മഴക്കാലവും ചെങ്കണ്ണും: കണ്ണുകളിലെ അണുബാധ എങ്ങനെ തടയാം

ചുട്ടുപൊള്ളുന്ന വേനൽച്ചൂടിൽ നിന്നു മൺസൂൺ ഏറെ ആശ്വാസം നൽകുന്നു. എന്നാൽ ഈർപ്പത്തിന്റെ അളവ് പെട്ടെന്ന് വർധിക്കുന്നതിനാൽ ആരോഗ്യത്തെ നശിപ്പിക്കുന്ന നിരവധി അണുബാധകളെക്കുറിച്ച് നമ്മൾ ജാഗ്രത പാലിക്കണം. മൺസൂൺ കൊണ്ടുവരുന്ന ഏറ്റവും സാധാരണമായ അണുബാധകളിലൊന്നാണ് കൺജങ്ക്റ്റിവിറ്റിസ്, ഇത് പിങ്ക് ഐ എന്നും ചെങ്കണ്ണ് എന്നും അറിയപ്പെടുന്നു.

വായുവിൽ രോഗാണുക്കളും വൈറസുകളും വർധിക്കുന്നതിനാൽ രോഗങ്ങളും നേത്ര അണുബാധകളും കൂടുതലായി കാണപ്പെടുന്ന സമയമാണ് മഴക്കാലമെന്ന് കൊച്ചിയിലെ അമൃത ഹോസ്പിറ്റൽ പിഫ്താൽമോളജി കൺസൾട്ടന്റും ക്ലിനിക്കൽ അസോസിയേറ്റ് പ്രൊഫസറുമായ ഡോ. അനിൽ രാധാകൃഷ്ണൻ പറഞ്ഞു.

കണ്ണിലെ ബാക്ടീരിയ അല്ലെങ്കിൽ വൈറൽ അണുബാധ മൂലമാണ് കൺജങ്ക്റ്റിവിറ്റിസ്/ചെങ്കണ്ണ് ഉണ്ടാകുന്നത്. കണ്ണിന്റെ ചുവപ്പും വീക്കവും, മഞ്ഞ ഒട്ടുന്ന ഡിസ്ചാർജ്, കണ്ണിലെ പ്രകോപനം, വേദന തുടങ്ങിയവയാണ് ലക്ഷണങ്ങൾ. ഉയർന്ന ഈർപ്പം ഉള്ള അന്തരീക്ഷത്തിൽ ഈ അടയാളങ്ങൾ എളുപ്പത്തിൽ പടരുന്നു. ഈ സീസണിൽ സ്കൂളിൽ പോകുന്ന കുട്ടികൾ ചെങ്കണ്ണിന് കൂടുതൽ സാധ്യതയുണ്ട്.

അതിനാൽ, കണ്ണിലെ അണുബാധയെ അകറ്റി നിർത്താനും മൺസൂൺ സീസണിൽ പിങ്ക് ഐ തടയുന്നതിനും ചില നിർദേശങ്ങൾ ശിശുരോഗ വിദഗ്ധനായ ഡോ. സന്തോഷ് യാദവ് ഇൻസ്റ്റാഗ്രാമിൽ പങ്കിട്ടു.

“മൺസൂൺ സീസണിൽ ധാരാളമായി കണ്ടുവരുന്ന ഒന്നാണ് പിങ്ക് ഐ എന്ന് വിളിക്കപ്പെടുന്ന ചെങ്കണ്ണ്. എന്തുകൊണ്ടാണ് ഇത് സംഭവിക്കുന്നത്? മഴക്കാലത്ത്, ഈർപ്പം വളരെ കൂടുതലാണ്, അത് കാരണം ബാക്ടീരിയകളും വൈറസുകളും വളരെയധികം സജീവമാകും. അവ നമ്മുടെ കണ്ണുകളെ ബാധിക്കുമ്പോൾ ചെങ്കണ്ണ് സംഭവിക്കുന്നു,”ഡോ. സന്തോഷ് പറഞ്ഞു.

