കൊഴുപ്പും മദ്യവും അല്ല; ഈ 2 പഴങ്ങളും ഹൃദയത്തിന് ഭീഷണി

പഴങ്ങൾ, പച്ചക്കറികൾ, കൊഴുപ്പ് കുറഞ്ഞ ഭക്ഷണങ്ങൾ എന്നിവ നല്ല ഹൃദയാരോഗ്യവുമായി പലപ്പോഴും ബന്ധപ്പെടുത്താറുണ്ട്. എന്നാൽ, വാഴപ്പഴം, ചീര, മുന്തിരി തുടങ്ങിയ ആരോഗ്യകരമായ ഭക്ഷണങ്ങൾ പോലും ഒരാളുടെ ആരോഗ്യസ്ഥിതിയെക്കുറിച്ചോ മരുന്നുകളെക്കുറിച്ചോ അവബോധമില്ലാതെ കഴിക്കുകയാണെങ്കിൽ അപ്രതീക്ഷിത പ്രത്യാഘാതങ്ങൾ ഉണ്ടാക്കുമെന്ന് യുഎസിലെ പ്രമുഖ കാർഡിയോളജിസ്റ്റ് ഡോ.ദിമിത്രി യാരനോവ് മുന്നറിയിപ്പ് നൽകിയിട്ടുണ്ട്.

Also Read: ഷാരൂഖിന് പ്രായം 60, മുടി നാച്യുറലാണോ? ഡെർമറ്റോളജിസ്റ്റിന്റെ മറുപടി

"നിങ്ങളുടെ ഹൃദയത്തെ നിശബ്ദമായി ബാധിക്കുന്ന ആരോഗ്യകരമായ ഭക്ഷണങ്ങൾ" എന്ന തലക്കെട്ടോടെയാണ് അദ്ദേഹം ഇൻസ്റ്റഗ്രാമിൽ പോസ്റ്റ് ഷെയർ ചെയ്തത്. "ഈ ഭക്ഷണങ്ങൾ മോശമാണെന്നല്ല; നിങ്ങളുടെ ഹൃദയം, വൃക്കകൾ, മരുന്നുകൾ എന്നിവ നിങ്ങളുടെ ശരീരം ഉപ്പ്, പൊട്ടാസ്യം, മെറ്റബോളിസം എന്നിവ എങ്ങനെ കൈകാര്യം ചെയ്യുന്നു എന്നതിനെ മാറ്റുന്നു." 

ഡോ.യാരനോവിന്റെ പോസ്റ്റ് അനുസരിച്ച്, പോഷകങ്ങളാൽ സമ്പന്നമാണെങ്കിലും വാഴപ്പഴത്തിലും ചീരയിലും ഉയർന്ന അളവിൽ പൊട്ടാസ്യം അടങ്ങിയിട്ടുണ്ട്. ഇത് വൃക്ക സംബന്ധമായ പ്രശ്നങ്ങൾ ഉള്ളവർക്കോ സ്പിറോനോലാക്റ്റോൺ അല്ലെങ്കിൽ എആർഎൻഐ പോലുള്ള ഹൃദയത്തിനുള്ള മരുന്നുകൾ കഴിക്കുന്നവർക്കോ അപകടകരമാണ്. അധിക പൊട്ടാസ്യം രക്തത്തിൽ അടിഞ്ഞുകൂടുകയും അപകടകരമായ അസന്തുലിതാവസ്ഥയിലേക്ക് നയിക്കുകയും ചെയ്യും.

മുന്തിരി ഒരു മറഞ്ഞിരിക്കുന്ന അപകടസാധ്യതയാണെന്നും അദ്ദേഹം പറഞ്ഞു. വൈറ്റമിൻ സി സമ്പുഷ്ടമാണെങ്കിലും, ഈ പഴം ചില മരുന്നുകളെ കരൾ എങ്ങനെ ഉപാപചയമാക്കുന്നു എന്നതിനെ തടസപ്പെടുത്തും, പ്രത്യേകിച്ച് ഹൃദയം മാറ്റിവയ്ക്കൽ ശസ്ത്രക്രിയകൾക്കുശേഷമുള്ള മരുന്നുകളെ. ഇത് മരുന്നുകളുടെ അളവ് സുരക്ഷിതമായതിനേക്കാൾ വളരെയധികം വർധിപ്പിച്ചേക്കാം.

Also Read: രാവിലെയോ ഉച്ചയ്ക്ക് ശേഷമോ? വൈറ്റമിൻ ഡി ലഭിക്കാൻ ഏതു സമയത്ത് സൂര്യപ്രകാശമേൽക്കണം?

ചീരയിൽ പൊട്ടാസ്യം കൂടുതലാണ്. വാർഫറിൻ സ്ഥിരതയെ ബാധിക്കുന്നു. സോയ സോസ് ശുദ്ധമായ സോഡിയമാണ്. പക്ഷേ, ശ്വാസതടസത്തിന് കാരണമാകും. അതേസമയം, മദ്യം നേരിട്ട് കാർഡിയാക് ടോക്സിൻ ആയി പ്രവർത്തിക്കുന്നുവെന്ന് അദ്ദേഹം പറഞ്ഞു, ചില സന്ദർഭങ്ങളിൽ, ഹൃദയം ആദ്യം ദുർബലമാകാൻ കാരണം അതാണ്.

View this post on Instagram

A post shared by Dmitry Yaranov, MD | Cardiologist 🫀 (@heart_transplant_doc)

Also Read: കിവിയും അവക്കാഡോയും അല്ല; കുടലിന് ഇഷ്ടം ഈ നാടൻ പഴം

മരുന്ന് കഴിക്കുന്നവരോ ഹൃദ്രോഗങ്ങൾ ഉള്ളവരോ ഏതു ഭക്ഷണവും ഡയറ്റിൽ ഉൾപ്പെടുത്തുന്നതിനു മുൻപ് ഡോക്ടറോട് സംസാരിക്കുക. നിങ്ങളുടെ ശരീരത്തിന്റെ ആവശ്യങ്ങൾ മനസിലാക്കുക, എല്ലാ ആരോഗ്യകരമായ ഭക്ഷണവും നിങ്ങൾക്ക് ആരോഗ്യകരമാണെന്ന് കരുതരുതെന്നും അദ്ദേഹം ഓർമിപ്പിച്ചു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: സ്തനാർബുദ സാധ്യത 7% വർധിപ്പിക്കുന്ന 2 ഭക്ഷണങ്ങൾ; ഒഴിവാക്കൂ