scorecardresearch

പ്രമേഹ രോഗികൾക്ക് കഴിക്കാവുന്ന 8 പഴങ്ങൾ

പ്രമേഹമുള്ളവർക്ക് കുറഞ്ഞ ഗ്ലൈസെമിക് സൂചികയുള്ള പഴങ്ങൾ കഴിക്കാം

fruits, health, ie malayalam

ദൈനംദിന ഭക്ഷണത്തിൽ പഴങ്ങൾക്കും പച്ചക്കറികൾക്കും വലിയ പ്രാധാന്യമുണ്ട്. ശരീരത്തിന് ആവശ്യമായ നിരവധി വിറ്റാമിനുകളുടെയും ധാതുക്കളുടെയും കലവറയാണവ. ഈ പോഷകങ്ങൾ ശരീരത്തെ ആരോഗ്യകരവും ഫിറ്റുമായി നിലനിർത്താൻ സഹായിക്കുന്നു. എങ്കിലും, എല്ലാ പഴങ്ങളും പച്ചക്കറികളും എല്ലാവർക്കും കഴിക്കാൻ കഴിയില്ല, കാരണം എല്ലാവരുടെയും ശരീരം ഒരുപോലെയല്ല, പലവിധ രോഗങ്ങളാൽ ബുദ്ധിമുട്ടുന്ന ആളുകളുണ്ട്. പ്രമേഹം അത്തരത്തിലുള്ള ഒന്നാണ്.

പ്രമേഹമുള്ള ആളുകൾക്ക് ചില ഭക്ഷണങ്ങൾ രക്തത്തിലെ പഞ്ചസാരയുടെ അളവ് വർധിക്കുന്നതിന് ഇടയാക്കുന്നു. ശരിയായ ഭക്ഷണപാനീയങ്ങൾ കഴിക്കുന്നതിലൂടെ രോഗാവസ്ഥയെ നിയന്ത്രണവിധേയമാക്കും. ഗ്ലൈസെമിക് സൂചിക (ജി.ഐ) കുറവുള്ള ഭക്ഷണങ്ങൾ കഴിക്കുന്നത് രക്തത്തിലെ പഞ്ചസാരയെ നിയന്ത്രിക്കാൻ സഹായിക്കും.

ഭക്ഷണം എന്തെങ്കിലും കഴിക്കുമ്പോൾ രക്തത്തിലെ പഞ്ചസാരയുടെ അളവ് എത്രത്തോളം ഉയരുമെന്നതിന്റെ മികച്ച സൂചകമാണ് ഗ്ലൈസെമിക് സൂചിക. 55 ഉം അതിൽ താഴെയുള്ള ജിഐ സ്‌കോർ ഉള്ള ഭക്ഷണങ്ങൾ ഗ്ലൈസെമിക് സൂചിക കുറവാണ്, എന്നിരുന്നാലും 70-ഉം അതിനുമുകളിലും ഉള്ള ഭക്ഷണങ്ങൾ ഗ്ലൈസെമിക് സൂചിക കൂടുതലാണ്.

പ്രമേഹമുള്ളവർക്ക് കുറഞ്ഞ ഗ്ലൈസെമിക് സൂചികയുള്ള പഴങ്ങൾ കഴിക്കാം. ഗ്ലൈസെമിക് സൂചിക കുറവുള്ളതും പ്രമേഹമുള്ളവർക്ക് കഴിക്കാവുന്നതുമായ 8 പഴങ്ങൾ.

  1. ചെറി

ഗ്ലൈസെമിക് സൂചികയിൽ 20-ൽ താഴെയാണ് ഇവ സ്കോർ ചെയ്യുന്നത്, പ്രമേഹരോഗികൾക്ക് ഇവ കഴിക്കാം. ഈ പഴത്തിൽ പൊട്ടാസ്യം ധാരാളം അടങ്ങിയിട്ടുണ്ട്, കൂടാതെ ആന്റിഓക്‌സിഡന്റുകളാൽ നിറഞ്ഞിരിക്കുന്നു. ഇത് രോഗപ്രതിരോധ ശേഷി വർധിപ്പിക്കും.

