ഉറക്കമുണർന്നാൽ ഒരു ഗ്ലാസ് വെള്ളം കുടിക്കും, മധുരത്തിന് ഈന്തപ്പഴം; തമന്നയുടെ ഫിറ്റ്നസ് രഹസ്യം

സിനിമയിലെ തിരക്കുകൾക്കിടയിലും തന്റെ ആരോഗ്യം സംരക്ഷിക്കുന്ന കാര്യത്തിൽ യാതൊരു വിട്ടുവീഴ്ചയും ചെയ്യാത്ത താരമാണ് തമന്ന. വർഷങ്ങളായി വ്യത്യസ്ത ഭാഷകളിലെ സിനിമകളിൽ അഭിനയിച്ചിട്ടും, ഫിറ്റ്നസും ശരീരസൗന്ദര്യവും ഒരുപോലെ നിലനിർത്താൻ താരത്തിന് കഴിഞ്ഞത് കർശനമായ ആരോഗ്യശീലങ്ങളും കർശനമായ ജീവിതശൈലിയും കൊണ്ടാണ്.

തമന്നയുടെ ഫിറ്റ്നസ് ജീവിതത്തിന്റെ അടിസ്ഥാനം സ്ഥിരമായ വ്യായാമമാണ്. ഫിറ്റ്‌നസിന്റെയും ഭക്ഷണക്രമത്തിന്റെയും കാര്യത്തിൽ ശരീരത്തിന്റെ ആവശ്യങ്ങൾ അറിഞ്ഞു പ്രവർത്തിക്കുന്ന രീതിയാണ് താൻ പിന്തുടരുന്നതെന്ന് ഇന്ത്യൻ എക്സ്പ്രസിനു നൽകിയ അഭിമുഖത്തിൽ തമന്ന പറയുന്നു. ദീർഘകാലമായി ഫിറ്റ്‌നസ് പിന്തുടരുന്ന ഒരാളായതുകൊണ്ട് തന്നെ, ഒരു സ്ത്രീയുടെ ശരീരം എപ്പോഴും മാറിക്കൊണ്ടിരിക്കുമെന്ന് ഞാൻ മനസ്സിലാക്കുന്നു. അതുകൊണ്ട് തന്നെ കഠിനമായ നിയമങ്ങൾ പിന്തുടരുന്നതിന് പകരം സാഹചര്യത്തിനനുസരിച്ച് മാറ്റങ്ങൾ വരുത്താനാണ് ഞാൻ ഇഷ്ടപ്പെടുന്നതെന്ന് അവർ പറഞ്ഞു.

Also Read: പേരയ്ക്ക തൊലിയോടെ കഴിക്കണോ അതോ തൊലി കളയണോ?

വർക്കൗട്ട്

വർക്കൗട്ടിന്റെ കാര്യമെടുത്താൽ, ഞാൻ പ്രധാനമായും ശ്രദ്ധ കേന്ദ്രീകരിക്കുന്നത് സ്ട്രെങ്ത് ട്രെയിനിങ്ങിലാണ്, ഒപ്പം കാർഡിയോ വ്യായാമങ്ങളും ചെയ്യാറുണ്ട്. ഡാൻസ് എനിക്ക് ഒരുപാട് ഇഷ്ടമാണ്. അത് സ്വാഭാവികവും ആസ്വാദ്യകരവുമായ ഒരു കാർഡിയോ വ്യായാമമായി മാറിയിരിക്കുന്നു. അധികം ആയാസമില്ലാത്ത വ്യായാമങ്ങൾ ചെയ്യണമെന്ന് തോന്നുന്ന ദിവസങ്ങളിൽ ഞാൻ ദീർഘദൂരം നടക്കാൻ പോകും. ഇപ്പോൾ നടത്തം എനിക്ക് ഒരുപാട് ഇഷ്ടമായിത്തുടങ്ങിയിട്ടുണ്ട്. ശരീരം തളരുന്നത് വരെ ഞാൻ വ്യായാമം ചെയ്യാറില്ല; പകരം ശരീരത്തിന്റെ അവസ്ഥ മനസിലാക്കി ആവശ്യമുള്ളപ്പോൾ വേഗത കുറയ്ക്കാറുണ്ട്.

