50-ാം വയസിലും 25 കാരന്റെ ലുക്ക്; 6 നേരം ഭക്ഷണം, 5 ദിവസം വ്യായാമം, മഹേഷ് ബാബുവിന്റെ ഫിറ്റ്നസ് രഹസ്യം

പ്രശസ്ത സംവിധായകൻ എസ്.എസ്.രാജമൗലിയുടെ ബ്രഹ്മാണ്ഡ ചിത്രമായ 'വാരണാസി'യുടെ ഷൂട്ടിങ് തിരക്കിലാണ് തെലുങ്കിലെ സൂപ്പർ താരം മഹേഷ് ബാബു. ഏതാനും ദിവസം മുൻപ് ഹൈദരാബാദിൽ വെച്ച് ചിത്രത്തിന്റെ ഒരു ലോഞ്ച് പരിപാടി നടന്നിരുന്നു. ചിത്രത്തിലെ മഹേഷിന്റെ ഏറെ പ്രതീക്ഷയോടെ കാത്തിരുന്ന ഫസ്റ്റ് ലുക്കും ടൈറ്റിൽ ടീസറും പരിപാടിയിൽ പുറത്തിറക്കി. നിമിഷങ്ങൾക്കുള്ളിൽ സൂപ്പർ താരത്തിന്റെ ലുക്ക് സോഷ്യൽ മീഡിയയിൽ ട്രെൻഡായി. 50-ാം വയസിലും ഇത്ര യുവത്വത്തോടെ എങ്ങനെ തങ്ങളുടെ പ്രിയതാരത്തിന് ശരീരം നിലനിർത്താനാകുന്നുവെന്നാണ് എല്ലാവരും അതിശയിക്കുന്നത്. 

വ്യക്തിപരമായി ഫിറ്റ്നസ് ദിനചര്യയിൽ ഏറെ ശ്രദ്ധാലുവായ നടനാണ് മഹേഷ് ബാബു. അദ്ദേഹത്തിന്റെ ഫിറ്റ്നസ് കോച്ച് കുമാർ മന്നവ ഒരിക്കൽ ഒരു അഭിമുഖത്തിൽ മഹേഷിന്റെ അച്ചടക്കമുള്ള വ്യായാമവും ജീവിതശൈലിയും വെളിപ്പെടുത്തി. ആഴ്ചയിൽ അഞ്ച് ദിവസം വ്യായാമം മുതൽ ഒരു ദിവസം ഒന്നിലധികം പോഷകസമൃദ്ധമായ ഭക്ഷണം കഴിക്കുന്നതുവരെ അദ്ദേഹത്തിന്റെ ജീവിതശൈലിയുടെ ഭാഗമാണ്.

Also Read: മരുന്നില്ല, നിയന്ത്രണമില്ല; പ്രോട്ടീൻ, നടത്തം, ഉറക്കം മാത്രം; ബ്ലഡ് ഷുഗർ കുറയ്ക്കാം

വർഷത്തിൽ 365 ദിവസവും പരിശീലനം നടത്തുന്നു

മിക്ക താരങ്ങളും ഒരു സിനിമയിലെ വേഷത്തിനായി ശരീരത്തെ തയ്യാറാക്കാനാണ് പരിശീലനം ചെയ്യുന്നത്.  എന്നാൽ മഹേഷ് വ്യത്യസ്തനാണ്. അദ്ദേഹം വർഷം മുഴുവനും തന്റെ ശരീരത്തെ വിലമതിക്കുന്നു, ഒരിക്കലും വ്യായാമങ്ങൾ ഒഴിവാക്കുന്നില്ലെന്ന് പരിശീലകൻ പറഞ്ഞു. മഹേഷ് ആഴ്ചയിൽ അഞ്ച് ദിവസത്തെ വ്യായാമ ഷെഡ്യൂൾ പിന്തുടരുന്നു, ഓരോ സെഷനും ഒരു പ്രത്യേക ശരീരഭാഗത്തെ ലക്ഷ്യം വച്ചുള്ളതാണ്, തുടർന്ന് സ്ട്രെച്ചിങ് ചെയ്യും. ആക്ഷൻ റോളുകൾക്കായി ശരീരത്തിന്റെ വഴക്കം കൂട്ടുന്നതിന് സ്ട്രെച്ചിങ് അദ്ദേഹത്തിന്റെ ഫിറ്റ്നസ് ദിനചര്യയുടെ നിർബന്ധിത ഭാഗമാണെന്ന് മന്നവ പറഞ്ഞു. വ്യായാമം സാധാരണയായി 60 മുതൽ 90 മിനിറ്റ് വരെ നീണ്ടുനിൽക്കും.

