അയൺ മുതൽ പ്രോട്ടീൻ വരെ: നിങ്ങൾ അറിയേണ്ട കടലയുടെ ഗുണങ്ങൾ

പയർ വർഗ്ഗങ്ങൾ ആരോഗ്യത്തിന് ഏറെ നല്ലതാണ്. അവയിൽ പ്രധാനപ്പെട്ടവയിൽ ഒന്നാണ് കാല ചന അല്ലെങ്കിൽ കറുത്ത കടല. പ്രോട്ടീന്റെ നല്ലൊരു ഉറവിടമാണ് കടല. അവയുടെ ആരോഗ്യ ഗുണങ്ങൾ എന്തൊക്കെയെന്ന് നോക്കാം.

1. കടലയിൽ ഉയർന്ന ഫൈബർ അടങ്ങിയിട്ടുണ്ട്. ആന്റിഓക്സിഡന്റ്, ഫൈബർ, വൈറ്റമിൻ സി എന്നിവ അടങ്ങിയിരിക്കുന്നതിനാൽ കൊളസ്ട്രോൾ കുറയ്ക്കുന്നു. ദിവസവും 3/4 കപ്പ് വെളള കടല കഴിക്കുന്നത് എൽഡിഎൽ കൊളസ്ട്രോളും മൊത്തത്തിലുളള കൊളസ്ട്രോൾ ട്രൈഗ്ലിസറൈഡുകളും കുറയ്ക്കാൻ സഹായിക്കുന്നു.
2. കടലയിലെ കാർബോഹൈഡ്രേറ്റുകൾ പതുക്കെ ദഹിക്കുന്നു, ഇത് രക്തത്തിലെ പഞ്ചസാരയുടെ അളവ് കുറയ്ക്കുന്നു. ഇത് ഇൻസുലിൻ പ്രതിരോധത്തിന് കാരണമാകുകയും അതുവഴി ടൈപ്പ് -2 പ്രമേഹം വരാനുള്ള സാധ്യത കുറയ്ക്കുകയും ചെയ്യുന്നു.
3. ഇരുമ്പിന്റെ സമ്പന്നമായ സ്രോതസായതിനാൽ കടലയ്ക്ക് വിളർച്ച തടയാനും ഊർജ നില വർധിപ്പിക്കാനും കഴിയും. ഗർഭിണികൾക്കും മുലയൂട്ടുന്ന സ്ത്രീകൾക്കും വളരുന്ന കുട്ടികൾക്കും ഇതേറെ നല്ലതാണ്.
4. സസ്യാഹാരികൾക്ക് പ്രോട്ടീൻ ലഭിക്കാനുള്ള നല്ലൊരുപാധിയാണ് കറുത്ത കടല.
5. ഇതിൽ നാരുകൾ അടങ്ങിയിട്ടുളളതിനാൽ ദഹനസംബന്ധമായ അസുഖങ്ങളെ തടയുന്നു. ഫൈബർ മലബന്ധത്തിനുള്ള സാധ്യത കുറയ്ക്കുന്നു.
6. ചർമ്മത്തിനും ഏറെ നല്ലതാണ് കറുത്ത കടല. ചർമ്മത്തിലെ ചുളിവുകൾക്ക് കാരണമാകുന്ന ഫ്രീ റാഡിക്കലുകളോട് പോരാടുന്നു.
7. മുഖം വൃത്തിയാക്കാൻ കറുത്ത കടല ഉപയോഗിക്കാം. കടല പേസ്റ്റ് മഞ്ഞളിൽ കലർത്തി മുഖത്ത് പുരട്ടുക. 15 മിനിറ്റ് മുഖത്ത് സൂക്ഷിച്ചശേഷം തണുത്ത വെളളത്തിൽ മുഖം കഴുകുക. വാർധക്യവുമായി ബന്ധപ്പെട്ടുണ്ടാകുന്ന പാടുകൾ കുറയ്ക്കാനും മുഖം തിളങ്ങാനും സഹായിക്കുന്നു.
8. കറുത്ത കടല പ്രോട്ടീൻ സമ്പുഷ്ടമായതിനാൽ മുടി കൊഴിച്ചിൽ തടയാം.

Read More: മുടി വളർച്ചയ്ക്കും തിളക്കത്തിനും ചുവന്ന ഉളളി നല്ലതാണോ?