Diabetes: പ്രമേഹമുള്ളവർ കശുവണ്ടി കഴിച്ചാൽ രക്തത്തിലെ പഞ്ചസാരയുടെ അളവ് ഉയരുമോ?

Diabetes Foods: പോഷകഗുണങ്ങൾക്ക് പേരുകേട്ടതാണ് കശുവണ്ടി. എന്നാൽ, കശുവണ്ടി രക്തത്തിലെ പഞ്ചസാരയുടെ അളവ് വർധിപ്പിക്കുമോയെന്ന സംശയം ചിലർക്കെങ്കിലും ഉണ്ടാകാം. ഒരു ചെറിയ ബൗൾ കശുവണ്ടി (75 ഗ്രാം) കഴിക്കുന്നത് രക്തത്തിലെ പഞ്ചസാരയുടെ അളവ് വളരെ ചെറിയ തോതിൽ മാത്രമേ വർധിപ്പിക്കൂവെന്ന് ഡയറ്റീഷ്യൻ ഗരിമ ഗോയൽ പറഞ്ഞു.

75 ഗ്രാം കശുവണ്ടിയിൽ ഏകദേശം 20 ഗ്രാം കാർബോഹൈഡ്രേറ്റ് അടങ്ങിയിരിക്കും. അതിൽ 3 ഗ്രാം ഡയറ്ററി ഫൈബറുകളാണ്, മൊത്തം കാർബോഹൈഡ്രേറ്റ് ഉള്ളടക്കം 17 ഗ്രാം ആണ്. എന്നാൽ, 75 ഗ്രാം കശുവണ്ടിയുടെ കലോറിഫിക് മൂല്യം 440 കിലോകലോറിയാണെന്ന് ഗോയൽ പറഞ്ഞു. ഇതിനർത്ഥം കാർബോഹൈഡ്രേറ്റുകൾ ഈ ഉയർന്ന കലോറി മൂല്യത്തിന് ഉത്തരവാദികളല്ല എന്നാണ്.

ബ്രെഡ്, പാസ്ത മുതലായ ഉയർന്ന കാർബോഹൈഡ്രേറ്റ് ഭക്ഷണങ്ങളുമായി താരതമ്യപ്പെടുത്തുമ്പോൾ കശുവണ്ടി രക്തത്തിലെ പഞ്ചസാരയുടെ അളവ് മിതമായ അളവിൽ മാത്രമേ ഉയർത്തുന്നുള്ളൂ. "കശുവണ്ടിക്ക് കുറഞ്ഞ ജിഐ ആണുള്ളത്. കുറഞ്ഞ കാർബോഹൈഡ്രേറ്റ് ഉള്ളടക്കം കശുവണ്ടിപ്പരിപ്പിനെ കുറഞ്ഞ ഗ്ലൈസെമിക് ലോഡ് (GL) വിഭാഗത്തിൽ പെടുത്തുന്നു," ഗോയൽ പറഞ്ഞു.

ഗോയലിന്റെ അഭിപ്രായത്തിൽ, കുറഞ്ഞ GI ഉം GL ഉം പ്രമേഹരോഗികൾക്ക് കശുവണ്ടി നല്ലൊരു ഓപ്ഷനാക്കി മാറ്റുന്നു. കശുവണ്ടിപ്പരിപ്പിൽ ഉയർന്ന അളവിൽ പ്രോട്ടീനും കൊഴുപ്പും അടങ്ങിയിട്ടുണ്ട് (യഥാക്രമം 14 ഗ്രാം, 34 ഗ്രാം). "ദഹനത്തെ മന്ദഗതിയിലാക്കുകയും സംതൃപ്തി നൽകുകയും അമിതമായി ഭക്ഷണം കഴിക്കുന്നത് തടയുകയും ചെയ്യുന്നതിനാൽ ഈ പോഷകങ്ങൾ രക്തത്തിലെ പഞ്ചസാരയുടെ അളവ് ബാലൻസ് ചെയ്യുന്നതിന് മികച്ചതാണ്.  കുറഞ്ഞ കാർബോഹൈഡ്രേറ്റ്-കൊഴുപ്പ് അനുപാതം പ്രമേഹരോഗികളിൽ ഉപാപചയ നിയന്ത്രണത്തിന് ഇതിനെ മികച്ചൊരു ഓപ്ഷനാക്കി മാറ്റുന്നു," ഗോയൽ പറഞ്ഞു.

ഒരു ചെറിയ പാത്രം കശുവണ്ടി രക്തത്തിലെ പഞ്ചസാരയുടെ അളവിൽ നേരിയ വർധനവിന് കാരണമാകുമെങ്കിലും, പ്രമേഹമുള്ളവർ കഴിക്കുന്ന ഭക്ഷണത്തിന്റെ അളവ് ശ്രദ്ധിക്കുകയും അമിതമായി കഴിക്കാതിരിക്കുകയും വേണം. "വലിയ അളവിൽ കഴിക്കുന്നത് പഞ്ചസാരയുടെ അളവിനെ കാര്യമായി ബാധിക്കില്ലെങ്കിലും, അത് കലോറി വർധിപ്പിക്കുകയും ശരീരഭാരം വർധിപ്പിക്കുകയും ചെയ്യും. വലിയ അളവിൽ കഴിക്കുകയാണെങ്കിൽ, രക്തത്തിലെ പഞ്ചസാരയുടെ അളവ് ബാലൻസ് ചെയ്യുന്നതിന് പച്ചക്കറി സാലഡ്, തൈര് തുടങ്ങിയ നാരുകൾ അടങ്ങിയതോ പ്രോട്ടീൻ അടങ്ങിയതോ ആയ ഭക്ഷണങ്ങളുമായി കശുവണ്ടിപ്പരിപ്പ് സംയോജിപ്പിക്കുക," ഗോയൽ പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• പടികൾ കയറാൻ കഴിഞ്ഞില്ല; 130 കിലോയിൽനിന്ന് 60 ആയി വണ്ണം കുറച്ച് ഞെട്ടിച്ച് സിമ്രാൻ പൂനിയ
• ഭക്ഷണം കഴിച്ച ഉടൻ പല്ല് തേയ്ക്കാറുണ്ടോ? ഉടൻ നിർത്തിക്കോളൂ
• ബ്ലഡ് ഷുഗർ നിയന്ത്രിക്കാം, പേരയില ഇട്ട വെള്ളം തിളപ്പിച്ച് കുടിക്കൂ
• 6 ആഴ്ച കൊണ്ട് 6 കിലോ കുറയ്ക്കാം; ഈ 3 കാര്യങ്ങൾ ശ്രദ്ധിക്കൂ