Also Read: ഒരു മാസത്തേക്ക് ദിവസവും 5 കപ്പ് കാപ്പിയോ ചായയോ കുടിച്ചാൽ ശരീരത്തിന് എന്ത് സംഭവിക്കും?

ഫാഡ് ഡയറ്റോ, കുറുക്കുവഴികളോ ഇല്ല, ഒരു ദിവസം 5–6 തവണയുള്ള സമീകൃതാഹാരം

വ്യായാമങ്ങൾക്കൊപ്പം, മഹേഷിന്റെ ഭക്ഷണക്രമവും വളരെ ഘടനാപരമാണ്. സൂപ്പർസ്റ്റാർ ഒരു ദിവസം അഞ്ച് മുതൽ ആറ് തവണവരെ ഭക്ഷണം കഴിക്കാറുണ്ടെന്നും അതിൽ രണ്ട് സപ്ലിമെന്റ് ഷേക്കുകളും ഉൾപ്പെടുന്നുവെന്നും മന്നവ വിശദീകരിച്ചു. അദ്ദേഹത്തിന്റെ ഭക്ഷണക്രമം എല്ലായ്പ്പോഴും പ്രോട്ടീനുകൾ, കാർബോഹൈഡ്രേറ്റുകൾ, ആരോഗ്യകരമായ കൊഴുപ്പുകൾ എന്നിവ സന്തുലിതമാക്കുന്നു, കൂടാതെ അദ്ദേഹം ഒരിക്കലും തീവ്രമായ ഫാഷൻ ഡയറ്റുകൾ പിന്തുടരുന്നില്ല.

Also Read: രാവിലെ ആദ്യം വെളുത്തുള്ളി കഴിച്ചാൽ കൊളസ്ട്രോൾ കുറയുമോ?

പ്രഭാതഭക്ഷണം: മഷ്, ഓട്സ്, മുട്ട, നട്സ്, പഴങ്ങൾ എന്നിവയുടെ മിശ്രിതം

വ്യായാമത്തിന് ശേഷം: പ്രോട്ടീൻ അല്ലെങ്കിൽ ന്യൂട്രീഷ്യണൽ ഷേക്ക്

ഉച്ചഭക്ഷണം: മാംസം (ചിക്കൻ, ആട്ടിറച്ചി അല്ലെങ്കിൽ മത്സ്യം) ബ്രൗൺ റൈസ്, ക്വിനോവ അല്ലെങ്കിൽ ഖസ് ഖസ് എന്നിവയുമായി ജോടിയാക്കുക

അത്താഴം: ബ്രെഡ് (തവിട്ട് അല്ലെങ്കിൽ മുഴുവൻ ഗോതമ്പ്) മുട്ടയോ ചിക്കനോ ചേർത്തത്, അല്ലെങ്കിൽ പ്രോട്ടീനും കാർബോഹൈഡ്രേറ്റും ചേർന്ന മറ്റൊരു മിശ്രിതം

മഹേഷ് ഫിറ്റ്നസിനെ ഒരു ആജീവനാന്ത പ്രതിബദ്ധതയായി കാണുന്നുവെന്നും പരിശീലകൻ പറഞ്ഞു. നേരത്തെ ഒരു അഭിമുഖത്തിൽ മഹേഷ് ബാബുവിന്റെ ഭക്ഷണക്രമത്തിൽ ഇഡ്ഡലി, ദോശ, പൂരി, മുളപ്പിച്ച പയർവർഗങ്ങൾ എന്നിവയും ഉൾപ്പെടുന്നുണ്ടെന്ന് വെളിപ്പെടുത്തിയിരുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: മുട്ടയുടെ വെള്ളയോ മഞ്ഞക്കരുവോ? പ്രഭാതഭക്ഷണത്തിന് ഏറ്റവും മികച്ചത് ഏത്?