മുട്ടയെ പേടി വേണ്ട, കൊളസ്‌ട്രോൾ ഉള്ളവർക്കും കഴിക്കാം; എങ്ങനെ?

ഉയർന്ന കൊളസ്‌ട്രോൾ ഉള്ള രോഗികളുടെ ഭക്ഷണക്രമത്തിൽ മുട്ട ഉൾപ്പെടുത്തുന്നതിനെക്കുറിച്ച് പലർക്കും വലിയ ആശങ്കകളുണ്ട്. മുട്ട കഴിക്കുന്നത് രോഗാവസ്ഥയെ കൂടുതൽ വഷളാക്കുമോ എന്ന ഭയം പലരിലും കണ്ടുവരുന്നു. ഈ വിഷയത്തിൽ വ്യക്തമായ മാർഗനിർദ്ദേശങ്ങളുമായി രംഗത്തെത്തിയിരിക്കുകയാണ് അപ്പോളോ ഹോസ്പിറ്റലിലെ ഡോ.സുധീർ കുമാർ.

കൊളസ്‌ട്രോൾ രോഗികൾക്ക് ഒരു ദിവസം എത്ര മുട്ട കഴിക്കാം?

ഡോ.സുധീർ കുമാർ സോഷ്യൽ മീഡിയയിലൂടെ പങ്കുവെച്ച വിവരങ്ങൾ പ്രകാരം, ഉയർന്ന കൊളസ്‌ട്രോൾ ഉള്ള ഭൂരിപക്ഷം ആളുകൾക്കും മുട്ട അവരുടെ ഭക്ഷണത്തിൽ ഉൾപ്പെടുത്തുന്നതിൽ തെറ്റില്ല. സാധാരണയായി ഉയർന്ന കൊളസ്‌ട്രോൾ ഉള്ള ഒരു വ്യക്തിക്ക് ദിവസവും ഒരു മുട്ട വരെ സുരക്ഷിതമായി കഴിക്കാം. മുട്ട പുഴുങ്ങിയോ, വേവിച്ചോ, അല്ലെങ്കിൽ കുറഞ്ഞ എണ്ണയിൽ ഉണ്ടാക്കിയ ഓംലെറ്റായോ കഴിക്കാൻ ശ്രദ്ധിക്കുക. മുട്ട കഴിക്കുമ്പോൾ ഫൈബർ കൂടുതലുള്ള ഭക്ഷണങ്ങളായ ഓട്‌സ്, പച്ചക്കറികൾ, സലാഡുകൾ എന്നിവയോടൊപ്പം ചേർത്ത് കഴിക്കുന്നത് കൊളസ്‌ട്രോളിന്റെ ആഗിരണം കുറയ്ക്കാൻ സഹായിക്കും.

Also Read: ജിമ്മില്ല, കഠിന ഡയറ്റില്ല, വീട്ടിലിരുന്ന് യുവതി കുറച്ചത് 22 കിലോ; ചെയ്തത് വെറും 4 കാര്യങ്ങൾ

മുട്ടയെക്കാൾ അപകടകാരി പാചകരീതി

മുട്ട കഴിക്കുമ്പോൾ കൊളസ്‌ട്രോൾ വർധിക്കുന്നുവെന്ന് വിശ്വസിക്കുന്ന പലരും ശ്രദ്ധിക്കാതെ പോകുന്ന ഒരു പ്രധാന കാര്യമുണ്ട്. മുട്ടയെക്കാൾ അപകടകാരി അത് പാകം ചെയ്യുന്ന രീതിയാണ്. വെണ്ണ, ചീസ് എന്നിവ ചേർത്തതോ എണ്ണയിൽ വറുത്തതോ ആയ മുട്ട വിഭവങ്ങൾ എൽഡിഎൽ (ചീത്ത കൊളസ്‌ട്രോൾ) നില വർധിപ്പിക്കാൻ കൂടുതൽ കാരണമാകും. ഈ കൂട്ടിച്ചേർക്കലുകളാണ് പലപ്പോഴും കൊളസ്‌ട്രോൾ റിപ്പോർട്ടിൽ വലിയ വ്യതിയാനങ്ങൾക്ക് വഴിതെളിക്കുന്നത്.

