ഒരാളുടെ മൊത്തത്തിലുള്ള ആരോഗ്യത്തിന് വ്യായാമം വളരെ പ്രധാനപ്പെട്ടതാണ്. ഇതിൽ ലൈംഗികാരോഗ്യവും ഉൾപ്പെടുന്നുവെന്നാണ് പുതിയ പഠനം പറയുന്നത്. ഉയർന്ന അരക്കെട്ട് ചുറ്റളവുള്ള അല്ലെങ്കിൽ ഉയർന്ന ബിഎംഐ ഉള്ള പുരുഷന്മാർക്ക് ഉദ്ധാരണക്കുറവിനുള്ള സാധ്യത 50 ശതമാനം കൂടുതലാണെന്ന് ദി ജേണൽ ഓഫ് സെക്ഷ്വൽ മെഡിസിനിൽ പ്രസിദ്ധീകരിച്ച പഠനം പറയുന്നു.
2021-ൽ ഇതേ ജേണലിൽ പ്രസിദ്ധീകരിച്ച മറ്റൊരു പഠനത്തിൽ, വ്യായാമം ചെയ്യാത്ത സ്ത്രീകളെ അപേക്ഷിച്ച് ആഴ്ചയിൽ ആറ് മണിക്കൂർ ജോലി ചെയ്യുന്ന സ്ത്രീകളിൽ ക്ലിറ്റോറിയല്‍ ധമനികള്‍ ആരോഗ്യമുള്ളതും ലൈംഗിക പ്രശ്നം കുറവാണെന്നും രേഖപ്പെടുത്തിയിട്ടുണ്ട്. വ്യായാമം ചെയ്യുന്നവരിൽ ലൈംഗികതയോടുള്ള ആഗ്രഹം, ഉത്തേജനം, ലൂബ്രിക്കേഷൻ, രതിമൂർച്ഛ എന്നിവ കാണിക്കുന്നതായും ഇതിൽ പറയുന്നു.
അമിതവണ്ണവും വ്യായാമക്കുറവും കാരണം, 43 ശതമാനം സ്ത്രീകൾക്കും 31 ശതമാനം പുരുഷന്മാർക്കും ഏതെങ്കിലും തരത്തിലുള്ള ലൈംഗിക അപര്യാപ്തതയുള്ളതായി നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് പറയുന്നു.
സ്ഥിരമായി വ്യായാമം ചെയ്യുന്നത് വഴക്കവും ശക്തിയും സഹിഷ്ണുതയും മെച്ചപ്പെടുത്താൻ സഹായിക്കുന്നു, ഇത് ലൈംഗിക പ്രവർത്തനത്തിന് ആവശ്യമായ സ്റ്റാമിന വർദ്ധിപ്പിക്കുന്നുവെന്ന് മുംബൈ ഭാട്ടിയ ഹോസ്പിറ്റലിലെ ഫിസിയോതെറാപ്പി ഡിപ്പാർട്ട്‌മെന്റ് മേധാവി ഡോ. ശീതൾ റാണെ പറഞ്ഞു. എയ്റോബിക് വ്യായാമങ്ങൾ മൊത്തത്തിലുള്ള രക്തചംക്രമണം മെച്ചപ്പെടുത്തുകയും രക്തക്കുഴലുകളിലെ തടസ്സങ്ങൾ തടയുകയും ചെയ്യുന്നു. ലൈംഗികാവയവങ്ങളിലേക്കുള്ള രക്തപ്രവാഹം നിലനിർത്തുന്നതിനും ഇത് ഗുണം ചെയ്യുമെന്ന് റാണെ പറഞ്ഞു.
Read More: ഏതാനും നിമിഷത്തെ സന്തോഷം മാത്രമല്ല സെക്സ്; ഗുണങ്ങൾ അതുക്കുംമേലെ
