ഗ്രീൻ ടീ കുടിക്കാൻ ഏറ്റവും നല്ല സമയം ഏതാണ്?

സമ്മർദം ഇല്ലാതാക്കുകയും ശരീരത്തിനും മനസിനും ശാന്തത നൽകുകയും ചെയ്യുന്ന ശാന്തമായ ഗുണങ്ങൾ കാരണം ഗ്രീൻ ടീ ഹൃദയങ്ങളെ കീഴടക്കിയിട്ടുണ്ട്. ഇതിലെ ആന്റിഓക്‌സിഡന്റുകൾ ചർമ്മത്തെ ഓക്‌സിഡേറ്റീവ് സമ്മർദത്തിൽ നിന്ന് സംരക്ഷിക്കുകയും, ചർമ്മത്തിന്റെ നന്നാക്കലിന് സഹായിക്കുകയും, വീക്കം മൂലമുണ്ടാകുന്ന വാർധക്യത്തെ മന്ദഗതിയിലാക്കുകയും ചെയ്യും. എന്നാൽ, ശരിയായ സമയത്തും മിതമായും ഗ്രീൻ ടീ കുടിക്കേണ്ടത് പ്രധാനമാണ്. തെറ്റായ സമയത്ത് കുടിക്കുന്നത് അതിന്റെ ഗുണങ്ങൾ പരിമിതപ്പെടുത്താൻ സാധ്യതയുണ്ടെന്ന് വിദഗ്ധർ പറയുന്നു. 

ഗ്രീൻ ടീയുടെ ഗുണങ്ങൾ

ഫോർട്ടിസ് ഹോസ്പിറ്റലിലെ ചീഫ് ഡയറ്റീഷ്യൻ ശാലിനി അരവിന്ദ് പറയുന്നത്, ഗ്രീൻ ടീയെ പലപ്പോഴും ഒരു 'ഡിറ്റോക്സ് ഡ്രിങ്ക്' (വിഷാംശം പുറന്തള്ളുന്ന പാനീയം) എന്ന് വിളിക്കാറുണ്ട്. ഇതിന് കാരണങ്ങൾ ഇവയാണ്:

ആന്റിഓക്‌സിഡന്റുകൾ: ഗ്രീൻ ടീയിൽ കണ്ണിന്റെ ആരോഗ്യത്തിന് ഉത്തമമായ കാറ്റെച്ചിനുകൾ അടങ്ങിയിട്ടുണ്ട്. ഇത് കോശങ്ങൾക്കും ടിഷ്യൂകൾക്കും കേടുപാടുകൾ വരുത്തുന്ന ഫ്രീ റാഡിക്കലുകളെ നീക്കം ചെയ്യുകയും ഓക്‌സിഡേറ്റീവ് സമ്മർദം കുറയ്ക്കുകയും ചെയ്യുന്നു.

Also Read: പേരിലെ 'മധുരം' കണ്ട് പേടിക്കണ്ട; പ്രമേഹമുള്ളവർക്ക് കഴിക്കാം ഈ 'കിഴങ്ങ്'

കരളിന്റെ സംരക്ഷണം: ഇജിസിജി എന്ന ശക്തമായ ആന്റിഓക്‌സിഡന്റ് കരളിന്റെ പ്രവർത്തനം മെച്ചപ്പെടുത്താനും കരൾ വീക്കം, കൊഴുപ്പ് അടിഞ്ഞുകൂടൽ എന്നിവയിൽ നിന്ന് സംരക്ഷിക്കാനും സഹായിച്ചേക്കാം.

ചർമ്മത്തിന്: ഗ്രീൻ ടീ പോളിഫെനോളുകൾ ചർമ്മത്തെ യുവി ലൈറ്റിന്റെ ദോഷകരമായ ഫലങ്ങളിൽ നിന്ന് സംരക്ഷിക്കുകയും ചർമ്മത്തിന്റെ ഗുണമേന്മ വർധിപ്പിക്കുകയും ചെയ്യാം.

മെറ്റബോളിസം: ഇതിലെ നേരിയ അളവിലുള്ള കഫീൻ മെറ്റബോളിസം വർധിപ്പിക്കുന്നു.

Also Read: കാലുകളിൽ നോക്കി കൊളസ്ട്രോൾ അപകടം തിരിച്ചറിയാം, എങ്ങനെ?

