scorecardresearch

കോവിഡ്-19 രോഗമുക്തി: പ്രതിരോധ ശേഷി മെച്ചപ്പെടുത്താൻ യോഗയും ശ്വസനക്രിയകളും

പ്രതിരോധശേഷി വർദ്ധിപ്പിക്കുന്നതിനും നിങ്ങളുടെ ശക്തി വീണ്ടെടുക്കുന്നതിനുമുള്ള വളരെ പ്രയോജനപ്രദമായ ഒരു മാർഗമാണ് യോഗ

yoga, ie malayalam
പ്രതീകാത്മക ചിത്രം

നിങ്ങൾക്ക് കോവിഡ്-19 പോസിറ്റീവ് ആണെന്ന് സ്ഥിരീകരിച്ചാൽ, ഏറ്റവും മികച്ച ചികിത്സാരീതിയെക്കുറിച്ച് അറിയാൻ ഡോക്ടറുമായി ബന്ധപ്പെടുക. നിങ്ങൾ വീട്ടിൽ കഴിഞ്ഞ് സുഖം പ്രാപിക്കുന്നുണ്ടെങ്കിൽ, പലരെയും പോലെ, നിങ്ങളുടെ ഭക്ഷണക്രമം, ഉറക്കം, വിശ്രമം എന്നിവയിൽ ശ്രദ്ധ ചെലുത്തേണ്ടത് പ്രധാനമാണ്.

വീണ്ടെടുക്കൽ പ്രക്രിയയിലിരിക്കുന്നവർക്ക്, പ്രതിരോധശേഷി വർദ്ധിപ്പിക്കുന്നതിനും നിങ്ങളുടെ ശക്തി വീണ്ടെടുക്കുന്നതിനുമുള്ള വളരെ പ്രയോജനപ്രദമായ ഒരു മാർഗമാണ് യോഗ. ഇൻസ്റ്റാഗ്രാമിൽ, സെലിബ്രിറ്റി യോഗ പരിശീലകനായ അൻഷുക പർവാനി വിവിധ യോഗ ദിനചര്യകളും പോസുകളും ശ്വസനരീതികളും വിശദീകരിക്കുന്നതിനുള്ള ഒരു ഗൈഡ് പങ്കുവച്ചു. നിങ്ങൾ കോവിഡിൽ നിന്ന് മുക്തി നേടുമ്പോൾ ഇത് പരിഗണിക്കാം.

മൊത്തത്തിൽ, ഏഴ് ഭാഗങ്ങൾ ഉണ്ട്. അതിൽ ആദ്യം പ്രാണായാമം, ശ്വസനം എന്നിവ ഉൾപ്പെടുന്നു. ലളിതവും വേഗമേറിയതും ഫലപ്രദവുമായ ഏതാനും ലളിതമായ ശ്വസന, പ്രാണായാമ വിദ്യകൾ ശ്വാസകോശത്തിന്റെ ശേഷി മെച്ചപ്പെടുത്തുകയും പ്രതിരോധശേഷി വർദ്ധിപ്പിക്കുകയും ചെയ്യുന്നവയാണെന്ന് പർവാനി പറയുന്നു:

  1. കപൽഭാതി
  2. അനുലോമ വിലോമ
  3. ഭസ്ത്രിക

“ശ്വസന വ്യായാമങ്ങൾ, ശരിയായി ചെയ്താൽ, ശ്വാസകോശത്തിന്റെ ശേഷി വർദ്ധിപ്പിക്കാനും, മെച്ചപ്പെട്ട ഓക്സിജൻ എടുക്കാനും കാർബൺ ഡൈ ഓക്സൈഡ് പുറന്തള്ളാനും സഹായിക്കുന്നു,” അവൾ എഴുതുന്നു.

അടുത്തതായി, അവൾ വയറുപയോഗിച്ച ശ്വാസോച്ഛ്വാസം പരാമർശിക്കുന്നു, പ്രത്യേകിച്ച് “ഉത്കണ്ഠയുടെ അവസ്ഥയിൽ കുടുങ്ങിയവർ”. “വയർ ശ്വസനം” അല്ലെങ്കിൽ “ഉത്കണ്ഠയ്ക്കുള്ള ശ്വസനം” എന്ന് അതിനെ വിളിക്കുന്നുവെന്ന് അവർ പറയുന്നു.

“നിങ്ങൾ സ്വയം ക്വാറന്റൈനിൽ ആയിരിക്കുമ്പോൾ പരിശീലിക്കാവുന്ന ലളിതമായ ശ്വസന വിദ്യകളുണ്ട്. ആഴത്തിലുള്ള ശ്വസനം ശരീരത്തിലെ സമ്മർദ്ദ പ്രതികരണത്തെ ഗണ്യമായി കുറയ്ക്കുന്നു, ”അവർ വിശദീകരിക്കുന്നു.

