കണ്ണുകൾക്ക് കാരറ്റ് നല്ലതാണെന്നത് അറിയപ്പെടുന്ന ഒരു വസ്തുതയാണ്. ഈ അവകാശവാദത്തെ പിന്തുണയ്ക്കുന്നതിന് ശാസ്ത്രീയ തെളിവുകൾ പോലുമുണ്ട്. കാരറ്റും കണ്ണും തമ്മിൽ എങ്ങനെ ബന്ധപ്പെട്ടിരിക്കുന്നുവെന്നും കാഴ്ചയെ കാരറ്റ് എങ്ങനെ ബാധിക്കുമെന്നതിനെക്കുറിച്ചാണ് ഇനി പറയുന്നത്.

ഒരു കെട്ടുകഥയിൽ നിന്നാണ് കണ്ണുകളുടെ ആരോഗ്യവും കാരറ്റും തമ്മിലുള്ള ബന്ധം ഉത്ഭവിക്കുന്നത്. രണ്ടാം ലോകമഹായുദ്ധ സമയത്ത് ബ്രിട്ടീഷ് റോയൽ എയർഫോഴ്‌സ് പൈലറ്റുമാർ രാത്രിയിൽ ശത്രുവിമാനങ്ങളെ ലക്ഷ്യമാക്കി വെടിവച്ചുവെന്ന് വിശ്വസിക്കപ്പെടുന്നു. ഇതിനു പിന്നിലെ രഹസ്യ അവർ വെളിപ്പെടുത്തി, രാത്രിയിൽ കാരറ്റ് കഴിക്കുന്നതാണ് കാഴ്ച ശക്തി കൂട്ടിയത്. അന്നു മുതലാണ് കണ്ണിന്റെ ആരോഗ്യത്തിനായുള്ള ഭക്ഷണമായി കാരറ്റിനെ വിശേഷിപ്പിച്ചു തുടങ്ങിയത്. ഇന്നും അത് തുടരുന്നു.

Read More: ഓറഞ്ച് തൊലി കഴിക്കുന്നതിനെക്കുറിച്ച് ചിന്തിച്ചിട്ടുണ്ടോ? നിങ്ങൾ അറിഞ്ഞിരിക്കേണ്ട കാര്യങ്ങൾ

കണ്ണുകൾ ആരോഗ്യകരമായി നിലനിർത്തുന്നു

കാരറ്റിൽ ആന്റിഓക്‌സിഡന്റുകൾ അടങ്ങിയിട്ടുണ്ട്, പ്രത്യേകിച്ച് ബീറ്റാ കരോട്ടിൻ, ല്യൂട്ടിൻ എന്നിവ ഫ്രീ റാഡിക്കലുകൾ മൂലം കണ്ണുകൾക്ക് കേടുപാടുകൾ സംഭവിക്കുന്നത് തടയുന്നു. കോശങ്ങൾക്ക് നാശമുണ്ടാക്കുകയും കണ്ണുകളെ ദുർബലപ്പെടുത്തുകയും ചെയ്യുന്നവയാണ് ഫ്രീ റാഡിക്കലുകൾ. കാരറ്റിന് ചുവപ്പ് / ഓറഞ്ച് നിറം നൽകുന്നത് ബീറ്റാ കരോട്ടിനാണ്, ഇതിനെ ശരീരം വിറ്റാമിൻ എ ആയി പരിവർത്തനം ചെയ്യുന്നു. വിറ്റാമിൻ എ യുടെ കുറവുണ്ടായാൽ രാത്രിയിൽ കാഴ്ചക്കുറവിലേക്ക് നയിക്കാൻ സാധ്യതയുണ്ട്. വിറ്റാമിൻ എ റോഡോപ്സിൻ ഉണ്ടാക്കുന്നുവെന്ന് വിദഗ്‌ധർ പറയുന്നു. ചുവന്ന-പർപ്പിൾ നിറമുളള, കണ്ണിലെ ഇളം സെൻസിറ്റീവ് പിഗ്മെന്റായ ഇത് രാത്രിയിൽ കാണാൻ സഹായിക്കുന്നു.

കൂടാതെ, ല്യൂട്ടിൻ അടങ്ങിയ മഞ്ഞ കാരറ്റ് പ്രായവുമായി ബന്ധപ്പെട്ട മാക്കുലാർ ഡീജനറേഷൻ (എഎംഡി) തടയും. നിങ്ങളുടെ കാഴ്ച ക്രമേണ മങ്ങുകയും അല്ലെങ്കിൽ നഷ്ടപ്പെടുകയും ചെയ്യുന്ന അവസ്ഥയാണ് എഎംഡി.

മറ്റു ഗുണങ്ങൾ

കണ്ണുകൾക്കു കൂടാതെ കാരറ്റ് കഴിക്കുന്നതുകൊണ്ട് മറ്റു ഗുണങ്ങളുമുണ്ട്. നാരുകളാൽ സമ്പന്നമായ കാരറ്റ് ദഹനവ്യവസ്ഥയെ സഹായിക്കുകയും മലബന്ധം തടയുകയും ചെയ്യുന്നു. രക്തത്തിലെ പഞ്ചസാരയുടെ അളവ് സ്ഥിരപ്പെടുത്തുന്നതിനും സഹായിക്കും. കൂടാതെ, ചുവപ്പ്, ഓറഞ്ച് നിറത്തിലുള്ള കാരറ്റിൽ ലൈക്കോപീൻ ഉണ്ട്, ഇത് ഹൃദയസംരക്ഷണ ആന്റിഓക്‌സിഡന്റാണ്. ഉയർന്ന അളവിൽ നാരുകളും കലോറിയും കുറവായതിനാൽ കാരറ്റ് ശരീരഭാരം കുറയ്ക്കും.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook