പാവയ്ക്ക ജ്യൂസ് കുടിച്ചല്ല, പ്രമേഹം മാറ്റാൻ ഈ വഴികൾ നോക്കൂ

പ്രമേഹമുള്ളവർക്ക് അനുയോജ്യമായ ഒരു വെജിറ്റബിൾ ജ്യൂസാണ് പാവയ്ക്കയെന്ന് പരക്കെ ഒരു ധാരണയുണ്ട്. പാവയ്ക്ക ജ്യൂസ് കുടിച്ച് പ്രമേഹത്തെ നിയന്ത്രിക്കാനായെന്ന് അവകാശപ്പെടുന്നവരുമുണ്ട്. എന്നാൽ, കാർഡിയോളജിസ്റ്റ് ഡോ.ശൈലേഷ് സിങ്ങിന്റെ അഭിപ്രായത്തിൽ, പ്രമേഹ നിയന്ത്രണത്തിന്റെ യഥാർത്ഥ രഹസ്യം ഈ പാനീയമോ രാത്രിയിലെ കുറുക്കുവഴികളോ ആയി യാതൊരു ബന്ധവുമില്ല. ഇത് വ്യായാമം, ഉറക്കം, സ്വയം അച്ചടക്കം എന്നിവയെ അടിസ്ഥാനമാക്കിയുള്ളതാണ്.

പ്രമേഹത്തെ വരുതിയിലാക്കിയ തന്റെ സുഹൃത്ത് അതിനുവേണ്ടി ചെയ്തത് എന്തൊക്കെയാണെന്ന് പറയാൻ സൗകര്യപൂർവം മറന്നതായി ഡോക്ടർ എക്സിൽ പങ്കുവച്ച കുറിപ്പിൽ വിശദീകരിച്ചു. ഒരു ഗ്ലാസ് ഗ്രീൻ ജ്യൂസിൽ മാത്രം ഒളിപ്പിച്ചു വച്ചിരുന്നതല്ല ആ രഹസ്യമെന്ന് തെളിഞ്ഞതായി അദ്ദേഹം വ്യക്തമാക്കി. 

Also Read: പ്രായത്തിന് അനുസരിച്ച് ഒരാൾ എത്ര അളവ് ടൂത്ത് പേസ്റ്റ് ഉപയോഗിക്കണം?

അദ്ദേഹത്തിന്റെ സുഹൃത്ത് 20 കിലോ ഭാരം കുറച്ചു, ദിവസവും 10 കിലോമീറ്റർ നടന്നു, എട്ട് മണിക്കൂർ ഉറങ്ങി, ഒരു മണിക്കൂർ വ്യായാമം ചെയ്തു, മദ്യം പൂർണമായും ഉപേക്ഷിച്ചു. അതിലൂടെ പ്രമേഹത്തെ നിയന്ത്രിച്ചു. പക്ഷേ അദ്ദേഹം മുഴുവൻ ക്രെഡിറ്റും നൽകിയ പാവയ്ക്ക ജ്യൂസിനാണ്. "തീർച്ചയായും അത് ചെയ്തത് പാവയ്ക്ക ജ്യൂസാണ്," ഡോ.സിങ് പരിഹസിച്ചു. ആളുകൾ പലപ്പോഴും "ഗണിതശാസ്ത്രത്തേക്കാൾ മാന്ത്രിക ചികിത്സകളാണ് ഇഷ്ടപ്പെടുന്നത്" അദ്ദേഹം പറഞ്ഞു.

മറ്റൊരു പോസ്റ്റിൽ, കാർഡിയോളജിസ്റ്റ് ആളുകൾ ഫിറ്റ്നസിനെക്കുറിച്ച് എങ്ങനെ ചിന്തിക്കുന്നുവെന്ന് വിശദമാക്കി. “ഇതിനെ വ്യായാമം എന്ന് വിളിക്കുന്നത് നിർത്തുക. അതിനെ ചലനം എന്ന് വിളിക്കുക. കാരണം മിക്കവർക്കും, വ്യായാമം എന്ന വാക്ക് ശിക്ഷയായി തോന്നുന്നു, അതേസമയം ചലനം ജീവിക്കുന്നതായി തോന്നുന്നു. ഡോ.സിങ് ആളുകളെ നൃത്തം ചെയ്യാൻ പ്രോത്സാഹിപ്പിച്ചു, കുട്ടികളുമായി കളിക്കുക, പലചരക്ക് സാധനങ്ങൾ വാങ്ങാൻ പോവുക, വൃത്തിയാക്കൽ പോലും. ഇതെല്ലാം ആരോഗ്യത്തിന് പ്രധാനമാണെന്ന് എല്ലാവരെയും അദ്ദേഹം ഓർമിപ്പിച്ചു. 

