Christmas Cakes For Diabetics: പ്രമേഹത്തെ ഭയക്കാതെ കേക്ക് ആസ്വദിക്കാം; ഇത്ര നേരം നടന്നോളൂ

Christmas diet tips for diabetics: ക്രിസ്മസ് എത്തിയാൽ പിന്നെ കേക്കുകളുടെ ആഘോഷ കാലമാണ്. പ്രമേഹമുള്ളവർ ക്രിസ്മസ് കാലത്ത് ഭക്ഷണ നിയന്ത്രണത്തിൽ ഏറെ ശ്രദ്ധിക്കണം. ഒരു ചെറിയ കഷ്ണം കേക്ക് കഴിച്ചാൽ, അതിലെ കാലറി കത്തിക്കാൻ എത്ര നേരം നടക്കണം? അല്ലെങ്കിൽ ഓടണം? പ്രമേഹരോഗികൾക്ക് ഇത് പ്രധാനമാണ്, കാരണം രക്തത്തിലെ പഞ്ചസാരയുടെ അളവ് പെട്ടെന്ന് കൂടാതിരിക്കാൻ ഇത് സഹായിക്കും.

കേക്കിന്റെ ഒരു ചെറിയ കഷ്ണം (ഏകദേശം 50 ഗ്രാം) കഴിക്കുമ്പോൾ നാം വലിയ കാര്യമായി എടുക്കാറില്ല. എന്നാൽ പ്രമേഹമുള്ളവരിലും ആരോഗ്യകാര്യത്തിൽ ശ്രദ്ധിക്കുന്നവരിലും ഇത് രക്തത്തിലെ പഞ്ചസാരയുടെ അളവ് പെട്ടെന്ന് വർധിപ്പിക്കും. ഈ ചെറിയൊരു മധുരക്കഷ്ണം വഴി ശരീരത്തിലെത്തിയ കാലറിയും പഞ്ചസാരയും ഫലപ്രദമായി എരിച്ചുകളയാൻ എത്രത്തോളം വ്യായാമം വേണമെന്ന് നിങ്ങൾക്കറിയാമോ?.

Also Read: പപ്പായയോ കിവിയോ: ദഹനത്തിനും കുടലിന്റെ ആരോഗ്യത്തിനും മികച്ചത് ഏത്?

കേക്ക് വഴി ലഭിക്കുന്ന അമിത ഊർജം ഇല്ലാതാക്കാൻ ഒരു മണിക്കൂർ തുടർച്ചയായ നടത്തം അല്ലെങ്കിൽ 20 മിനിറ്റ് ഓട്ടം അത്യാവശ്യമാണ്. നമ്മുടെ ശരീരത്തിലെ പേശികൾക്ക് ഗ്ലൂക്കോസ് ആഗിരണം ചെയ്യാൻ ശാരീരിക അധ്വാനം ആവശ്യമാണ്. ഒരു കഷ്ണം കേക്കിൽ അടങ്ങിയിരിക്കുന്ന കാർബോഹൈഡ്രേറ്റും കൊഴുപ്പും രക്തത്തിൽ കലരുമ്പോൾ, അത് സാധാരണ നിലയിലാക്കാൻ ലളിതമായ നടത്തത്തേക്കാൾ അൽപം കൂടി തീവ്രതയുള്ള വ്യായാമം ആവശ്യമായി വരുന്നു.

Also Read: രക്തത്തിലെ പഞ്ചസാര പെട്ടെന്ന് ഉയർന്നോ? മരുന്നോ കുത്തിവയ്പോ വേണ്ട; ഇതൊന്ന് ചെയ്ത് നോക്കൂ

എന്തുകൊണ്ട് നടത്തം? 

പ്രമേഹരോഗികൾക്ക് രക്തത്തിലെ പഞ്ചസാര നിയന്ത്രിക്കാൻ നടത്തം ഏറ്റവും ലളിതവും ഫലപ്രദവുമായ മാർഗമാണ്. ഇതിനായി വിദഗ്ധർ പ്രധാനമായും മൂന്ന് കാര്യങ്ങൾ നിർദേശിച്ചിട്ടുണ്ട്. ഉച്ചഭക്ഷണത്തിനോ അത്താഴത്തിനോ ശേഷം 15 മുതൽ 20 മിനിറ്റ് വരെ നടക്കുന്നത് രക്തത്തിലെ പഞ്ചസാര പെട്ടെന്ന് ഉയരുന്നത് തടയാൻ സഹായിക്കും. സാധാരണ നടക്കുന്നതിനേക്കാൾ അൽപം വേഗതയിൽ നടക്കുന്നത് കൂടുതൽ കാലറി എരിച്ചുകളയാൻ സഹായിക്കും. ആഘോഷങ്ങളുടെ ഭാഗമായി മധുരം കഴിക്കേണ്ടി വന്നാൽ, അന്ന് വ്യായാമത്തിന് കൂടുതൽ സമയം കണ്ടെത്താൻ ശ്രദ്ധിക്കുക.

Also Read: രാവിലെ അവൽ, പാൽ ഉത്പന്നങ്ങൾ തൊടാറില്ല; 36-ാം വയസിലും 'അഴകിൻ റാണി' തമന്നയുടെ ഫിറ്റ്‌നസ് രഹസ്യം

പ്രമേഹരോഗികൾക്കുള്ള പ്രധാന നിർദേശങ്ങൾ

ഭക്ഷണത്തിനു ശേഷം 15–30 മിനിറ്റിനുള്ളിൽ നടക്കാൻ തുടങ്ങുക: ഇത് രക്തത്തിലെ പഞ്ചസാര പെട്ടെന്ന് കൂടുന്നത് തടയാൻ ഏറ്റവും ഫലപ്രദമാണ്.

ഓരോ ഭക്ഷണത്തിനു ശേഷവും 10–15 മിനിറ്റ് നടക്കുക: ചെറിയ നടത്തങ്ങൾ പോലും വളരെ ഗുണകരമാണ്.

ആഴ്ചയിൽ 150 മിനിറ്റ് മിതമായ വ്യായാമം: നടത്തമോ സൈക്ലിങോ ജോഗിങ്ങോ ആകാം.

നാം ആസ്വദിച്ചു കഴിക്കുന്ന ഒരു ചെറിയ മധുരം പോലും ശരീരത്തിന് വലിയൊരു ഭാരമാകാം. അത് ഒഴിവാക്കാൻ ചിട്ടയായ വ്യായാമം ദിനചര്യയുടെ ഭാഗമാക്കുക. ഓർക്കുക, നിങ്ങൾ കഴിക്കുന്ന ഓരോ മധുരക്കഷ്ണത്തിനും പകരം നൽകേണ്ടത് കുറഞ്ഞത് ഒരു മണിക്കൂർ നടത്തമാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കൊളസ്ട്രോൾ പരിശോധന ഏത് പ്രായത്തിൽ തുടങ്ങണം?