“പിങ്ക് ഐയിൽ എന്താണ് സംഭവിക്കുന്നത്? നിങ്ങളുടെ കണ്ണുകൾ ചുവപ്പാകുന്നു. ചൊറിച്ചിലും വീക്കവും ഉണ്ടാകുന്നു, ഫോട്ടോഫോബിയ (പ്രകാശത്തോടുള്ള സംവേദനക്ഷമത) കൂടാതെ വെള്ളം പുറന്തള്ളുകയോ പഴുപ്പ് പുറത്തുവരുകയോ ചെയ്യും," അദ്ദേഹം കൂട്ടിച്ചേർത്തു.

നിങ്ങളുടെ കണ്ണുകൾക്ക് എത്രത്തോളം വിശ്രമം നൽകുന്നുവോ അത്രയും നല്ലത് ഡോ. സന്തോഷ് നിർദ്ദേശിച്ചു. സ്ക്രീനുകളിൽ നിന്ന് മാറി നിൽക്കുക. നേരിട്ട് സൂര്യപ്രകാശം ഏൽക്കരുത്. ചൂടുവെള്ളവും തണുത്ത വെള്ളവും കംപ്രഷൻ ചെയ്യുന്നത് കണ്ണുകൾക്ക് ആശ്വാസം നൽകും.

ചികിത്സയേക്കാൾ നല്ലത് പ്രതിരോധമാണ്, അദ്ദേഹം പറഞ്ഞു. “വീട്ടിൽ ഒരാൾക്ക് വന്നാൽ എല്ലാവർക്കും അത് വരുന്നു. എന്തുകൊണ്ടാണ് ഇത് സംഭവിക്കുന്നത്? കാരണം നമ്മൾ ഇടയ്ക്കിടെ കൈ കഴുകാറില്ല. മറ്റുള്ളവരെപ്പോലെ ശരീരവും കണ്ണുകളും വൃത്തിയാക്കാൻ ഒരേ ടവൽ ഉപയോഗിക്കുന്നു. അല്ലെങ്കിൽ കൈകൾ വൃത്തിയാക്കാതെ കണ്ണുകളിൽ തൊടുന്നു. ഇടയ്ക്കിടെ കൈ കഴുകണം, കണ്ണുകളിൽ തൊടരുത്, വ്യത്യസ്ത തൂവാലകൾ സൂക്ഷിക്കുക. കിടക്കയും തലയിണയും വെവ്വേറെ ഉപയോഗിക്കുക. ഇത് പ്രതിരോധത്തിന് സഹായിക്കും. ”

ചെങ്കണ്ണ് പകർച്ചവ്യാധിയാണ്. ടവലുകൾ പങ്കിടുകയോ മലിനമായ പ്രതലങ്ങളിൽ സ്പർശിക്കുകയോ പോലുള്ള രോഗബാധിതമായ സ്രവങ്ങളുമായി നേരിട്ടോ അല്ലാതെയോ സമ്പർക്കം പുലർത്തുന്നതിലൂടെ എളുപ്പത്തിൽ പടരുമെന്നും ഡോ. അനിൽ പറഞ്ഞു. മലിനമായ വെള്ളത്തിലൂടെയോ നീന്തുമ്പോൾ ഉപയോഗിക്കുന്ന ടവലുകളിലൂടെയും ഇത് പകരാം. എന്നിരുന്നാലും, വിദഗ്ധർ പറയുന്നതനുസരിച്ച്, ഇത് സംഭവിക്കുന്നത് തടയാൻ ലളിതമായ നടപടികൾ കൈക്കൊള്ളാം:

*കൈകൾ പതിവായി കഴുകുക: കൈകൾ സോപ്പും വെള്ളവും ഉപയോഗിച്ച് പതിവായി കഴുകി കൈകൾ വൃത്തിയാക്കുന്നത് അണുബാധയ്ക്കുള്ള സാധ്യത ഗണ്യമായി കുറയ്ക്കും.