Also Read: ബിപി ഉയരും, ശരീര ഭാരവും കൊളസ്ട്രോളും നിയന്ത്രണം വിടും; രാവിലത്തെ ഈ ശീലം ഒഴിവാക്കൂ

പ്രമേഹ രോഗികളുടെ ചില തെറ്റായ മിഥ്യാധാരണകളെ ഡോ. പാൽ അടുത്തിടെ സോഷ്യൽ മീഡിയയിൽ പോസ്റ്റ് ചെയ്ത വീഡിയോയിലൂടെ തിരുത്തി കാണിച്ചിരുന്നു. പ്രമേഹം ജനിതകമായി മാത്രമുള്ളതാണെന്നും അതിനാൽ ഒഴിവാക്കാനാവാത്തതാണെന്നും ഉള്ള മിഥ്യാധാരണയെയാണ് ഡോ.പാൽ ആദ്യം പൊളിച്ചെഴുതിയത്. ജീനുകൾ അപകടസാധ്യത വർധിപ്പിക്കുമെങ്കിലും ജീവിതശൈലിയാണ് ഫലം തീരുമാനിക്കുന്നതെന്ന് അദ്ദേഹം പറയുന്നു. ഉയർന്ന പ്രമേഹ പാരമ്പര്യമുള്ള കുടുംബത്തിലെ ആളുകൾ ഇൻസുലിൻ പ്രതിരോധം പരിഹരിച്ചും ഉറക്കം, സമ്മർദ്ദം എന്നിവ പരിഹരിച്ചും പഞ്ചസാരയുടെ അളവ് സാധാരണ നിലയിലേക്ക് കൊണ്ടുവരുന്നത് താൻ കണ്ടിട്ടുണ്ടെന്ന് അദ്ദേഹം വ്യക്തമാക്കി. 

That friend who "reversed diabetes naturally" forgot to mention:

Lost 20 kg
Walks 10km daily
Sleeps 8 hours
Exercised 1 hr daily
Quit alcohol

But sure, it was the karela juice that did it.
We love magic cures more than mathematical ones.

— Dr Shailesh Singh (@drShaileshSingh) October 22, 2025

Also Read: ഷുഗറും തലവേദനയും കൂട്ടും; പ്രമേഹം, മൈഗ്രെയ്ൻ ഉള്ളവർ ഒഴിവാക്കേണ്ട പഴങ്ങൾ ഏതൊക്കെ?

ഒരിക്കൽ ഒരാൾ മരുന്ന് അല്ലെങ്കിൽ ഇൻസുലിൻ തുടങ്ങിയാൽ പിന്നെ ഒരിക്കലും നിർത്താൻ കഴിയില്ല എന്ന തെറ്റിദ്ധാരണയെക്കുറിച്ചാണ് അദ്ദേഹം രണ്ടാമതായി പരാമർശിച്ചത്. ഇത് എല്ലായ്പ്പോഴും ശരിയല്ല. ഒരു പതിറ്റാണ്ടായി ഇൻസുലിൻ കഴിച്ചിരുന്ന നിരവധി രോഗികൾ മൂലകാരണങ്ങൾ പരിഹരിച്ച്, ജീവിതശൈലി മാറ്റം വരുത്തിയപ്പോൾ അതിൽ നിന്ന് പുറത്തുകടന്നതായി അദ്ദേഹം പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ജിമ്മില്ല, കഷ്ടപ്പാടുകളില്ല; ജാൻവി കപൂറിന്റെ ഈയൊരു ശീലം മതി, വണ്ണം കുറയ്ക്കാം