നല്ല ഉറക്കം, ആരോഗ്യമുള്ള ഹൃദയം; ഈ വിത്തുകൾ ഒരുപിടി കഴിച്ചു നോക്കൂ

ഒരുപിടി മത്തങ്ങ വിത്തുകൾ കഴിച്ച് ദിവസം ആരംഭിക്കുന്നത് ആരോഗ്യത്തിൽ വലിയ മാറ്റമുണ്ടാക്കും. പോഷകാഹാര വിദഗ്ധയും പ്രമേഹ വിദ്യാഭ്യാസ വിദഗ്ധയുമായ കനിക മൽഹോത്രയുടെ അഭിപ്രായത്തിൽ, മഗ്നീഷ്യം, സിങ്ക്, ഇരുമ്പ് തുടങ്ങിയ അവശ്യ പോഷകങ്ങളാൽ സമ്പുഷ്ടമായ മത്തങ്ങ വിത്തുകൾ ഹൃദയാരോഗ്യം, പ്രതിരോധശേഷി, ദഹനം, ഉറക്കത്തിന്റെ ഗുണനിലവാരം എന്നിവയെ പിന്തുണയ്ക്കുന്ന ഗുണങ്ങൾ നൽകുന്നു. മത്തങ്ങ വിത്തുകളുടെ പ്രധാന ആരോഗ്യ ഗുണങ്ങൾ അറിയാം.

ഹൃദയാരോഗ്യം: മത്തങ്ങ വിത്തുകളിലെ മഗ്നീഷ്യം രക്തസമ്മർദവും കൊളസ്ട്രോളും നിയന്ത്രിക്കാൻ സഹായിക്കുന്നു, ഇത് ഹൃദയാരോഗ്യത്തിന് വളരെ പ്രധാനമാണ്.

Also Read: മെലിയാൻ ഈ 6 ശീലങ്ങൾ, കൊഴുപ്പ് ഉരുക്കാൻ ഒഴിവാക്കിയത് 5 ഭക്ഷണങ്ങൾ; യുവ എൻജിനീയറുടെ ഫിറ്റ്നസ് രഹസ്യം

രോഗപ്രതിരോധശേഷിയും മുറിവ് ഉണക്കലും: ഇവയിലെ സിങ്ക് പ്രതിരോധശേഷി വർധിപ്പിക്കുകയും മുറിവ് ഉണക്കാൻ സഹായിക്കുകയും ചെയ്യുന്നു.

മികച്ച ഉറക്കം: മത്തങ്ങ വിത്തുകളിലെ ഉയർന്ന അളവിലുള്ള ട്രിപ്റ്റോഫാനും മഗ്നീഷ്യവും വിശ്രമം പ്രോത്സാഹിപ്പിക്കുകയും മെലറ്റോണിൻ ഉൽപാദനത്തെ പിന്തുണയ്ക്കുകയും ചെയ്യുന്നതിലൂടെ മികച്ച ഉറക്കത്തിന് കാരണമാകും.

ആന്റിഓക്‌സിഡന്റ് സംരക്ഷണം: മത്തങ്ങ വിത്തുകളിൽ വൈറ്റമിൻ ഇ, കരോട്ടിനോയിഡുകൾ തുടങ്ങിയ ആന്റിഓക്‌സിഡന്റുകൾ അടങ്ങിയിട്ടുണ്ട്, ഇത് കോശങ്ങളെ ഓക്‌സിഡേറ്റീവ് സമ്മർദത്തിൽ നിന്ന് സംരക്ഷിക്കുന്നു.

ദഹനാരോഗ്യം: ഇവയിലെ ഉയർന്ന നാരുകൾ ദഹനാരോഗ്യത്തെ പിന്തുണയ്ക്കുകയും മലബന്ധത്തിനുള്ള സാധ്യത കുറയ്ക്കുകയും പതിവ് മലവിസർജനം പ്രോത്സാഹിപ്പിക്കുകയും ചെയ്യുന്നു.

