പിസിഒഎസ്: എങ്ങനെ തിരിച്ചറിയാം? ലക്ഷണങ്ങൾ ഇവ

സെപ്തംബർ ഒന്നിന് പിസിഒഎസ് (പോളിസിസ്റ്റിക് ഓവറി സിൻഡ്രോം) ബോധവൽക്കരണ മാസത്തിന്റെ തുടക്കം കുറിക്കുന്നു. കൂടാതെ പിസിഒഎസ് ചലഞ്ച്: ദി നാഷണൽ പോളിസിസ്റ്റിക് ഓവറി സിൻഡ്രോം അസോസിയേഷൻ സംഘടിപ്പിച്ച പരിപാടിയായ 'വേൾഡ് പിസിഒഎസ് ഡേ ഓഫ് യൂണിറ്റി' ആയും ആചരിക്കുന്നു.

പ്രത്യുൽപാദന പ്രായത്തിലുള്ള സ്ത്രീകളെ ബാധിക്കുന്ന ഒരു ഹോർമോൺ തകരാറാണ് പിസിഒഎസ്. ലോകമെമ്പാടുമുള്ള സ്ത്രീ വന്ധ്യതയുടെ പ്രധാന കാരണമായതിനാൽ ഈ സിൻഡ്രോമിനെക്കുറിച്ചുള്ള അവബോധം അത്യന്താപേക്ഷിതമാണ്. ലോകാരോഗ്യ സംഘടനയുടെ കണക്കനുസരിച്ച്, പിസിഒഎസ് പ്രത്യുൽപാദന പ്രായത്തിലുള്ള സ്ത്രീകളിൽ എട്ട്-13 ശതമാനം പേരെ ബാധിക്കുന്നു. കൂടാതെ 70 ശതമാനം വരെ ബാധിച്ച സ്ത്രീകളും രോഗത്തെക്കുറിച്ച് അറിയുന്നില്ല.

പുരുഷ ഹോർമോണുകളുടെയും അണ്ഡാശയത്തിലെ സിസ്റ്റുകളുടെയും അമിതമായ ഉൽപ്പാദനം പിസിഒഎസിന്റെ സവിശേഷതയാണെങ്കിലും, പിസിഒഎസിനെക്കുറിച്ച് പറയാൻ കഴിയുന്ന നിരവധി ആദ്യകാല സൂചനകളുണ്ട്.

പിസിഒഎസ് തിരിച്ചറിയാൻ സഹായിക്കുന്ന ചില സാധാരണ ലക്ഷണങ്ങളെക്കുറിച്ച് ഫംഗ്ഷണൽ ഹോർമോൺ ഹെൽത്ത് ന്യൂട്രീഷനിസ്റ്റ് ശിഖ ഗുപ്ത ഇൻസ്റ്റാഗ്രാമിൽ പങ്കുവയ്ക്കുന്നു. “എല്ലായ്‌പ്പോഴും രക്ത റിപ്പോർട്ടുകൾ മാത്രമല്ല ഇത് കാണിക്കുന്നത്. എന്നാൽ പ്രാരംഭ ലക്ഷണങ്ങൾ ഉടനടി നടപടിയെടുക്കാൻ സഹായിക്കും. കാരണം മുൻകരുതൽ എപ്പോഴും ചികിത്സയേക്കാൾ നല്ലതാണ്," ശിഖ അടിക്കുറിപ്പിൽ എഴുതി.

