scorecardresearch

ആഴ്ചയിൽ രണ്ടുതവണ അവോക്കാഡോ കഴിക്കുന്നത് ഹൃദ്രോഗ സാധ്യത കുറയ്ക്കുമോ?

അവോക്കാഡോകളിൽ വിറ്റാമിനുകളും ധാതുക്കളും അടങ്ങിയിട്ടുണ്ട്, ഇത് ഹൃദയാരോഗ്യത്തിന് കൂടുതൽ ഗുണം ചെയ്യും

avocados, health, ie malayalam

എ, ബി, സി, ഇ, കെ തുടങ്ങിയ ടൺ കണക്കിന് അവശ്യ വിറ്റാമിനുകളും ചെമ്പ്, ഇരുമ്പ്, പൊട്ടാസ്യം, മഗ്നീഷ്യം തുടങ്ങിയ ധാതുക്കളും അവോക്കാഡോ പഴത്തിൽ അടങ്ങിയിട്ടുണ്ട്. കഴിഞ്ഞ കുറച്ച് വർഷങ്ങളായി, ഈ പഴം ആളുകൾക്കിടയിൽ കൂടുതൽ പ്രചാരത്തിലുണ്ട്.

ആഴ്ചയിൽ രണ്ടോ അതിലധികമോ അവോക്കാഡോ കഴിക്കുന്നത് ഹൃദ്രോഗസാധ്യത അഞ്ചിലൊന്നായി കുറയ്ക്കുമെന്നാണ് അമേരിക്കൻ ഹാർട്ട് അസോസിയേഷന്റെ ജേർണലിൽ പ്രസിദ്ധീകരിച്ച പുതിയ പഠനം അവകാശപ്പെടുന്നത്. കാൻസർ, കൊറോണറി ഹൃദ്രോഗം, പക്ഷാഘാതം എന്നിവയിൽ നിന്ന് മുക്തരായ 68,000-ലധികം സ്ത്രീകളിലും 41,000 പുരുഷന്മാരിലുമാണ് പഠനം നടത്തിയത്. 30 വർഷത്തിനിടയിൽ ഓരോ നാല് വർഷം കൂടുമ്പോഴും അവരുടെ ഭക്ഷണക്രമത്തിൽ മാറ്റം വരുത്തിയാണ് പഠനം നടത്തിയത്. അവർ കഴിക്കുന്ന അവോക്കാഡോയുടെ എണ്ണവും അളവും കണക്കാക്കി.

ആരോഗ്യകരമായ കൊഴുപ്പുകൾ കഴിക്കുന്നതും ഹൃദയാരോഗ്യവും തമ്മിൽ ബന്ധമുണ്ടെന്ന് ഗവേഷകർ കണ്ടെത്തി, അവോക്കാഡോകൾ പതിവായി കഴിക്കുന്നവരിൽ, അല്ലാത്തവരെ അപേക്ഷിച്ച് കൊറോണറി ഹൃദ്രോഗ സാധ്യത 21 ശതമാനം കുറയ്ക്കുന്നു. കൂടാതെ, വെണ്ണ, മുട്ട, തൈര്, ചീസ് അല്ലെങ്കിൽ സംസ്കരിച്ച മാംസം എന്നിവയ്ക്ക് പകരം അവോക്കാഡോ കഴിക്കുന്നത് ഹൃദ്രോഗ സാധ്യത 16-22 ശതമാനം കുറയ്ക്കുമെന്ന് പഠനം പറയുന്നു.

സസ്യങ്ങളിൽ നിന്നുള്ള അപൂരിത കൊഴുപ്പുകൾ കഴിക്കുന്നത് ഭക്ഷണത്തിന്റെ ഗുണനിലവാരം മെച്ചപ്പെടുത്തുമെന്നും ഹൃദയ സംബന്ധമായ അസുഖങ്ങൾ തടയുന്നതിനുള്ള ഒരു പ്രധാന ഘടകമാണെന്നും എന്നതിന് ഞങ്ങളുടെ പഠനം കൂടുതൽ തെളിവുകൾ നൽകുന്നുവെന്ന് യുഎസ് ബോസ്റ്റണിലെ ഹാർവാർഡ് ടിഎച്ച് ചാൻ സ്കൂൾ ഓഫ് പബ്ലിക് ഹെൽത്തിലെ ഡോ.ലൊറേന പാച്ചിയോ പറഞ്ഞു. അവോക്കാഡോകൾക്ക് ആരോഗ്യപരമായ ഗുണങ്ങൾ ഉണ്ടെന്നതിന്റെ തെളിവാണ് ഈ പഠനമെന്ന് അമേരിക്കൻ ഹാർട്ട് അസോസിയേഷന്റെ കൗൺസിൽ ഓൺ എപ്പിഡെമിയോളജി ആൻഡ് പ്രിവൻഷനിലെ ഡോ.ഷെറിൽ ആൻഡേഴ്സൺ പറഞ്ഞു.

”അവോക്കാഡോകളിൽ അപൂരിത ഫാറ്റി ആസിഡും വിറ്റാമിനുകളും ധാതുക്കളും അടങ്ങിയിട്ടുണ്ട്, ഇത് ഹൃദയാരോഗ്യത്തിന് കൂടുതൽ ഗുണം ചെയ്യും. അവോക്കാഡോയിൽ കൂടുതൽ പൊട്ടാസ്യവും മോണോസാച്ചുറേറ്റഡ് കൊഴുപ്പും ഉള്ളതിനാൽ ഹൃദയത്തിന് നല്ലതാണ്. ഇത് ചീത്ത കൊളസ്ട്രോൾ കുറയ്ക്കുകയും ശരീരത്തിലെ നല്ല കൊളസ്ട്രോൾ വർദ്ധിപ്പിക്കുകയും ചെയ്യുന്നു,” മണിപ്പാൽ ഹോസ്പിറ്റലിലെ ഇന്റർവെൻഷണൽ കാർഡിയോളജി എച്ച്ഒഡിയും കൺസൾട്ടന്റുമായ ഡോ.രഞ്ജൻ ഷെട്ടി പറഞ്ഞു.

Read More: ഹൃദ്രോഗത്തെ വരെ അകറ്റും; മുട്ടയുടെ ആരോഗ്യ ഗുണങ്ങള്‍ അറിയാം

Stay updated with the latest news headlines and all the latest Health news download Indian Express Malayalam App.

Web Title: Does eating avocados twice a week lower the risk of heart disease