മഴക്കാല ആരോഗ്യം, ഈ പച്ചക്കറികൾ ഒഴിവാക്കരുത്

മഴക്കാലത്ത് പ്രതിരോധശേഷി കുറയാനുള്ള സാധ്യത കൂടുതലാണ്. ചില പച്ചക്കറികൾ അടങ്ങിയ ഭക്ഷണം കഴിക്കുന്നത് ഈ സമയത്ത് ആരോഗ്യം വർദ്ധിപ്പിക്കാൻ സഹായിക്കും. ഭക്ഷണത്തിൽ പോഷകങ്ങൾ അടങ്ങിയ പച്ചക്കറികൾ ഉൾപ്പെടുത്തുന്നതിലൂടെ പ്രതിരോധശേഷി ശക്തിപ്പെടുത്താനും ദഹനത്തെ പിന്തുണയ്ക്കാനും മഴക്കാലവുമായി ബന്ധപ്പെട്ട ആരോഗ്യപ്രശ്നങ്ങളുടെ സാധ്യത കുറയ്ക്കാനും കഴിയും.

പാവയ്ക്ക: രോഗപ്രതിരോധ ശേഷി വർധിപ്പിക്കുന്നതിന് മികച്ചതാണ് പാവയ്ക്ക. കരളിനെ ശുദ്ധീകരിക്കാനും രക്തം ശുദ്ധീകരിക്കാനും സഹായിക്കുന്നു.

ചുരയ്ക്ക: ദഹിക്കാൻ എളുപ്പമാണ്. മഴക്കാലത്തെ ദഹനപ്രശ്നഹങ്ങൾ അകറ്റുന്നു. വെള്ളത്തിന്റെ അംശം കൂടുതലായതിനാൽ ശരീരത്തിലെ ജലാംശം നിലനിർത്താൻ സഹായിക്കുന്നു.

സ്പിനച്: ഇവയിലെ ഉയർന്ന ഇരുമ്പിന്റെ അംശം വിളർച്ച തടയാൻ സഹായിക്കുന്നു. ഇതിലെ ആന്റിഓക്‌സിഡന്റുകൾ രോഗപ്രതിരോധ പ്രവർത്തനത്തെ പിന്തുണയ്ക്കുകയും അണുബാധകളിൽ നിന്നും സംരക്ഷിക്കുകയും ചെയ്യുന്നു.

മുരിങ്ങക്ക: മുരിങ്ങക്കയിലെ പോഷകങ്ങൾ പ്രതിരോധശേഷി വർധിപ്പിക്കാനും വീക്കം കുറയ്ക്കാനും ശ്വസന ആരോഗ്യത്തെ പിന്തുണയ്ക്കാനും സഹായിക്കുന്നു.

കാരറ്റ്: പ്രതിരോധശേഷി വർധിപ്പിക്കാനും ചർമ്മത്തിന്റെ ആരോഗ്യം മെച്ചപ്പെടുത്താനും സഹായിക്കുന്നു. കാരറ്റിലെ ആന്റിഓക്‌സിഡന്റുകൾ അണുബാധകളിൽ നിന്ന് സംരക്ഷിക്കാൻ സഹായിക്കുന്നു.

ബീറ്റ്റൂട്ട്: ബീറ്റ്റൂട്ടിലെ ആന്റിഓക്‌സിഡന്റുകൾ രോഗപ്രതിരോധ പ്രവർത്തനത്തെ സഹായിക്കുന്നു. 

മത്തങ്ങ: വൈറ്റമിൻ എ, സി, ഇ, നാരുകൾ എന്നിവയാൽ സമ്പുഷ്ടമാണ്. മത്തങ്ങയിലെ വിറ്റാമിനുകൾ രോഗപ്രതിരോധ സംവിധാനത്തെ ശക്തിപ്പെടുത്താൻ സഹായിക്കുന്നു. ഫൈബർ ഉള്ളടക്കം ദഹനത്തെ സഹായിക്കുകയും മലബന്ധം തടയുകയും ചെയ്യുന്നു.

വെണ്ടക്ക: വിറ്റാമിൻ എ, സി, ഫോളേറ്റ്, ഫൈബർ എന്നിവയുടെ നല്ല ഉറവിടമാണ് വെണ്ടക്ക. ഇവയിലെ ഉയർന്ന നാരുകൾ ആരോഗ്യകരമായ ദഹനത്തെ പ്രോത്സാഹിപ്പിക്കുകയും മലബന്ധം തടയുകയും ചെയ്യുന്നു. ഇതിലെ വിറ്റാമിനുകളും ആന്റിഓക്‌സിഡന്റുകളും രോഗപ്രതിരോധ ശേഷി വർദ്ധിപ്പിക്കുകയും മഴക്കാലത്തെ അണുബാധകളിൽ നിന്ന് സംരക്ഷിക്കുകയും ചെയ്യുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• സിങ്ക് അടങ്ങിയ ഭക്ഷണങ്ങൾ കഴിക്കേണ്ടത് എന്തുകൊണ്ട്?
• ഈ 5 ഭക്ഷണങ്ങൾ രാവിലെ കഴിക്കാറുണ്ടോ? ഒഴിവാക്കുക
• ഗ്രാമ്പൂ വെള്ളം കുടിക്കേണ്ടതിന്റെ 5 കാരണങ്ങൾ
• ആർത്തവം വൈകിപ്പിക്കാൻ കഴിക്കുന്ന ഗുളികകൾ മുഖക്കുരുവിന് കാരണമാകുമോ?