ഒരു മാസത്തേക്ക് ദിവസവും 5 കപ്പ് കാപ്പിയോ ചായയോ കുടിച്ചാൽ ശരീരത്തിന് എന്ത് സംഭവിക്കും?

നമ്മുടെയൊക്കെ ദൈനംദിന ജീവിതത്തിന്റെ ഭാഗമായി ചായയും കാപ്പിയും മാറിയിട്ട് കാലങ്ങളേറെയായി. രണ്ടിനും ഊർജ്ജം നൽകാൻ കഴിയുമെന്നതിനാൽ ഏതാണ് നല്ലതെന്ന് പറയാൻ പ്രയാസമാണ്. ഒരു ദിവസം തന്നെ നാലും അഞ്ചും കപ്പ് ചായയോ കാപ്പിയോ കുടിക്കുന്നവരുണ്ട്. എന്നാൽ, ദിവസവും അഞ്ച് കപ്പ് വീതം കുടിച്ചാൽ യഥാർത്ഥത്തിൽ ശരീരത്തിൽ എന്താണ് സംഭവിക്കുന്നത്?.

താനെയിലെ ജൂപ്പിറ്റർ ആശുപത്രിയിലെ ഇന്റേണൽ മെഡിസിൻ ഡയറക്ടർ ഡോ. അമിത് സറഫിനോട് ഇതേക്കുറിച്ച് ചോദിച്ചപ്പോൾ, കാപ്പിയിൽ കൂടുതൽ കഫീൻ അടങ്ങിയിട്ടുണ്ടെന്നും അത് പെട്ടെന്ന് ഊർജം പകരുമെന്നും അദ്ദേഹം പറഞ്ഞു. ചായയിൽ കഫീൻ കുറവാണെന്നും മനസ്സിനെ ശാന്തമാക്കാൻ സഹായിക്കുന്ന എൽ-തിയനൈനും അടങ്ങിയിട്ടുണ്ടെന്ന് അദ്ദേഹം വിശദീകരിച്ചു.

Also Read: രാവിലെ ആദ്യം വെളുത്തുള്ളി കഴിച്ചാൽ കൊളസ്ട്രോൾ കുറയുമോ?

ദിവസവും അഞ്ച് കപ്പ് കാപ്പിയോ ചായയോ കുടിച്ചാൽ എന്ത് സംഭവിക്കും?

നിങ്ങൾ ഒരു ദിവസം അഞ്ച് കപ്പ് കുടിക്കുകയാണെങ്കിൽ, നിങ്ങളുടെ ശരീരം കഫീനുമായി പൊരുത്തപ്പെടാൻ സാധ്യതയുണ്ടെന്നും, അതേ ഫലം അനുഭവിക്കാൻ നിങ്ങൾക്ക് കൂടുതൽ ആവശ്യമായി വന്നേക്കാമെന്നും ഡോ. ​​സറഫ് ഇന്ത്യൻ എക്സ്പ്രസ് ഡോട് കോമിനോട് പറഞ്ഞു. അമിതമായ കാപ്പി ഉപഭോഗം സമ്മർദ ഹോർമോണുകളെ വർധിപ്പിക്കുകയും അസ്വസ്ഥത ഉണ്ടാക്കുകയും ഉറക്കത്തെ തടസപ്പെടുത്തുകയും ചെയ്യും. ചില ആളുകൾക്ക് കുറച്ച് ഉറക്കം കിട്ടിയതായി തോന്നുന്നു അല്ലെങ്കിൽ അവർ ഉണരുമ്പോൾ തന്നെ ക്ഷീണിതരാണെന്ന് തോന്നുന്നതായി അദ്ദേഹം പറഞ്ഞു.

ചായയിൽ കഫീൻ കുറവാണെന്നും മനസിനെ ശാന്തമാക്കാൻ സഹായിക്കുന്ന എൽ-തിയനൈൻ അടങ്ങിയിട്ടുണ്ടെന്നും അദ്ദേഹം വ്യക്തമാക്കി. ഇക്കാരണത്താൽ, ഒരു ദിവസം നിരവധി കപ്പ് ചായ കുടിച്ചാൽ പോലും സ്ഥിരമായ ഊർജം നൽകുന്നു. കാപ്പി കുടിക്കുമ്പോഴുള്ള ഉത്കണ്ഠയോ ഉറക്ക പ്രശ്‌നങ്ങളോ ഉണ്ടാക്കുന്നില്ലെന്നും അദ്ദേഹം പറഞ്ഞു.