  1. ഉണങ്ങിയ ആപ്രിക്കോട്ട്

ഗ്ലൈസെമിക് സൂചികയിൽ അവ 32 സ്കോർ ചെയ്യുന്നു, കൂടാതെ വിറ്റാമിൻ എ, ഇ, മറ്റ് പ്രധാന പോഷകങ്ങൾ എന്നിവയിൽ ഉയർന്നതാണ്. ഉണങ്ങിയ ആപ്രിക്കോട്ട് ചെറിയ അളവിൽ കഴിന്നത് നല്ലതാണ്. ഉണങ്ങിയതിനാൽ, അവ നൽകുന്ന കാർബോഹൈഡ്രേറ്റിന്റെ അളവ് മുഴുവൻ പഴങ്ങളേക്കാളും കൂടുതലാണ്.

  1. ആപ്പിൾ

ഗ്ലൈസെമിക് സൂചികയിൽ അവ 39 സ്കോർ ചെയ്യുന്നു. പ്രമേഹം മാത്രമല്ല, മറ്റ് രോഗങ്ങളാൽ ബുദ്ധിമുട്ടുന്നവർക്കും ഇത് നല്ലതാണ്.

  1. ഓറഞ്ച്

ഗ്ലൈസെമിക് സൂചികയിൽ അവ 40 സ്കോർ ചെയ്യുന്നു. വിറ്റാമിൻ സിയുടെയും നാരുകളുടെയും നല്ല ഉറവിടം കൂടിയാണ്.

  1. പ്ലം

പ്രൂൺസ് (ഉണങ്ങിയ പ്ലം) മിതമായ അളവിൽ കഴിക്കാവുന്നതാണ്. ഉണങ്ങിയ പഴങ്ങളിൽനിന്നും വെള്ളം നീക്കം ചെയ്യുന്നു, അതിലൂടെ അവയിൽ കൂടുതൽ കാർബോഹൈഡ്രേറ്റ് ഉണ്ട്. പ്ലമ്മിൽ ജിഎൽ സ്കോർ 2 ആണ്, ഉണങ്ങിയ പ്ലമ്മിൽ ജിഎൽ 9 ആണ്.

  1. സ്ട്രോബെറി

ഒരു കപ്പ് സ്ട്രോബെറിയിൽ ഓറഞ്ചിനെക്കാൾ വിറ്റാമിൻ സി ഉണ്ട്. വൈറ്റമിൻ സി, ഫൈബർ, ആന്റിഓക്‌സിഡന്റുകൾ എന്നിവ ഇതിലുണ്ട്. ബ്ലൂബെറി, ബ്ലാക്ക്‌ബെറി, റാസ്‌ബെറി എന്നിവയിലും ജിഎൽ സ്കോർ കുറവാണ്.

  1. പീച്ച്‌ പഴം

പീച്ചിൽ 68 കലോറി മാത്രമേ അടങ്ങിയിട്ടുള്ളൂ. എ, സി എന്നിവയുൾപ്പെടെ 10 വ്യത്യസ്ത വിറ്റാമിനുകൾ അടങ്ങിയിട്ടുണ്ട്.

  1. മുന്തിരി

മുന്തിരി ആരോഗ്യകരമായ നാരുകൾ നൽകുന്നു. തലച്ചോറിന്റെ പ്രവർത്തനത്തെയും മൂഡ് ഹോർമോണിനെയും പിന്തുണയ്ക്കുന്ന വിറ്റാമിൻ ബി-6 ന്റെ നല്ല ഉറവിടം കൂടിയാണ് മുന്തിരി.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Stay updated with the latest news headlines and all the latest Health news download Indian Express Malayalam App.

Web Title: Fruits with low glycemic index that are safe for diabetic people