അടുത്തതായി, വിദഗ്ധൻ “സമ വൃത്തി ശ്വസനത്തെ” കുറിച്ച് അവർ സംസാരിക്കുന്നു, ‘സമ’ എന്നാൽ ‘ഒരേ’, ‘തുല്യം’ അല്ലെങ്കിൽ ‘മിനുസമാർന്ന’ എന്നും, ‘വൃത്തി’ എന്നാൽ ‘ഏറ്റക്കുറച്ചിലുകൾ’ എന്നും വിശദീകരിക്കുന്നു. “ഈ ശ്വസന സാങ്കേതികതയിൽ ശ്വാസം ഉള്ളിലേയ്‌ക്കും പുറത്തേക്ക് വിടുന്നതിനും തുല്യ അനുപാതം സൃഷ്ടിക്കാൻ ഞങ്ങൾ ആഗ്രഹിക്കുന്നു.” നിങ്ങൾക്ക് ഇത് എങ്ങനെ പരിശീലിക്കാമെന്നത് ചുവടെ ചേർക്കുന്നു.

ബോക്‌സ് ബ്രീത്തിംഗ് അടുത്തതായി അവർ പറയുന്നു. ഇത് “നിങ്ങളെ വേഗത്തിൽ ശാന്തമാക്കുന്ന ഒരു ലളിതമായ ശ്വസന സാങ്കേതികതയാണ്. നിങ്ങൾ ചെയ്യേണ്ടത്:

  • 4-5 തവണ ശ്വസിക്കുക
  • 4-5 എണ്ണത്തിന്റെ സമയം ആ ശ്വാസം പിടിക്കുക
  • 4-5 തവണ ശ്വാസം വിടുക
  • 4-5 എണ്ണത്തിന്റെ സമയം ആ നില തുടരുക

ഒരാൾക്ക് ചില എളുപ്പമുള്ള സ്ട്രെച്ചുകളും ആസനങ്ങളും പരീക്ഷിക്കാവുന്നതാണ്. അവയിൽ ഉൾപ്പെടുന്ന ചിലത് ചുവടെ ചേർക്കുന്നു.

  1. കാറ്റ്/കൗ പോസ്
  2. ബട്ടർഫ്ലൈ പോസ്
  3. സിറ്റിങ് പീജിയൻ പോസ്
  4. സൈഡ് സ്ട്രെച്ച്
  5. വിൻഡ് റിലീസ് പോസ്

“ആസനങ്ങളും സ്ട്രെച്ചുകളും സെൽഫ് ഐസൊലേഷന്റെ സമയത്ത് വീട്ടിൽ തന്നെ ആരംഭിക്കുകയും നിങ്ങളുടെ ദിനചര്യയിൽ എളുപ്പത്തിൽ ഉൾപ്പെടുത്തുകയും ചെയ്യാം,” അവർ പറയുന്നു.

കോവിഡ് രോഗമുക്തി കാലയളവിൽ നിങ്ങൾക്ക് ചില ലോവർ ബാക്ക് സ്ട്രെച്ചുകളും പരീക്ഷിക്കാം.

“ആഴ്ചയിൽ കുറച്ച് തവണ ഈ പോസുകൾ ചെയ്യുക, അവ ഓരോന്നും കുറഞ്ഞത് 10 മുതൽ 15 വരെ ശ്വസനങ്ങളുടെ സമയമോ 30 സെക്കൻഡ് വീതമോ പിടിക്കുക. കൂടാതെ, നിങ്ങൾ ഇത് മുമ്പ് ചെയ്ത് പരിചയമില്ലെങ്കിൽ, കുറഞ്ഞ തോതിൽ ആരംഭിക്കുക, തുടർന്ന് മുന്നേറുക,” പരിശീലക പറയുന്നു.

അവസാനമായി, സമ്മർദ്ദം ഒഴിവാക്കാൻ നിങ്ങൾക്ക് ചില ആസനങ്ങൾ പരീക്ഷിക്കാം. “നിങ്ങൾ ഒരിക്കലും സമ്മർദരഹിതരായിരിക്കണമെന്നില്ല. പക്ഷേ പലപ്പോഴും നമ്മൾ തിരിച്ചറിയാത്ത വിധത്തിൽ അവ നമ്മെ തടസ്സപ്പെടുത്തുന്നതിനാൽ സ്ട്രെസ് ലെവലുകൾ ഒഴിവാക്കുകയോ കുറയ്ക്കുകയോ ചെയ്യേണ്ടത് അത്യാവശ്യമാണ്. നിങ്ങൾ ദിവസവും നിന്ന് കുറച്ച് സമയമെടുത്ത് ഈ ലളിതമായ സ്ട്രെസ് റിലീഫ് യോഗാസനങ്ങൾ പരിശീലിക്കുക. ഈ ആസനങ്ങൾ 15-20 സെക്കൻഡ് വീതം തുടരണം:

  • ആഞ്ജനേയാസനം
  • സുഖാസനം
  • സേതു ബന്ധാസനം
  • ഉത്താന ശിശോസന
  • മലാസനം
  • ഗോമുഖാസനം

Stay updated with the latest news headlines and all the latest Health news download Indian Express Malayalam App.

Web Title: Covid 19 recovery a complete guide to how yoga and breathing can help build your immunity