അത്താഴം നേരത്തെ കഴിച്ചാലുള്ള ആരോഗ്യ ഗുണങ്ങൾ അറിയാമോ?

അത്താഴം നേരത്തെ കഴിക്കുന്നത് ദഹന ആരോഗ്യത്തിന് ഗുണം ചെയ്യും. പോഷകങ്ങളുടെ മികച്ച ഉപയോഗം, മലവിസർജനം നിയന്ത്രിക്കൽ, മൊത്തത്തിലുള്ള നല്ല ആരോഗ്യം എന്നിവ ഇതിലൂടെ ഉറപ്പാക്കാം. കൃത്യസമയത്ത് അത്താഴം കഴിച്ചാലുള്ള നിരവധി ഗുണങ്ങളെക്കുറിച്ച് ന്യൂട്രീഷ്യനിസ്റ്റ് ലവ്‌നീത് ബത്ര ഇൻസ്റ്റഗ്രാം പോസ്റ്റിൽ വിശദീകരിച്ചിട്ടുണ്ട്. 

മെച്ചപ്പെട്ട ദഹനം: മികച്ച ദഹനത്തിന് സഹായിക്കുകയും വയറുവേദന, ഗ്യാസ്, അസ്വസ്ഥത എന്നിവ കുറയ്ക്കുകയും ചെയ്യുന്നു.

പോഷക ആഗിരണം: അത്താഴം ദഹിപ്പിക്കാൻ ശരീരത്തിന് മതിയായ സമയം നൽകുന്നത് ഭക്ഷണത്തിൽ നിന്ന് അവശ്യ പോഷകങ്ങളുടെ ആഗിരണം വർധിപ്പിക്കും. 

കുടലിന്റെ ആരോഗ്യം: അത്താഴം നേരത്തെ കഴിക്കുന്നതിലൂടെ ഗുണകരമായ കുടൽ ബാക്ടീരിയകളുടെ വളർച്ചയെ പ്രോത്സാഹിപ്പിക്കുകയും ദഹനനാളത്തിൽ ഭക്ഷണം കൂടുതൽ നേരം നിലനിൽക്കുമ്പോൾ ഉണ്ടാകുന്ന ഡിസ്ബയോസിസ് പോലുള്ള ദഹന സംബന്ധമായ തകരാറുകൾ കുറയ്ക്കുകയും ചെയ്യുന്നു ഇതിലൂടെ കുടലിന്റെ ആരോഗ്യം മെച്ചപ്പെടുത്തുന്നു.

മലവിസർജനം: അത്താഴം നേരത്തെ കഴിക്കുന്നതിലൂടെ മലവിസർജനത്തെ നിയന്ത്രിക്കാൻ സഹായിക്കുന്നു. ഇത് മൊത്തത്തിലുള്ള ദഹന ആരോഗ്യത്തിന് അത്യന്താപേക്ഷിതമാണ്.

ആസിഡ് റിഫ്‌ളക്‌സിന്റെ സാധ്യത കുറയുന്നു: നേരത്തെ അത്താഴം കഴിക്കുന്നത് ആസിഡ് റിഫ്‌ളക്‌സ് തടയാൻ സഹായിക്കും.

നമ്മളിൽ പലരും രാത്രിയിൽ ഭക്ഷണം കഴിച്ചശേഷം പെട്ടെന്ന് തന്നെ ഉറങ്ങാൻ പോകുന്നു. അതിനാൽ, രാത്രിയിലെ ഭക്ഷണം എപ്പോഴും ഉറങ്ങുന്നതിനു രണ്ടു മണിക്കൂർ മുൻപ് കഴിക്കുക. ഉയർന്ന കലോറികൾ, ഉയർന്ന സോഡിയം അല്ലെങ്കിൽ മധുരമുള്ള ഭക്ഷണങ്ങൾ, സംസ്കരിച്ച കൊഴുപ്പുകൾ എന്നിവ ഒഴിവാക്കുക. പ്രോട്ടീനുകളും പച്ചക്കറികളും മില്ലറ്റ് പോലുള്ള സങ്കീർണ്ണ കാർബോഹൈഡ്രേറ്റുകളും പാത്രത്തിൽ ഉൾപ്പെടുത്തുക. 

Read More

• ദിവസവും ഒരു അവോക്കാഡോ കഴിച്ചോളൂ, ആരോഗ്യം മെച്ചപ്പെടുത്താം
• ബ്ലഡ് ഷുഗർ നിയന്ത്രിക്കാം, ദിവസവും ഒരു കപ്പ് കറുവാപ്പട്ട ചായ കുടിക്കൂ
• ഭക്ഷണം കഴിച്ചശേഷം ഒരിക്കലും ചെയ്യാൻ പാടില്ലാത്ത 3 കാര്യങ്ങൾ
• രാവിലെ തേനും കറുവാപ്പട്ടയും ചേർത്ത വെള്ളം കുടിക്കൂ, ശരീര ഭാരം കുറയ്ക്കാം