വീട്ടിലുണ്ടാക്കുന്ന നാടൻ ഭക്ഷണങ്ങൾ; 45-ാം വയസിലും കരീനയുടെ ഫിറ്റ്നസ് രഹസ്യം

45-ാം വയസിലും യുവനടിമാർക്ക് വെല്ലുവിളിയുയർത്തി ഫിറ്റ്‌നസ് നിലനിർത്തുന്ന കരീനയുടെ ഡയറ്റ് രഹസ്യം അറിയാൻ പലർക്കും താൽപര്യമുണ്ടാകും. ഒരു ആഴ്ചയിൽ കുറഞ്ഞത് 4-5 ദിവസം ഒരേ അത്താഴമാണ് കരീന കഴിക്കാറുള്ളതെന്ന് സെലിബ്രിറ്റി ന്യൂട്രീഷ്യനിസ്റ്റായ റുജുത ദിവാകർ അടുത്തിടെ വെളിപ്പെടുത്തി.

ദിവസത്തിന്റെ തുടക്കം

കരീനയുടെ ദിവസം ആരംഭിക്കുന്നത് ആരോഗ്യകരമായ ഡ്രൈ ഫ്രൂട്ട്‌സോടെയാണ്. പ്രധാനമായും വാൾനട്ട്, ബദാം, ഉണക്കമുന്തിരി, അത്തിപ്പഴം എന്നിവയാണ് കരീന കഴിക്കാറുള്ളത്.

പ്രഭാതഭക്ഷണം

പ്രഭാതഭക്ഷണത്തിന് സാധാരണയായി പോഹയോ അല്ലെങ്കിൽ പറാത്തയോ ആണ് കരീന തിരഞ്ഞെടുക്കാറുള്ളത്.

ഉച്ചഭക്ഷണം

ഷൂട്ടിങ് തിരക്കുകളിലാണെങ്കിൽ, എളുപ്പത്തിൽ കഴിക്കാൻ കഴിയുന്ന പരിപ്പും ചോറും (ദാൽ-റൈസ്) ആണ് ഇഷ്ടം. വീട്ടിലാണെങ്കിൽ, പതിവുപോലെ റൊട്ടിയും കറിയും (റോട്ടി-സബ്‌ജി) കഴിക്കും.

വൈകുന്നേരത്തെ ലഘുഭക്ഷണം

വൈകുന്നേരത്തെ ലഘുഭക്ഷണം സാധാരണയായി ഒരു ചീസ് ടോസ്റ്റോ അല്ലെങ്കിൽ മാമ്പഴം പോലുള്ള സീസണൽ ഷേക്കോ ആയിരിക്കും.

അത്താഴം

കരീനയുടെ അത്താഴം വളരെ ലളിതവും ലഘുവുമായിരിക്കും. നെയ്യ് ചേർത്ത പുലാവോ അല്ലെങ്കിൽ കിച്ച്‌ഡി പോലുള്ളവിഭവങ്ങളാണത്രെ കരീനയുടെ ഇഷ്ടം.