അവസരങ്ങൾക്കായി അലയുന്ന സമയത്ത് എന്റെ പ്രഭാത ഭക്ഷണം ഈ കിഴങ്ങ് മാത്രമായിരുന്നു: സിദ്ധാർത്ഥ് മൽഹോത്ര

ബോളിവുഡിലെ സ്റ്റൈലിഷ് താരവും ആരാധകരുടെ പ്രിയങ്കരനുമായ സിദ്ധാർത്ഥ് മൽഹോത്ര തന്റെ 41-ാം ജന്മദിനം ആഘോഷിക്കുകയാണ്. പ്രായം കൂടുമ്പോഴും കൂടുതൽ ചെറുപ്പമാകുന്ന സിദ്ധാർത്ഥിന്റെ ശരീര പ്രകൃതിയും ഫിറ്റ്‌നസും എന്നും വാർത്തകളിൽ ഇടംപിടിക്കാറുണ്ട്. എന്നാൽ, ഈ കരുത്തുറ്റ ശരീരത്തിന് പിന്നിൽ കഠിനമായ വർക്കൗട്ടുകൾ മാത്രമല്ല, ചിട്ടയായ ഭക്ഷണക്രമവും ഉണ്ടെന്നതാണ് വാസ്തവം.

മുംബൈ നഗരത്തിൽ അവസരങ്ങൾ തേടി അലഞ്ഞ കാലഘട്ടത്തിൽ സിദ്ധാർത്ഥ് പിന്തുടർന്നിരുന്ന ലളിതവും എന്നാൽ പോഷകസമൃദ്ധവുമായ ഒരു ഭക്ഷണ രഹസ്യമാണ് ഇപ്പോൾ വീണ്ടും ചർച്ചയാകുന്നത്.

Also Read: ഭക്ഷണം ഉപേക്ഷിക്കേണ്ട, ജിമ്മിൽ പോകേണ്ട; രക്തത്തിലെ പഞ്ചസാര കുറയ്ക്കാൻ ഇത് ശീലമാക്കൂ

സിദ്ധാർത്ഥിന്റെ 'പേറ്റന്റ്' ബ്രേക്ക്ഫാസ്റ്റ്

സിനിമയിൽ എത്തുന്നതിന് മുൻപുള്ള തന്റെ കഷ്ടപ്പാടിന്റെ ദിനങ്ങളെക്കുറിച്ച് സംസാരിക്കവെ, താൻ പതിവായി കഴിച്ചിരുന്ന ഒരു ഭക്ഷണത്തെക്കുറിച്ച് സിദ്ധാർത്ഥ് വെളിപ്പെടുത്തിയിരുന്നു. അദ്ദേഹത്തിന്റെ ഭാഷയിൽ പറഞ്ഞാൽ അതായിരുന്നു അദ്ദേഹത്തിന്റെ 'പേറ്റന്റ് ബ്രേക്ക്ഫാസ്റ്റ്'. മറ്റൊന്നുമല്ല, നമ്മുടെ സ്വന്തം മധുരക്കിഴങ്ങ് ആയിരുന്നു അത്.

"ആ സമയത്ത് മധുരക്കിഴങ്ങായിരുന്നു എന്റെ പ്രധാന പ്രഭാതഭക്ഷണം. പ്രോട്ടീനും കാർബോഹൈഡ്രേറ്റും കൃത്യമായി ലഭിക്കാൻ ഇത് സഹായിച്ചിരുന്നു. എല്ലാത്തിലുമുപരി, ഇതിന് വില വളരെ കുറവായിരുന്നു എന്നതാണ് പ്രധാന ആകർഷണം," സിദ്ധാർത്ഥ് ഓർത്തെടുത്തു. ഓഡീഷനുകൾക്കും ഷൂട്ടിങ്ങുകൾക്കുമായി ഓടിനടക്കുന്ന സമയത്ത് പോക്കറ്റ് കീറാതെ തന്നെ ആരോഗ്യം സംരക്ഷിക്കാൻ ഈ മിതമായ ഭക്ഷണത്തിലൂടെ സിദ്ധാർത്ഥിന് സാധിച്ചിരുന്നു.

Also Read: 84 ദിവസം തുടർച്ചയായി 10 കിലോമീറ്റർ വീതം ജോഗിങ്, ശരീരത്തിൽ എന്ത് മാറ്റങ്ങൾ കൊണ്ടുവരും?

എന്തുകൊണ്ട് മധുരക്കിഴങ്ങ്?

ആരോഗ്യ വിദഗ്ധരുടെ അഭിപ്രായത്തിൽ, മധുരക്കിഴങ്ങ് ഒരു 'സൂപ്പർ ഫുഡ്' ആണ്. മധുരക്കിഴങ്ങിൽ അടങ്ങിയിരിക്കുന്ന ഫൈബർ വിശപ്പിനെ നിയന്ത്രിക്കാനും ദഹനം മെച്ചപ്പെടുത്താനും സഹായിക്കുന്നു. വൈറ്റമിൻ എ, സി, ഇ എന്നിവയാൽ സമ്പന്നമായതിനാൽ ഇത് കാഴ്ചശക്തി വർധിപ്പിക്കാനും ശരീരത്തിന്റെ പ്രതിരോധശേഷി കൂട്ടാനും സഹായിക്കുന്നു. വ്യായാമം ചെയ്യുന്നവർക്ക് ആവശ്യമായ കാർബോഹൈഡ്രേറ്റുകൾ ഇതിൽ ധാരാളമുണ്ട്.

View this post on Instagram

A post shared by Sidharth Malhotra (@sidmalhotra)

Also Read: ഹൃദയാരോഗ്യത്തിനും പ്രമേഹ നിയന്ത്രണത്തിനും ഉത്തമം; ഗുണമേറും പേരയ്ക്ക

ചുരുക്കത്തിൽ, വിലകൂടിയ പ്രോട്ടീൻ പൗഡറുകളോ സപ്ലിമെന്റുകളോ ഇല്ലാതെ തന്നെ കൃത്യമായ ഭക്ഷണത്തിലൂടെ ശരീരം സംരക്ഷിക്കാമെന്ന് സിദ്ധാർത്ഥ് മൽഹോത്രയുടെ ഈ ജീവിതപാഠം നമ്മെ ഓർമ്മിപ്പിക്കുന്നു. 41-ാം വയസിലും യുവത്വം നിലനിർത്തുന്ന സിദ്ധാർത്ഥിന്റെ ഈ 'സിംപിൾ' ഹെൽത്ത് ടിപ്പ് ഇപ്പോൾ സോഷ്യൽ മീഡിയയിലും ശ്രദ്ധേയമാണ്.

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ടൈപ്പ് 1 പ്രമേഹം: രക്തത്തിലെ പഞ്ചസാരയുടെ അളവുകൾ സൂചിപ്പിക്കുന്നത് എന്ത്?