*നിങ്ങളുടെ കണ്ണുകളിൽ തൊടുന്നത് ഒഴിവാക്കുക: കഴുകാത്ത കൈകൾ കൊണ്ട് കണ്ണിൽ തൊടുന്നത് ഒഴിവാക്കുക, കാരണം ഇത് കണ്ണിലേക്ക് ബാക്ടീരിയകളോ വൈറസുകളോ കൊണ്ടുവരും.

*ഉടൻതന്നെ വൈദ്യസഹായം തേടുക: ആദ്യകാല ലക്ഷണങ്ങൾ, അതായത് ചുവപ്പ്, ഒട്ടിപ്പിടിക്കുന്ന ഡിസ്ചാർജ്, നനവ്, അല്ലെങ്കിൽ വേദന എന്നിവ അനുഭവപ്പെടുകയാണെങ്കിൽ, സമയബന്ധിതമായ രോഗനിർണയത്തിനും ഉചിതമായ ചികിത്സയ്ക്കും നേത്രരോഗവിദഗ്ദ്ധനെ സമീപിക്കുക.

*വ്യക്തിഗത ഇനങ്ങൾ: ടവലുകൾ, വസ്ത്രങ്ങൾ, തലയിണകൾ, കിടക്കവിരിപ്പുകൾ എന്നിവ പോലുള്ള വ്യക്തിഗത ഇനങ്ങൾ മറ്റുള്ളവരുമായി പങ്കിടുന്നത് ഒഴിവാക്കുക, കാരണം ചെങ്കണ്ണ് സാധാരണയായി സ്പർശിക്കുന്ന വസ്തുക്കളിലൂടെ പകരാം.

*ഐ ഡ്രോപ്പുകൾ പങ്കിടുന്നത് ഒഴിവാക്കുക: ഒന്നിലധികം കുടുംബാംഗങ്ങൾക്ക് കൺജങ്ക്റ്റിവിറ്റിസ് ബാധിച്ചിട്ടുണ്ടെങ്കിലും ഐ ഡ്രോപ്പുകൾ പങ്കിടാതിരിക്കേണ്ടത് പ്രധാനമാണ്. കാരണം ഇത് പകരാനുള്ള സാധ്യത വർധിപ്പിക്കും.

*തുണിത്തരങ്ങൾ വെവ്വേറെ സൂക്ഷിക്കുക: മലിനീകരണ സാധ്യത കുറയ്ക്കുന്നതിന് നിങ്ങളുടെ ടവലുകൾ, ബെഡ് ഷീറ്റുകൾ, വസ്ത്രങ്ങൾ എന്നിവ മറ്റ് കുടുംബാംഗങ്ങളിൽ നിന്ന് വേറിട്ട് സൂക്ഷിക്കുക.

*കണ്ണുകളെ സംരക്ഷിക്കുക: നിങ്ങൾക്ക് ഇതിനകം കൺജങ്ക്റ്റിവിറ്റിസ് ബാധിച്ചിട്ടുണ്ടെങ്കിൽ, അണുബാധ മറ്റുള്ളവരിലേക്ക് പടരാതിരിക്കാൻ കണ്ണടയോ മുഖ ഷീൽഡോ ധരിക്കുന്നത് പരിഗണിക്കുക.

*വിദഗ്ധർ നിർദേശിച്ച ഐ ഡ്രോപ്പുകൾ ഉപയോഗിക്കുക: ഡോക്ടറുടെ നിർദേശം പിന്തുടരുക. രോഗലക്ഷണങ്ങൾ ലഘൂകരിക്കാനും രോഗശാന്തി പ്രോത്സാഹിപ്പിക്കാനും ശുപാർശ ചെയ്യുന്ന ലൂബ്രിക്കേറ്റിങ് ഐ ഡ്രോപ്പുകൾ ഉപയോഗിക്കുക.