Also Read: ഒരു കപ്പ് കട്ടൻ കാപ്പിയിലേക്ക് മാറൂ; ഗുണങ്ങൾ ഒരുപാടുണ്ട്

രക്തത്തിലെ പഞ്ചസാര നിയന്ത്രണം: വിത്തുകളിലെ ആരോഗ്യകരമായ കൊഴുപ്പുകളും പ്രോട്ടീനുകളും പഞ്ചസാരയുടെ ആഗിരണം മന്ദഗതിയിലാക്കുന്നു, അതുവഴി രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു. പ്രമേഹമോ ഇൻസുലിൻ പ്രതിരോധമോ ഉള്ളവർക്ക് ഇത് ഗുണം ചെയ്യും.

പുരുഷന്മാരുടെ പ്രോസ്റ്റേറ്റ് ആരോഗ്യം: പ്രത്യേകിച്ച് ബെനിൻ പ്രോസ്റ്റാറ്റിക് ഹൈപ്പർപ്ലാസിയ (ബിപിഎച്ച്) എന്ന വലുതായ പ്രോസ്റ്റേറ്റ് പ്രശ്നമുള്ള പ്രായമായ പുരുഷന്മാർക്ക്, മത്തങ്ങ വിത്തുകൾ പതിവായി കഴിക്കുന്നത് മൂത്രാശയ ലക്ഷണങ്ങൾ കുറയ്ക്കാൻ സഹായിച്ചേക്കാം.

മത്തങ്ങ വിത്തുകൾ നിരവധി ആരോഗ്യ ഗുണങ്ങൾ നൽകുമെങ്കിലും, ചില വ്യക്തികൾ ജാഗ്രത പാലിക്കണമെന്ന് മൽഹോത്ര മുന്നറിയിപ്പ് നൽകി. അലർജിയുള്ള ആളുകൾ അവ പൂർണമായും ഒഴിവാക്കണം. മത്തങ്ങ വിത്തിൽ ഫോസ്ഫറസ് കൂടുതലായതിനാൽ, വൃക്ക സംബന്ധമായ പ്രശ്നങ്ങൾ ഉള്ളവർ കഴിക്കുന്നത് പരിമിതപ്പെടുത്തണം, കാരണം ഇത് വൃക്ക സംബന്ധമായ പ്രശ്നങ്ങൾ കൂടുതൽ വഷളാക്കും. 

Also Read: കൂടുതൽ കാലം ജീവിക്കാൻ ആഗ്രഹമുണ്ടോ? ഈ 'പോഷകം' കഴിക്കാൻ മറക്കരുത്

സോഡിയം കഴിക്കുന്നത് പരിമിതപ്പെടുത്തുന്ന ആളുകൾ ഉപ്പിട്ട മത്തങ്ങ വിത്തുകൾ വലിയ അളവിൽ കഴിക്കുന്നത് ഒഴിവാക്കണം. മത്തങ്ങ വിത്തുകൾ ധാരാളം കഴിക്കുന്നത് ദഹനപ്രശ്നങ്ങൾക്ക് കാരണമാകും, പ്രത്യേകിച്ച് നാരുകൾ കൂടുതലുള്ള ഭക്ഷണങ്ങളോട് സംവേദനക്ഷമതയുള്ള ആളുകൾക്ക്.

നിലവിലുള്ള ആരോഗ്യപ്രശ്നങ്ങളുള്ളവർ, പുതിയ ആരോഗ്യ ദിനചര്യകൾ ആരംഭിക്കുന്നതിന് മുമ്പ് ശ്രദ്ധിക്കേണ്ടത് പ്രധാനമാണ്. മത്തങ്ങ വിത്തുകളുടെ പൂർണ്ണമായ ആരോഗ്യ ഗുണങ്ങൾ ആസ്വദിക്കാൻ, നിങ്ങളുടെ ഭക്ഷണത്തിൽ ഒരു ചെറിയ പിടി വിത്തുകൾ, ഉപ്പില്ലാത്തതോ, പച്ചയായതോ അല്ലെങ്കിൽ ചെറുതായി വറുത്തതോ ആയി ഉൾപ്പെടുത്തുന്നത് നല്ലതാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കാൻസർ തടയണോ? ഇന്നു തന്നെ ഈ പഴം കഴിച്ചു തുടങ്ങൂ