Also Read: ഭക്ഷണക്രമം മാറ്റണ്ട, ജിമ്മിലും പോകണ്ട; രണ്ടാഴ്ച കൊണ്ട് ബ്ലഡ് ഷുഗർ കുറയ്ക്കാൻ ഇങ്ങനെ ചെയ്യൂ

ഭക്ഷണക്രമം 

ഭക്ഷണം എന്നെ സംബന്ധിച്ച് വളരെ പ്രധാനമാണ്. ഡയറിയും (പാൽ ഉൽപ്പന്നങ്ങൾ) ഗ്ലൂട്ടനും എനിക്ക് അത്ര യോജിക്കാത്തതിനാൽ ഞാൻ അവ ഒഴിവാക്കാറാണ് പതിവ്, എങ്കിലും വല്ലപ്പോഴും മാത്രം കഴിക്കാറുണ്ട്. ഒരു സാധാരണ ദിവസം തുടങ്ങുന്നത് ചെറുപയർ കൊണ്ടുള്ള വിഭവമോ മുട്ടയോ കഴിച്ചുകൊണ്ടാണ്. ഉച്ചഭക്ഷണത്തിന് സാധാരണയായി പ്രോട്ടീൻ അടങ്ങിയ ഭക്ഷണവും ക്വിനോവയുമാണ് ഉണ്ടാകാറുള്ളത്. ലഘുഭക്ഷണമായി പഴങ്ങൾ, പ്രത്യേകിച്ച് ബ്ലൂബെറി, നേന്ത്രപ്പഴം അല്ലെങ്കിൽ മധുരം കഴിക്കാനുള്ള തോന്നൽ മാറ്റാൻ കുറച്ച് ഈന്തപ്പഴം എന്നിവയാണ് ഞാൻ തിരഞ്ഞെടുക്കുന്നത്. രാത്രി ഭക്ഷണത്തിൽ പ്രോട്ടീനും പച്ചക്കറികളും സാലഡും ക്വിനോവയും ഉൾപ്പെടുത്താറുണ്ട്.

Also Read: ഒരു മണിക്കൂർ നടത്തമോ 30 മിനിറ്റ് യോഗയോ, ഏതാണ് ആരോഗ്യത്തിന് നല്ലത്?

"എന്റെ പ്രഭാതങ്ങൾ വളരെ ലളിതവും ആശ്വാസകരവുമാണ്. ഉറക്കമുണർന്നയുടനെ ഞാൻ ഒരു ഗ്ലാസ് വെള്ളം കുടിക്കുന്നു. അതിനുശേഷം കുതിർത്ത നട്‌സ് (ബദാം, വാൽനട്ട്, ഉണക്കമുന്തിരി എന്നിവ) കുറച്ച് പഴങ്ങൾക്കൊപ്പം കഴിക്കാറുണ്ട്. പിന്നീട് ഞാൻ ഒരു 'ഡ്രൈ കപ്പുച്ചിനോ' കുടിക്കും. സത്യം പറഞ്ഞാൽ അത് എനിക്ക് വലിയ സന്തോഷം നൽകുന്ന ഒന്നാണ്, അതൊരു ചെറിയ ചടങ്ങ് പോലെ ഞാൻ ആസ്വദിക്കുന്നു. എന്നാൽ ചില ദിവസങ്ങളിൽ എന്റെ മൂഡ് അനുസരിച്ച് കപ്പിക്ക് പകരം ഒരു കപ്പ് ചായ കുടിക്കാറുണ്ട്, എനിക്ക് ചായയും ഒരുപോലെ ഇഷ്ടമാണ്," തമന്ന പറഞ്ഞു.

View this post on Instagram

A post shared by Tamannaah Bhatia (@tamannaahspeaks)

ചുരുക്കത്തിൽ, എന്റെ വ്യായാമവും ഭക്ഷണരീതിയും വളരെ ഫ്ലെക്സിബിളും ബോധപൂർവമുള്ളതുമാണ്. എന്നിരുന്നാലും, എപ്പോഴെങ്കിലും കഠിനമായ ആഗ്രഹം തോന്നിയാൽ ഞാൻ പിസ കഴിക്കുകയും ചെയ്യാറുണ്ട്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഇസിജി നോർമലാണോ? ഹൃദയം സുരക്ഷിതമാണെന്ന് വിശ്വസിക്കരുത്; മുന്നറിയിപ്പ്