക്ക് പഞ്ചസാരയുടെ ആഗിരണം മന്ദഗതിയിലാക്കുന്നു.

Also Read: മരുന്നുകളില്ലാതെ ക്രിയാറ്റിൻ അളവ് എങ്ങനെ കുറയ്ക്കാം?

4. ശരീരഭാരം നിയന്ത്രിക്കാൻ സഹായിക്കുന്നു

ദിവസത്തിന് ആരോഗ്യകരമായ ഒരു തുടക്കം തേടുകയാണെങ്കിൽ, പേരയ്ക്ക കാലറി കുറഞ്ഞ ലഘുഭക്ഷണമാണ്. ഇതിൽ ഉയർന്ന അളവിൽ നാരുകളും ജലാംശവും അടങ്ങിയിരിക്കുന്നതിനാൽ, കൂടുതൽ നേരം വയറു നിറയ്ക്കുകയും അനാവശ്യമായി ലഘുഭക്ഷണം കഴിക്കാനുള്ള ആഗ്രഹം കുറയ്ക്കുകയും ചെയ്യുന്നു. ഒഴിഞ്ഞ വയറ്റിൽ കഴിക്കുന്നത് മെറ്റബോളിസത്തെ വർധിപ്പിക്കുകയും ചെയ്യും. ശരീരത്തിലെ കാലറി കാര്യക്ഷമമായി കത്തിക്കാൻ സഹായിക്കും. 

5. തിളക്കമുള്ള ചർമ്മം നൽകുന്നു

പേരയ്ക്കയിൽ വൈറ്റമിൻ സി നിറഞ്ഞിരിക്കുന്നു, ഇത് മങ്ങിയതിലേക്കും അകാല വാർദ്ധക്യത്തിലേക്കും നയിക്കുന്ന ഓക്‌സിഡേറ്റീവ് സമ്മർദത്തെ ചെറുക്കാൻ സഹായിക്കുന്നു. ഒഴിഞ്ഞ വയറ്റിൽ കഴിക്കുന്നത് ശരീരത്തിൽ നിന്ന് മാലിന്യങ്ങൾ പുറന്തള്ളാൻ സഹായിക്കുന്നു, കാലക്രമേണ ചർമ്മത്തിന് വൃത്തിയുള്ളതും കൂടുതൽ തിളക്കമുള്ളതുമായ രൂപം നൽകുന്നു. ഇത് കൊളാജൻ ഉൽപാദനത്തെ പ്രോത്സാഹിപ്പിക്കുകയും ചെയ്യുന്നു, ചർമ്മത്തെ മൃദുവും യുവത്വവും നിലനിർത്തുന്നു. 

Also Read: ഒരു മാസത്തേക്ക് എല്ലാ ദിവസവും ജീരക വെള്ളം കുടിച്ചാൽ എന്ത് സംഭവിക്കും?

6. കൊളസ്ട്രോളിന്റെ അളവ് നിയന്ത്രിക്കുന്നു

പേരയ്ക്ക ഹൃദയത്തിന് അനുയോജ്യമായ ഒരു പഴമാണ്. കാരണം അവയിൽ പൊട്ടാസ്യം, നാരുകൾ, ആന്റിഓക്‌സിഡന്റുകൾ എന്നിവ ധാരാളമായി അടങ്ങിയിട്ടുണ്ട്. ഇത് ഹൃദയാരോഗ്യത്തെ പിന്തുണയ്ക്കുന്നു. ഒഴിഞ്ഞ വയറ്റിൽ കഴിക്കുന്നത് ശരീരത്തിലെ സോഡിയത്തിന്റെയും പൊട്ടാസ്യത്തിന്റെയും അളവ് സന്തുലിതമാക്കാൻ സഹായിക്കുന്നു, ഇത് രക്തസമ്മർദം നിയന്ത്രിക്കാൻ സഹായിക്കുന്നു. കൂടാതെ, ഈ പഴത്തിൽ അടങ്ങിയിരിക്കുന്ന നാരുകൾ കൊളസ്ട്രോളിന്റെ അളവ് നിയന്ത്രിക്കുകയും ചെയ്യുന്നു.

വെറും വയറ്റിൽ കഴിക്കാൻ പാടില്ലാത്തത് ആരൊക്കെ?

പേരയ്ക്ക മിക്ക ആളുകൾക്കും അനുയോജ്യമാണെങ്കിലും, സെൻസിറ്റീവ് ആമാശയമോ ഇറിറ്റബിൾ ബവൽ സിൻഡ്രോമോ (IBS) ഉണ്ടെങ്കിൽ, നിങ്ങൾ ജാഗ്രത പാലിക്കണം. വെറും വയറ്റിൽ കഴിക്കുമ്പോൾ ചിലപ്പോൾ അസ്വസ്ഥത, വയറു വീർക്കൽ, അല്ലെങ്കിൽ മലബന്ധം എന്നിവയ്ക്ക് കാരണമാകും. പ്രമേഹരോഗികൾക്ക് പേരയ്ക്ക നല്ലതാണെങ്കിലും, അമിത ഉപഭോഗം ഒഴിവാക്കണം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: മദ്യം വേണ്ട, മധുരമില്ലാത്ത കട്ടൻ കാപ്പി മതി; ഈ ശീലങ്ങൾ ഫാറ്റി ലിവർ തടയും