മത്തങ്ങ വിത്തുകൾ അമിതമായി കഴിക്കുന്നുണ്ടോ? ഈ ആരോഗ്യപ്രശ്നങ്ങൾ ഉണ്ടാകാം

മത്തങ്ങ വിത്തുകൾ അമിതമായി കഴിച്ചാൽ ഉണ്ടാകുന്ന പ്രധാന പ്രശ്നങ്ങൾ

Written byHealth Desk

മത്തങ്ങ വിത്തുകൾ അമിതമായി കഴിച്ചാൽ ഉണ്ടാകുന്ന പ്രധാന പ്രശ്നങ്ങൾ

Health Desk

03 Feb 2026 11:59 IST

New Update

Source: Freepik

1/6

വയറു വീർക്കലും ഗ്യാസും

മത്തങ്ങ വിത്തുകളിൽ ധാരാളം നാരുകൾ അടങ്ങിയിട്ടുണ്ട്. മിതമായ അളവിൽ നാരുകൾ ദഹനത്തിന് നല്ലതാണെങ്കിലും, അമിതമാകുമ്പോൾ അത് കുടലിന് താങ്ങാൻ കഴിയാതെ വരുന്നു. ഇത് വയറു വീർക്കുന്നതിനും അമിതമായ ഗ്യാസിനും കാരണമാകുന്നു.

Source: Freepik

2/6

വയറിളക്കം അല്ലെങ്കിൽ മലബന്ധം

ഇവയിൽ ലയിക്കുന്നതും ലയിക്കാത്തതുമായ നാരുകൾ അടങ്ങിയിട്ടുണ്ട്. ലയിക്കാത്ത നാരുകൾ അമിതമായാൽ അത് ഭക്ഷണത്തെ വേഗത്തിൽ കുടലിലൂടെ തള്ളി വിടുകയും വയറിളക്കത്തിന് കാരണമാവുകയും ചെയ്യും. അതേസമയം, ആവശ്യത്തിന് വെള്ളം കുടിക്കാതെ ഇത്തരം വിത്തുകൾ അമിതമായി കഴിച്ചാൽ മലബന്ധം ഉണ്ടാകാനും സാധ്യതയുണ്ട്.

3/6

ദഹനക്കേടും വയറുവേദനയും

മത്തങ്ങ വിത്തുകളുടെ പുറംതോട് അൽപം കട്ടിയുള്ളതാണ്. കൂടാതെ ഇവയിലടങ്ങിയിരിക്കുന്ന കൊഴുപ്പ് ദഹിക്കാൻ കൂടുതൽ സമയം എടുക്കും. അതിനാൽ ഇവ ഒരുപാട് കഴിക്കുന്നത് വയറിൽ ഭാരവും അസ്വസ്ഥതയും ഉണ്ടാക്കും.

Advertisment

4/6

ശരീരഭാരം കൂടാൻ സാധ്യത

പോഷകപ്രദമാണെങ്കിലും മത്തങ്ങ വിത്തുകൾ കാലറി കൂടുതലുള്ള ഭക്ഷണമാണ്. ഒരു കപ്പ് വറുത്ത മത്തങ്ങ വിത്തിൽ ഏകദേശം 285 കാലറി അടങ്ങിയിട്ടുണ്ട്. ഇടനേരങ്ങളിൽ കൊറിക്കുന്ന ശീലമുള്ളവർ അളവ് ശ്രദ്ധിച്ചില്ലെങ്കിൽ ഇത് ശരീരഭാരം വർധിക്കാൻ കാരണമാകും.

5/6

ഉപ്പിന്റെ അംശം കൂടുന്നു

വിപണിയിൽ ലഭിക്കുന്ന മത്തങ്ങ വിത്തുകളിൽ പലപ്പോഴും ധാരാളം ഉപ്പ് ചേർക്കാറുണ്ട്. ഇത്തരം പാക്കറ്റുകൾ വാങ്ങി കഴിക്കുന്നത് ശരീരത്തിൽ സോഡിയത്തിന്റെ അളവ് വർധിപ്പിക്കും. ഇത് രക്തസമ്മർദം ഉയരാനും നീർക്കെട്ടുണ്ടാകാനും കാരണമായേക്കാം.

6/6

DISCLAIMER:

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Health Tips

Stay updated with the latest news headlines and all the latest Lifestyle news. Download Indian Express Malayalam App - Android or iOS.