ഹൃദയത്തിനും വൃക്കകൾക്കും ദോഷം; ഈ ഭക്ഷണങ്ങൾ ഒഴിവാക്കിയാൽ രോഗങ്ങളെ അകറ്റാം

ആരോഗ്യകരമായ ഭക്ഷണമെന്ന് പറയുന്ന ചിലതെങ്കിലും ആരോഗ്യത്തിന് ദോഷകരമായി മാറിയേക്കാം. പ്രകൃതിദത്തം, ആരോഗ്യകരം, അല്ലെങ്കിൽ ഹൃദയത്തിന് അനുയോജ്യം എന്നീ അവകാശവാദങ്ങളുമായി നിരവധി ഭക്ഷണങ്ങൾ പായ്ക്ക് ചെയ്ത് നമ്മുടെ മുന്നിലേക്ക് എത്തുന്ന കാലത്താണ് നമ്മൾ ഇന്നു ജീവിക്കുന്നത്. എന്നാൽ തിളങ്ങുന്ന ലേബലുകൾക്കും പോഷകാഹാര പരസ്യങ്ങൾക്കും പിന്നിൽ, ആരോഗ്യമെന്ന് വിശ്വസിക്കപ്പെടുന്ന ചില ഭക്ഷണങ്ങൾ ഗുണത്തേക്കാളേറെ ദോഷം ചെയ്യുന്നുണ്ടാകാം.

കാർഡിയോളജിസ്റ്റ് ഡോ.ദിമിത്രി യാരനോവ് ഹൃദയത്തിന് ഹാനികരമാകുന്ന ആറ് 'ആരോഗ്യകരമായ' ഭക്ഷണങ്ങളെക്കുറിച്ച് ഇൻസ്റ്റഗ്രാം പോസ്റ്റിൽ വിവരിച്ചിട്ടുണ്ട്. "എല്ലാവരും ആരോഗ്യകരം എന്ന് പറയുന്ന ഭക്ഷണങ്ങൾ നിങ്ങളുടെ ഹൃദയത്തെ ദോഷകരമായി ബാധിക്കാം. ഈ ഭക്ഷണങ്ങൾ മോശമാണെന്ന് അർത്ഥമാക്കുന്നില്ല. ഹൃദയം, വൃക്കകൾ, മരുന്നുകൾ എന്നിവ നിങ്ങളുടെ ശരീരം ഉപ്പ്, പൊട്ടാസ്യം, മെറ്റബോളിസം എന്നിവ എങ്ങനെ കൈകാര്യം ചെയ്യുന്നു എന്നതിനെ ആശ്രയിച്ചിരിക്കുന്നു," ഡോ.ദിമിത്രി പറഞ്ഞു.

Also Read: ഏലയ്ക്ക ചവയ്ക്കാം ദഹനം സുഗമമാക്കാം, പിന്നെയുമുണ്ട് ഗുണങ്ങൾ

1. വാഴപ്പഴം

വാഴപ്പഴത്തിൽ പൊട്ടാസ്യം ധാരാളം അടങ്ങിയിട്ടുണ്ട്. വൃക്കകൾ ശരിയായി പ്രവർത്തിക്കുന്നില്ലെങ്കിൽ അല്ലെങ്കിൽ സ്പിറോനോലാക്റ്റോൺ അല്ലെങ്കിൽ ARNI പോലുള്ള മരുന്നുകൾ കഴിക്കുകയാണെങ്കിൽ, പൊട്ടാസ്യം അപകടകരമാം വിധം ഉയർന്ന അളവിൽ ശരീരത്തിൽ അടിഞ്ഞുകൂടും.

2. മുന്തിരി

ചില മരുന്നുകൾ കരൾ പ്രോസസ്സ് ചെയ്യുന്ന രീതിയെ മുന്തിരി തടസപ്പെടുത്തിയേക്കാം. കരൾ ട്രാൻസ്‌പ്ലാന്റ് ചെയ്തവരിലോ പ്രത്യേക മരുന്നുകൾ കഴിക്കുന്നവരിലോ, ഇത് മരുന്നുകളുടെ അളവ് സുരക്ഷിതമായ പരിധിക്ക് മുകളിൽ ഉയർത്തും.

Also Read: വണ്ണം കൂട്ടാതെ റസ്റ്ററന്റ് ഭക്ഷണം കഴിക്കാം; ചെയ്യേണ്ടത് ഈ 3 കാര്യങ്ങൾ

3. ചീര

പൊട്ടാസ്യം കൂടുതലുള്ള മറ്റൊരു ഭക്ഷണമാണ് ചീര. ഇത് സാധാരണയായി രക്തം നേർപ്പിക്കുന്ന വാർഫറിന്റെ സ്ഥിരതയെ ബാധിക്കും. 

4. സോയ സോസ്

സോഡിയം അടങ്ങിയ സോയ സോസ് ഗണ്യമായ അളവിൽ ദ്രാവകം നിലനിർത്താൻ കാരണമാകും.

View this post on Instagram

A post shared by Dmitry Yaranov, MD | Cardiologist 🫀 (@heart_transplant_doc)

Also Read: ഉലുവ വെള്ളം, കറുവാപ്പട്ട, യോഗ; പ്രമേഹം നിയന്ത്രിക്കുന്നതിനുള്ള 7 വഴികൾ

5. മദ്യം

മദ്യം ഹൃദയത്തിലേക്ക് നേരിട്ട് വിഷം കലർത്തുന്നു. പല രോഗികൾക്കും, ഹൃദയത്തിന്റെ പ്രവർത്തനം മോശമാകാനുള്ള അടിസ്ഥാന കാരണങ്ങളിലൊന്ന് മദ്യമാകാമെന്ന് ഡോ. ദിമിത്രി പറയുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 14 ദിവസം, 14 മുട്ട; രണ്ടാഴ്ചത്തേക്ക് ദിവസം കഴിക്കുമ്പോൾ ശരീരത്തിന് എന്ത് സംഭവിക്കും?