Also Read: 98 കിലോയിൽനിന്ന് 70 ലേക്ക്; ജിമ്മിൽ പോയില്ല, വീട്ടിലെ ജോലി ചെയ്തു; ഖുശ്ബു വണ്ണം കുറച്ചത് ഇങ്ങനെ

മുട്ട കഴിക്കുന്നത് നിയന്ത്രിക്കേണ്ടത് ആരെല്ലാം?

എല്ലാ കൊളസ്‌ട്രോൾ രോഗികൾക്കും മുട്ട കഴിക്കുന്നതിൽ നിയന്ത്രണം ആവശ്യമില്ലെങ്കിലും, ചില പ്രത്യേക ആരോഗ്യപ്രശ്നങ്ങളുള്ളവർ തീർച്ചയായും അവരുടെ മുട്ടയുടെ അളവ് ശ്രദ്ധിക്കണം. ഫാമിലിയൽ ഹൈപ്പർകൊളസ്‌ട്രോളീമിയ പോലെ ജനിതകപരമായ അവസ്ഥയുള്ളവർ, വളരെ ഉയർന്ന എൽഡിഎൽ (എൽഡിഎൽ അളവ് 190 mg/dL-ൽ കൂടുതൽ) ഉള്ളവർ, ഹൃദയസംബന്ധമായ രോഗങ്ങളുള്ള വ്യക്തികൾ, നിയന്ത്രണവിധേയമല്ലാത്ത എൽഡിഎൽ ഉള്ള പ്രമേഹരോഗികൾ എന്നിവർ ആഴ്ചയിൽ ഏകദേശം 3 മുട്ട മാത്രം കഴിക്കാൻ ശ്രമിക്കുക (ഡോക്ടറുടെ പ്രത്യേക നിർദേശങ്ങളില്ലെങ്കിൽ).

❓Can people with high cholesterol consume eggs?

✅Yes. Most people with high cholesterol can consume eggs,

▶️For a typical person with high cholesterol:
1. Up to 1 egg per day is generally safe
2. Prefer boiled, poached, or omelette with minimal oil
3. Pair with high-fiber… https://t.co/yqiEOA0dgA

— Dr Sudhir Kumar MD DM (@hyderabaddoctor) December 1, 2025

Also Read: വീട്ടിൽ എത്ര തവണ ബിപി പരിശോധിക്കണം? ആശുപത്രിയിൽ പോകേണ്ടത് എപ്പോൾ?

മുട്ടയുടെ മഞ്ഞയും കൊളസ്ട്രോളും

മുട്ടയുടെ മഞ്ഞ കഴിക്കുന്നത് കൊളസ്‌ട്രോൾ വർധിപ്പിക്കുമെന്ന ഭയം അടിസ്ഥാനരഹിതമാണെന്ന് ഡോക്ടർമാർ പറയുന്നു. മുട്ടയുടെ മഞ്ഞയിൽ ഉയർന്ന നിലവാരമുള്ള പ്രോട്ടീൻ ഉണ്ട്, ഒപ്പം തലച്ചോറിന്റെ ആരോഗ്യത്തിന് ആവശ്യമായ പോഷകങ്ങളും അടങ്ങിയിട്ടുണ്ട്. ഫിറ്റ്‌നസ് ലക്ഷ്യങ്ങൾക്കനുസരിച്ച് മുട്ട കഴിക്കുന്ന രീതിയിൽ മാറ്റം വരുത്താം. ശരീര ഭാരം കുറയ്ക്കാൻ പുഴുങ്ങിയ മുട്ട തിരഞ്ഞെടുക്കുക. ശരീര ഭാരം കൂട്ടാൻ ശ്രമിക്കുന്നവർക്ക് ഓംലെറ്റുകൾ കൂടുതൽ അനുയോജ്യമാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഇഡ്ഡലി ഏറെ ഇഷ്ടം, 7 മണിക്ക് മുൻപ് അത്താഴം; അദിതി റാവുവിന്റെ ഡയറ്റും വർക്കൗട്ടും