ഗ്രീൻ ടീ കുടിക്കാൻ പറ്റിയ സമയം

ഗ്രീൻ ടീ തെറ്റായ സമയത്ത് കുടിക്കുന്നത് അസിഡിറ്റി, ഉറക്കക്കുറവ്, അല്ലെങ്കിൽ പോഷകങ്ങൾ ആഗിരണം ചെയ്യുന്നത് കുറയ്ക്കൽ എന്നിവയിലേക്ക് നയിച്ചേക്കാം. ഗ്രീൻ ടീയുടെ പരമാവധി ഗുണങ്ങൾ ലഭിക്കുന്നതിന് ഇത് എപ്പോൾ കുടിക്കണം എന്നതിലാണ് ശ്രദ്ധിക്കേണ്ടത്. ഗ്രീൻ ടീ ഭക്ഷണത്തോടൊപ്പമോ, ഭക്ഷണങ്ങൾക്കിടയിലുള്ള സമയത്തോ കുടിക്കുന്നതിനെക്കാൾ, വെറും വയറ്റിൽ കുടിക്കുന്നത് ഇജിസിജി പോലുള്ള സംയുക്തങ്ങളുടെ ആഗിരണം ഗണ്യമായി വർധിപ്പിക്കുമെന്ന് വിദഗ്ധർ പറയുന്നു.

2019-ലെ ഒരു പഠനം അനുസരിച്ച്, വൈകുന്നേരം കാറ്റെച്ചിൻ അടങ്ങിയ ഗ്രീൻ ടീ കുടിക്കുന്നത് ഭക്ഷണം കഴിച്ചതിന് ശേഷമുള്ള ഗ്ലൂക്കോസ് സ്പൈക്കുകൾ കുറയ്ക്കാൻ സഹായിക്കുമെന്ന് കണ്ടെത്തി. വിഷാംശം പുറന്തള്ളുന്ന കാര്യത്തിൽ സമയം പ്രധാനമാണെന്നും ഇത് സൂചിപ്പിക്കുന്നു.

Also Read: പ്രമേഹത്തെ ചെറുക്കും, വണ്ണം കുറയ്ക്കും; വെറും വയറ്റിൽ ഈ വെള്ളം കുടിക്കൂ

തെറ്റായ സമയത്ത് കുടിക്കുന്നതിന്റെ ലക്ഷണങ്ങൾ

ഗ്രീൻ ടീ തെറ്റായ സമയത്ത് കുടിക്കുകയോ അമിതമായി കുടിക്കുകയോ ചെയ്താൽ, ഈ ലക്ഷണങ്ങൾ ഉണ്ടാകാം.

• അസിഡിറ്റി
• വയറ്റിലെ അസ്വസ്ഥത
• വയറുവീർക്കൽ
• വിശ്രമമില്ലായ്മ
• വിറയൽ
• ഉറക്കക്കുറവ്
• തലവേദന

ശ്രദ്ധിക്കേണ്ട കാര്യങ്ങൾ

പ്രോട്ടീൻ അല്ലെങ്കിൽ ധാതുക്കൾ കൂടുതലുള്ള ഭക്ഷണങ്ങളോടൊപ്പം ഗ്രീൻ ടീ കുടിക്കുന്നത് അതിന്റെ ഗുണങ്ങൾ കുറയ്ക്കാൻ സാധ്യതയുണ്ട്. അസിഡിറ്റി, അനീമിയ (വിളർച്ച), സെൻസിറ്റീവ് വയർ എന്നിവയുള്ള ആളുകൾ ഗ്രീൻ ടീയുടെ അളവിലും സമയത്തിലും അതീവ ശ്രദ്ധ പുലർത്തണം. ഉയർന്ന അളവിലുള്ള ഗ്രീൻ ടീ കരളിന് ദോഷം, ഹൃദയ സംബന്ധമായ പ്രശ്നങ്ങൾ, വൃക്കകളുടെ പ്രവർത്തനത്തെ തകരാറിലാക്കൽ തുടങ്ങിയ ദോഷകരമായ പാർശ്വഫലങ്ങളിലേക്ക് നയിച്ചേക്കാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ദഹനം സ്മൂത്താക്കും, സുഖമായി ഉറങ്ങാം; പാലിൽ ഇതൊരു നുള്ള് ചേർത്ത് കുടിക്കൂ