രാത്രിയിൽ ചോറ് കഴിക്കുന്നത് ദോഷമോ? വിദഗ്ധർ പറയുന്നത് കേൾക്കൂ

മിക്ക ഇന്ത്യൻ വീടുകളിലും ചോറ് ഒരു പ്രധാന ഭക്ഷണമാണ്. രാവിലെയും ഉച്ചയ്ക്കും രാത്രിയിലും ചോറ് കഴിക്കുന്ന ശീലമുള്ളവരുണ്ട്. രാത്രിയിൽ ചോറ് കഴിക്കുന്നത് ദോഷകരമാണെന്ന ഒരു പൊതു വിശ്വാസം നിലനിൽക്കുന്നുണ്ട്. ആയുർവേദം അനുസരിച്ച്, ചോറിന് തണുപ്പും മൃദുത്വവും ഉണ്ട്. ഭാരം കുറഞ്ഞതും ദഹിക്കാൻ എളുപ്പമുള്ളതുമായി കണക്കാക്കപ്പെടുന്നു. രാത്രിയിൽ ശരീരത്തിന്റെ ദഹപ്രക്രിയ ദുർബലമാകുന്നതിനാൽ, ഈ സമയത്ത് ചോറ് കഴിക്കുന്നത് ചിലപ്പോൾ ഗ്യാസ്, ദഹനക്കേ എന്നിവയ്ക്ക് കാരണമാകും.

Also Read: ജിമ്മിൽ പോയതേ ഇല്ല, ദിവസം 20 മിനിറ്റ് മാറ്റിവച്ചു, യുവതി കുറച്ചത് 36 കിലോ

രാത്രിയിൽ ചോറ് കഴിക്കുന്നതിന്റെ ശാസ്ത്രീയ വശം

ചോറിൽ കാർബോഹൈഡ്രേറ്റുകൾ ധാരാളമുണ്ട്, അത് ഊർജം നൽകുന്നു. എന്നിരുന്നാലും, രാത്രിയിൽ മെറ്റബോളിസം മന്ദഗതിയിലാകുമ്പോൾ, ശരീരം അത് പൂർണ്ണമായി ദഹിപ്പിക്കാൻ പാടുപെടുന്നു. ഇത് വയറു വീർക്കൽ, അസിഡിറ്റി അല്ലെങ്കിൽ കൊഴുപ്പ് അടിഞ്ഞുകൂടൽ എന്നിവയ്ക്ക് കാരണമാകും, പ്രത്യേകിച്ച് ഭക്ഷണം കഴിച്ച ഉടൻ ഉറങ്ങുകയാണെങ്കിൽ. കാർബോഹൈഡ്രേറ്റുകളിൽ നിന്നുള്ള ഉപയോഗിക്കാത്ത ഊർജം കൊഴുപ്പായി സംഭരിക്കപ്പെടുന്നു. ഇത് ശരീരഭാരം വർധിപ്പിക്കുന്നതിലേക്ക് നയിക്കുന്നു.

Also Read: ഒരാൾക്ക് ഒരു ദിവസം എത്ര ബദാം, വാൽനട്ട് കഴിക്കാം?

മിതത്വം പ്രധാനം

രാത്രിയിൽ ചോറ് പൂർണമായും ഒഴിവാക്കേണ്ട ആവശ്യമില്ല. മിതമായും ശരിയായ രീതിയിലും കഴിക്കുമ്പോൾ, അത് ശരീരത്തിന് ദോഷം വരുത്തുന്നില്ല. പയർ വർഗങ്ങൾ, ആവിയിൽ വേവിച്ച പച്ചക്കറികൾ എന്നിവ ചേർത്ത് ചോറ് കഴിക്കുമ്പോൾ ദഹിക്കാൻ എളുപ്പമാണ്, മാത്രമല്ല വയറിന് ബുദ്ധിമുട്ട് ഉണ്ടാക്കുകയുമില്ല.

Also Read: രണ്ടാഴ്ച കൊണ്ട് വയർ ഒതുങ്ങും; വടിവൊത്ത അരക്കെട്ടാകും; ഈ 3 കാര്യങ്ങൾ മുടക്കരുത്

രാത്രിയിൽ ആരോഗ്യകരമായി ചോറ് കഴിക്കുന്നതിനുള്ള ടിപ്‌സുകൾ

• രാത്രിയിൽ ചോറ് കഴിക്കാൻ നിങ്ങൾ ആഗ്രഹിക്കുന്നുവെങ്കിൽ, അത് ആരോഗ്യകരമാക്കാൻ ലളിതമായ വഴികളുണ്ട്:
• ദഹനത്തെ ഉത്തേജിപ്പിക്കുന്നതിന് ഭക്ഷണത്തിന് മുമ്പ് ചെറുചൂടുള്ള വെള്ളമോ സൂപ്പോ കുടിക്കുക.
• നാരുകൾ കൂടുതലും അന്നജം കുറവുമായതിനാൽ തവിട്ട് അരിയോ ദീർഘനാൾ സൂക്ഷിച്ച അരിയോ തിരഞ്ഞെടുക്കുക.
• ദഹനത്തെ സഹായിക്കുന്നതിനും ഗ്യാസ് കുറയ്ക്കുന്നതിനും ചോറിൽ അൽപം നെയ്യ് ചേർക്കുക.
• ശരീര ഭാരം കുറയ്ക്കുന്നതിന് അത്താഴത്തിന് ശേഷം 5-10 മിനിറ്റ് ഒരു ചെറിയ നടത്തം
• ദഹനത്തിന് മതിയായ സമയം ലഭിക്കുന്നതിന് ഉറങ്ങാൻ കിടക്കുന്നതിന് കുറഞ്ഞത് രണ്ട് മണിക്കൂർ മുമ്പെങ്കിലും ഭക്ഷണം കഴിക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ഉച്ചയ്ക്കും രാത്രിയിലും മാത്രം ഭക്ഷണം; വർഷങ്ങളായി കഴിക്കുന്നത് ഒരേ വിഭവങ്ങൾ; ഷാരൂഖിന്റെ ഫിറ്റ്‌നസ് രഹസ്യം