പ്രമേഹരോഗികൾക്ക് ഞാവൽ പഴം കഴിക്കാമോ? ആരോഗ്യ ഗുണങ്ങൾ

ഞാവൽ പഴത്തിൽ കലോറിയും കൊഴുപ്പും കുറവാണ്, അവയിൽ മിതമായ അളവിൽ കാർബോഹൈഡ്രേറ്റ് ഉണ്ട്. ഫൈബർ ഉള്ളടക്കം താരതമ്യേന കുറവാണെങ്കിലും മൊത്തത്തിലുള്ള നാരുകളുടെ ഉപഭോഗത്തിന് ഇവ നൽകാമെന്ന് റോസ്‌വാക്ക് ഹെൽത്ത്‌കെയറിലെ ഹെഡ് ക്ലിനിക്കൽ ന്യൂട്രീഷനിസ്റ്റ് സമീക്ഷ കൽറ പറഞ്ഞു. വിറ്റാമിൻ സിയുടെ നല്ല ഉറവിടം കൂടിയാണ് ഈ പഴം.

ഞാവൽ പഴത്തിന്റെ ആരോഗ്യ ഗുണങ്ങൾ

ആന്റിഓക്‌സിഡന്റ് ഗുണങ്ങൾ: വൈറ്റമിൻ സി, പോളിഫെനോൾ തുടങ്ങിയ ആന്റിഓക്‌സിഡന്റുകൾ ഞാവൽ പഴത്തിൽ അടങ്ങിയിട്ടുണ്ട്. ഇത് ഹാനികരമായ ഫ്രീ റാഡിക്കലുകൾ മൂലമുണ്ടാകുന്ന കേടുപാടുകളിൽ നിന്ന് കോശങ്ങളെ സംരക്ഷിക്കാൻ സഹായിക്കുന്നു.

ബ്ലഡ് ഷുഗർ നിയന്ത്രിക്കുന്നു: ഞാവൽ പഴം പരമ്പരാഗതമായി ആയുർവേദത്തിൽ പ്രമേഹ വിരുദ്ധ ഗുണങ്ങൾക്കായി ഉപയോഗിക്കുന്നു. ഉയർന്ന ഫൈബർ ഉള്ളടക്കവും ആന്തോസയാനിൻ, എലാജിക് ആസിഡ് തുടങ്ങിയ സംയുക്തങ്ങളുടെ സാന്നിധ്യവും കാരണം രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു.

ദഹന ആരോഗ്യം: ഇവയിലെ നാരുകൾക്ക് ആരോഗ്യകരമായ ദഹനത്തെ സഹായിക്കാനും മലബന്ധം അകറ്റാനും കഴിയും. ഇത് സ്ഥിരമായ മലവിസർജ്ജനം പ്രോത്സാഹിപ്പിക്കുന്നു.

ഹൃദയാരോഗ്യം: ഇവയിലെ ആന്റിഓക്‌സിഡന്റുകളുടെ, പ്രത്യേകിച്ച് പോളിഫെനോളുകളുടെ സാന്നിധ്യം, ഹൃദയ സംബന്ധമായ അസുഖങ്ങളുടെ സാധ്യത കുറയ്ക്കുന്നതിലൂടെ ഹൃദയാരോഗ്യം നിലനിർത്തുന്നു.

ചർമ്മത്തിന്റെ ആരോഗ്യം: ഞാവൽ പഴത്തിൽ അടങ്ങിയിരിക്കുന്ന വിറ്റാമിൻ സി അൾട്രാവയലറ്റ് കിരണങ്ങൾ, മലിനീകരണം തുടങ്ങിയ പാരിസ്ഥിതിക ഘടകങ്ങളാൽ ഉണ്ടാകുന്ന നാശത്തിൽ നിന്ന് ചർമ്മത്തെ സംരക്ഷിക്കുന്നു.

പ്രമേഹരോഗികൾക്ക് ഞാവൽ പഴം കഴിക്കാമോ?

പ്രമേഹമുള്ള വ്യക്തികൾക്ക് ഞാവൽ പഴം കഴിക്കാം, എന്നാൽ അവ മിതമായും സമീകൃതാഹാരത്തിന്റെ ഭാഗമായും കഴിക്കണം.

ഗർഭിണികൾക്ക് ഞാവൽ പഴം ഗുണകരമോ?

ഗർഭിണികളുടെ പോഷക ആവശ്യങ്ങളെ നിറവേറ്റുന്ന വിവിധ പോഷകങ്ങളുടെ നല്ല ഉറവിടമാണ് ഞാവൽ പഴമെന്ന് കൽറ പറയുന്നു. ഇതിൽ വിറ്റാമിൻ സി അടങ്ങിയിട്ടുണ്ട്. ഇത് ഇരുമ്പ് ആഗിരണം ചെയ്യാൻ സഹായിക്കുകയും പ്രതിരോധ സംവിധാനത്തെ പിന്തുണയ്ക്കുകയും ചെയ്യുന്നു. ഇത് ചെറിയ അളവിൽ വിറ്റാമിൻ എ, കാൽസ്യം, ഇരുമ്പ് എന്നിവ നൽകുന്നു. ഇത് ഗർഭസ്ഥ ശിശുവിന്റെ വളർച്ചയ്ക്കും അമ്മയുടെ മൊത്തത്തിലുള്ള ആരോഗ്യത്തിനും ആവശ്യമാണ്.

ഈ പഴത്തിലെ ഡയറ്ററി ഫൈബർ ഉള്ളടക്കം ഗർഭകാലത്ത് ഏറ്റവും സാധാരണമായ പ്രശ്നമായ മലബന്ധം തടയാൻ സഹായിക്കുന്നു. ഞാവൽ പഴത്തിൽ ഉയർന്ന ജലാംശം ഉണ്ട്. ഇത് ഗർഭകാലത്ത് ജലാംശം നൽകുന്നു.