Also Read: മുട്ടയുടെ വെള്ളയോ മഞ്ഞക്കരുവോ? പ്രഭാതഭക്ഷണത്തിന് ഏറ്റവും മികച്ചത് ഏത്?

എത്രയാണ് അധികം?

അമിതമായി കാപ്പിയോ ചായയോ കുടിക്കുന്നത് നിങ്ങളുടെ ശരീരം ചില പോഷകങ്ങൾ എങ്ങനെ ആഗിരണം ചെയ്യുന്നു എന്നതിനെ ബാധിക്കുമെന്ന് ഡോ.സറഫ് വിശദീകരിച്ചു. “കാപ്പി കാൽസ്യം ആഗിരണം ചെയ്യുന്നത് ബുദ്ധിമുട്ടാക്കും, ഭക്ഷണത്തിന് ശേഷം കുടിക്കുമ്പോൾ ഇരുമ്പിന്റെ ആഗിരണം കുറയ്ക്കും. ചായയിൽ, പ്രത്യേകിച്ച് കട്ടൻ ചായയിൽ ടാന്നിനുകൾ അടങ്ങിയിട്ടുണ്ട്. ഇവ ശരീരത്തിന് ഉപയോഗിക്കാൻ ബുദ്ധിമുട്ടാക്കുന്നു. രണ്ട് പാനീയങ്ങൾക്കും നേരിയ ഡൈയൂററ്റിക് ഫലങ്ങളുണ്ട്, പക്ഷേ നിങ്ങൾ ആവശ്യത്തിന് വെള്ളം കുടിച്ചാൽ അവ നിർജലീകരണം ഉണ്ടാക്കില്ല.”

Also Read: ഡയറ്റോ വർക്കൗട്ടോ വേണ്ട, അതിവേഗം കൊഴുപ്പ് കുറയ്ക്കാം; ഈ 'രഹസ്യം' അറിഞ്ഞാൽ മതി

രണ്ടും മിതമായി കുടിക്കുക

ഏറ്റവും പ്രധാനപ്പെട്ട കാര്യം മിതമായ അളവിൽ കാപ്പിയും ചായയും കുടിക്കുകയും കഫീന്റെ ഫലങ്ങൾ സന്തുലിതമാക്കാൻ പകൽ സമയത്ത് ധാരാളം വെള്ളം കുടിക്കുകയും ചെയ്യുക എന്നതാണെന്ന് ഡോ.സറഫ് ആവർത്തിച്ചു. "മിക്ക മുതിർന്നവർക്കും പ്രതിദിനം 300 മുതൽ 400 മില്ലിഗ്രാം വരെ കഫീൻ സുരക്ഷിതമായി കഴിക്കാൻ കഴിയും, ഇത് ഏകദേശം 3 മുതൽ 4 കപ്പ് കാപ്പി അല്ലെങ്കിൽ 6 മുതൽ 8 കപ്പ് ചായ വരെ കുടിക്കുന്നതിന് തുല്യമാണ്."

ആവശ്യത്തിലധികം കുടിച്ചാൽ എന്ത് സംഭവിക്കും?

ആവശ്യത്തിലധികം കുടിച്ചാൽ താൽക്കാലികമായി രക്തസമ്മർദം ഉയരുകയും, ഹൃദയമിടിപ്പ് വേഗത്തിലാക്കുകയും, അസ്വസ്ഥതയും സമ്മർദവും അനുഭവപ്പെടുകയും ചെയ്യുമെന്ന് ഡോ.സറഫ് പറയുന്നു. "ഈ പ്രശ്നങ്ങൾ ഒഴിവാക്കാൻ, ദിവസം മുഴുവൻ നിങ്ങളുടെ പാനീയങ്ങൾ പലതവണ കുടിക്കാൻ ശ്രമിക്കുക, രാത്രിയിൽ കഫീൻ ഒഴിവാക്കുക, അല്ലെങ്കിൽ ഹെർബൽ അല്ലെങ്കിൽ ഡീകാഫ് ഓപ്ഷനുകൾ തിരഞ്ഞെടുക്കുക. നിങ്ങൾക്ക് ഉറങ്ങാൻ ബുദ്ധിമുട്ട്, അല്ലെങ്കിൽ വയറുവേദന എന്നിവ ഉണ്ടെങ്കിൽ, അവ കുറയ്ക്കേണ്ട സമയമായിരിക്കാം."

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: തലവേദന മാറാൻ ഗുളിക പതിവാക്കല്ലേ? 10-15 ദിവസത്തിൽ കൂടുതൽ കഴിക്കരുത്; ന്യൂറോളജിസ്റ്റ് മുന്നറിയിപ്പ്