കൈകളിലൂടെ ഗുരുതരമായ ആരോഗ്യപ്രശ്നങ്ങൾ തിരിച്ചറിയാം; ശ്രദ്ധിക്കേണ്ട ലക്ഷണങ്ങൾ

നമ്മുടെ ശരീരത്തിലെ ആരോഗ്യസ്ഥിതിയെക്കുറിച്ച് പല സൂചനകളും നൽകുന്ന ഒന്നാണ് കൈകൾ. നഖത്തിന്റെ നിറം, ആകൃതി, ചർമ്മത്തിലെ മാറ്റങ്ങൾ, വിറയൽ, സന്ധിവേദന എന്നിവയെല്ലാം ശരീരത്തിന്റെ ഉള്ളിൽ നടക്കുന്ന പല ആരോഗ്യപ്രശ്നങ്ങളുടെയും പ്രതിഫലനമാകാം. കൈകളിലൂടെ തിരിച്ചറിയാൻ കഴിയുന്ന പ്രധാനപ്പെട്ട ചില ആരോഗ്യപ്രശ്നങ്ങൾ അറിയാം.

ഇൻഫ്ലമേറ്ററി ബവൽ ഡിസീസ്

ദഹനവ്യവസ്ഥയെ ബാധിക്കുന്ന രോഗമാണിതെങ്കിലും, ഇതിന്റെ ലക്ഷണങ്ങൾ കൈകളിൽ പ്രകടമായേക്കാം. ഐബിഡി ഉള്ളവരിലുണ്ടാകുന്ന സന്ധിവീക്കം കൈകളെയും ബാധിക്കാറുണ്ട്.

ഹൈപ്പോതൈറോയിഡിസം

തൈറോയിഡ് ഗ്രന്ഥിയുടെ പ്രവർത്തനം കുറയുമ്പോൾ നാഡികൾക്ക് തകരാർ സംഭവിക്കാൻ സാധ്യതയുണ്ട്. ഇതിന്റെ ഫലമായി കൈകളിൽ തരിപ്പ്, മരവിപ്പ്, തളർച്ച എന്നിവ അനുഭവപ്പെടാം.

വൈറ്റമിൻ ബി12 കുറവ്

ശരീരത്തിന് അത്യന്താപേക്ഷിതമായ ഒന്നാണ് വൈറ്റമിൻ ബി12. ഇതിന്റെ അഭാവം കൈകളിൽ തരിപ്പ്, മരവിപ്പ്, കൈകൾക്ക് അമിതമായ തണുപ്പ് എന്നിവയ്ക്ക് കാരണമാകുന്നു.

റൂമറ്റോയ്ഡ് ആർത്രൈറ്റിസ്

വിരലുകളിലെ സന്ധികളിൽ വേദനയും വീക്കവും അനുഭവപ്പെടുന്നത് ഈ രോഗത്തിന്റെ പ്രധാന ലക്ഷണമാണ്. ഇത് കൈകൾക്ക് സ്റ്റിഫ്‌നെസ്സ് ഉണ്ടാക്കുകയും സാധാരണ ചലനങ്ങളെ തടസപ്പെടുത്തുകയും ചെയ്യുന്നു.

ഡയബറ്റിക് ന്യൂറോപ്പതി

രക്തത്തിലെ പഞ്ചസാരയുടെ അളവ് ദീർഘകാലം ഉയർന്നുനിൽക്കുന്നത് നാഡികളെ തകരാറിലാക്കുന്നു. ഇത് കൈകാലുകളിൽ മരവിപ്പും തരിപ്പും ഉണ്ടാക്കാൻ കാരണമാകുന്നു. പ്രമേഹരോഗികൾ ഇത്തരം ലക്ഷണങ്ങൾ കണ്ടാൽ പ്രത്യേകം ശ്രദ്ധിക്കേണ്ടതാണ്.