വിദഗ്ദ്ധരുടെ അഭിപ്രായത്തിൽ പിസിഒഎസിന്റെ ആദ്യ ലക്ഷണങ്ങൾ ഇതാണ്

*കനത്ത ആർത്തവം
*അസ്വാഭാവിക ആർത്തവം
*ചെറിയതോ നേരിയതോ ആയ ആർത്തവം
*സ്‌പോട്ടിങ്
*പ്രത്യേകിച്ച് കഴുത്തിലോ ചർമ്മത്തിലോ ഉള്ള കറുത്ത പാടുകൾ
*ചർമ്മം വളരെ എണ്ണമയമുള്ളതും മുഖക്കുരു വരാനുള്ള സാധ്യതയുള്ളതുമായി മാറുന്നു
*അനാവശ്യമായ രോമങ്ങൾ അല്ലെങ്കിൽ അമിതമായ ശരീര രോമവളർച്ച *വന്ധ്യത
*മുടി കൊഴിച്ചിൽ
*ഉയർന്ന ഇൻസുലിൻ അളവ്
*മൂഡ് സ്വിങ്സ്
*ഭാരം കുറയ്ക്കുന്നതിൽ ബുദ്ധിമുട്ട്

*ആർത്തവത്തിന് മുമ്പോ ആർത്തവ സമയത്തോ മധുരം കഴിക്കാനുള്ള തോന്നൽ

ഈ ലക്ഷണങ്ങൾ സാധാരണ പോലെ കാണരുതെന്നും എന്തെങ്കിലും ഉണ്ടെങ്കിൽ ഉടൻ നടപടിയെടുക്കണമെന്നും ഗുപ്ത അഭിപ്രായപ്പെട്ടു.

"ചില സാധാരണ ലക്ഷണങ്ങൾ ക്രമരഹിതമായ ആർത്തവം, മുഖം, നെഞ്ച്, താടി അല്ലെങ്കിൽ മറ്റ് അപ്രതീക്ഷിത ഭാഗങ്ങളിൽ അനാവശ്യമായ രോമവളർച്ച, മുഖക്കുരു, എണ്ണമയമുള്ള ചർമ്മം, പെട്ടെന്നുള്ള ശരീരഭാരം, മുടി അല്ലെങ്കിൽ ചർമ്മത്തിലെ മാറ്റങ്ങൾ എന്നിവയാണ്," ഡോ. എൽ.എച്ച്. ഹിരാനന്ദാനി ഹോസ്പിറ്റൽ, ഗൈനക്കോളജിസ്റ്റും ലാപ്രോസ്‌കോപ്പിക് സർജനും, കൺസൾട്ടന്റ് ഒബ്‌സ്റ്റട്രിക്‌സ്, ഡോ. ചിത്വാൻ ദുബെ പറയുന്നു.

എന്തെങ്കിലും രോഗലക്ഷണങ്ങൾ കണ്ടാൽ ഒരു ഗൈനക്കോളജിസ്റ്റിനെ സന്ദർശിക്കാൻ ഡോ. ദുബെ നിർദ്ദേശിച്ചു. "നിങ്ങളുടെ ഡോക്ടർ ശാരീരിക പരിശോധന, ഹോർമോൺ അളവ് പരിശോധിക്കുന്നതിനുള്ള രക്തപരിശോധന, അല്ലെങ്കിൽ അണ്ഡാശയത്തിലെ ഒന്നിലധികം സിസ്റ്റുകൾ പരിശോധിക്കുന്നതിനുള്ള അൾട്രാസൗണ്ട് എന്നിവ പോലുള്ള ചില പരിശോധനകൾ നടത്തിയേക്കാം."

കൃത്യമായ വ്യായാമം, സമീകൃതാഹാരം, മരുന്നുകൾ, ഹോർമോൺ ജനന നിയന്ത്രണം, അല്ലെങ്കിൽ ഫെർട്ടിലിറ്റി ചികിത്സകൾ എന്നിങ്ങനെയുള്ള ആരോഗ്യകരമായ ജീവിതശൈലി മാറ്റങ്ങൾ ഉൾപ്പെടെ പിസിഒഎസ് കൈകാര്യം ചെയ്യുന്നതിനുള്ള ഫലപ്രദമായ മാർഗങ്ങളും അദ്ദേഹം ശുപാർശ ചെയ്തു.