അനീമിയയെ ചെറുക്കാനും ഹൃദയത്തെ കാക്കാനും മുളപ്പിച്ച ചെറുപയർ

ഇന്ത്യക്കാരിൽ ഹൃദ്രോഗങ്ങൾ നേരത്തെ കണ്ടുവരുന്നതിന്റെ പ്രധാന കാരണം മോശം കൊളസ്ട്രോളും ഉയർന്ന ട്രൈഗ്ലിസറൈഡുകളുമാണ്. മുളപ്പിച്ച ചെറുപയറിലെ ഘടകങ്ങൾ ഇതിന് പരിഹാരമാണ്.

മുളപ്പിച്ച പയറിലെ ലയിക്കുന്ന നാരുകൾ ശരീരത്തിലെ ചീത്ത കൊളസ്ട്രോളിനെ നീക്കം ചെയ്യാൻ സഹായിക്കുന്നു. ഇതിലെ ആന്റിഓക്‌സിഡന്റുകൾ ധമനികളിൽ കൊഴുപ്പ് അടിഞ്ഞുകൂടുന്നത് തടയുന്നു.

ഇതിൽ ധാരാളമായി അടങ്ങിയിരിക്കുന്ന പൊട്ടാസ്യം, മഗ്നീഷ്യം എന്നിവ രക്തക്കുഴലുകളുടെ സമ്മർദ്ദം കുറയ്ക്കുകയും ബി.പി നിയന്ത്രിക്കുകയും ചെയ്യുന്നു.

മുളപ്പിച്ച പയർ ഗുണപ്രദമാണെങ്കിലും കഴിക്കുന്ന രീതിയിൽ ശ്രദ്ധ വേണം. അമിതമായി കഴിക്കുന്നത് ഗ്യാസ് അല്ലെങ്കിൽ വയറു വീർക്കുന്നതിന് കാരണമായേക്കാം.