തണുപ്പു കാരണം പുറത്തിറങ്ങാൻ മടിയാണോ? വ്യായാമമില്ലാതെ വണ്ണം കുറയ്ക്കാൻ ചില എളുപ്പവഴികൾ

ശൈത്യകാലത്ത് ശരീരഭാരം നിയന്ത്രിക്കാൻ സഹായിക്കുന്ന ചില വിദ്യകൾ അറിഞ്ഞിരിക്കാം

Written byHealth Desk

ശൈത്യകാലത്ത് ശരീരഭാരം നിയന്ത്രിക്കാൻ സഹായിക്കുന്ന ചില വിദ്യകൾ അറിഞ്ഞിരിക്കാം

Health Desk

18 Dec 2025 12:28 IST

New Update

1/6

ശ്രദ്ധയോടെയുള്ള ആഹാരരീതി

ഭക്ഷണം കഴിക്കുമ്പോൾ ടിവിയോ മൊബൈലോ നോക്കുന്ന ശീലം ഒഴിവാക്കുക. പകരം ഓരോ ഉരുളയും നന്നായി ചവച്ചരച്ച് ആസ്വദിച്ചു കഴിക്കുക. ഇത് അമിതമായി ഭക്ഷണം കഴിക്കുന്നത് ഒഴിവാക്കാനും വയർ നിറഞ്ഞുവെന്ന സന്ദേശം തലച്ചോറിലെത്താനും സഹായിക്കും.

Source: Freepik

2/6

ജലാംശം നിലനിർത്തുക

തണുപ്പുകാലത്ത് ദാഹം കുറവായതുകൊണ്ട് പലരും വെള്ളം കുടിക്കാൻ മടിക്കാറുണ്ട്. പലപ്പോഴും വിശപ്പാണെന്ന് കരുതി നമ്മൾ കഴിക്കുന്നത് ദാഹം മൂലമുള്ള അസ്വസ്ഥതകളാവാം. അതിനാൽ ഇടയ്ക്കിടെ വെള്ളം കുടിക്കുന്നത് അനാവശ്യമായി ലഘുഭക്ഷണങ്ങൾ കഴിക്കുന്നത് ഒഴിവാക്കാൻ സഹായിക്കും.

3/6

നാരുകൾ അടങ്ങിയ ഭക്ഷണം

പഴങ്ങൾ, പച്ചക്കറികൾ, തവിടുള്ള ധാന്യങ്ങൾ എന്നിവ ഭക്ഷണത്തിൽ ഉൾപ്പെടുത്തുക. നാരുകൾ അടങ്ങിയ ഭക്ഷണം ദഹനം സുഗമമാക്കുകയും കൂടുതൽ നേരം വയർ നിറഞ്ഞതായി തോന്നിപ്പിക്കുകയും ചെയ്യും. ഇത് ശരീരത്തിലെ കാലറി കുറയ്ക്കാൻ സഹായിക്കും.

Advertisment

4/6

സംസ്കരിച്ച ഭക്ഷണങ്ങൾ ഒഴിവാക്കുക

പാക്കറ്റ് ഭക്ഷണങ്ങൾ, അമിത മധുരം, കൊഴുപ്പ് എന്നിവ അടങ്ങിയ ജങ്ക് ഫുഡുകൾ ഈ സമയത്ത് ഒഴിവാക്കുന്നതാണ് ഉചിതം. ഇവ ശരീരത്തിൽ അനാവശ്യമായ കൊഴുപ്പ് അടിയാൻ കാരണമാകും.

5/6

വീട്ടിലുണ്ടാക്കുന്ന ഭക്ഷണം ശീലമാക്കാം

പുറത്തുനിന്നുള്ള ഭക്ഷണത്തിന് പകരം വീട്ടിൽ തന്നെ ആരോഗ്യകരമായ വിഭവങ്ങൾ തയ്യാറാക്കുക. ഇത് എണ്ണയുടെയും ഉപ്പിന്റെയും അളവ് നിയന്ത്രിക്കാൻ നിങ്ങളെ സഹായിക്കും.

Source: Freepik

6/6

ആരോഗ്യകരമായ ലഘുഭക്ഷണങ്ങൾ

വൈകുന്നേരങ്ങളിൽ വറുത്ത പലഹാരങ്ങൾക്ക് പകരം ബദാം, കശുവണ്ടി തുടങ്ങിയ അണ്ടിപ്പരിപ്പുകളോ പഴങ്ങളോ തൈരോ ലഘുഭക്ഷണമായി തിരഞ്ഞെടുക്കാം.

Weight Loss

Stay updated with the latest news headlines and all the latest Lifestyle news. Download Indian Express Malayalam App - Android or iOS.