scorecardresearch
Latest News

ഡാർക്ക് ചോക്ലേറ്റ് രാത്രിയിൽ കഴിക്കാമോ? ഒരു ദിവസം എത്ര അളവ് കഴിക്കാം

ഡാർക്ക് ചോക്ലേറ്റിലെ കൊക്കോ ഫ്ലേവനോളുകളാണ് അതിന്റെ മിക്ക ഗുണങ്ങൾക്കും കാരണം

ഡാർക്ക് ചോക്ലേറ്റ് രാത്രിയിൽ കഴിക്കാമോ? ഒരു ദിവസം എത്ര അളവ് കഴിക്കാം

ഡാർക്ക് ചോക്ലേറ്റിന് സ്വാദിഷ്ടമായ രുചിയുണ്ട്. ഉയർന്ന പോഷകമൂല്യത്തിന് പുറമേ, ആന്റിഓക്‌സിഡന്റുകളുടെ മികച്ച ഉറവിടമാണിത്. ഡാർക്ക് ചോക്ലേറ്റ് ശരീരഭാരം കുറയ്ക്കാൻ സഹായിക്കുമെന്ന് ഗവേഷണങ്ങൾ ചൂണ്ടിക്കാട്ടുന്നു. ഇത് കൊഴുപ്പ് ദഹിപ്പിക്കുന്നതിനും ആഗിരണം ചെയ്യുന്നതിനും സഹായിക്കും.

ഡാർക്ക് ചോക്ലേറ്റ് ചർമ്മത്തിന്റെയും ഹൃദയത്തിന്റെയും ആരോഗ്യം പ്രോത്സാഹിപ്പിക്കും. ഡാർക്ക് ചോക്ലേറ്റിന്റെ ഗുണങ്ങളിൽ ഭൂരിഭാഗവും കൊക്കോ ഫ്ലേവനോളിൽ നിന്നാണ്. ഫ്ലേവനോൾസ് ആന്റിഓക്‌സിഡന്റുകളാണ്. ഇത് വീക്കം കുറയ്ക്കുകയും തലച്ചോറിന്റെ പ്രവർത്തനം മെച്ചപ്പെടുത്തുകയും ചെയ്യുന്നു. ഒരു സാധാരണ കൊക്കോ സോളിഡ് ബാറിൽ 50-90% കൊക്കോ വെണ്ണ, പഞ്ചസാര, കൊക്കോ സോളിഡുകൾ എന്നിവ അടങ്ങിയിരിക്കുന്നു.

ഡാർക്ക് ചോക്ലേറ്റിലെ കൊക്കോ ഫ്ലേവനോളുകളാണ് അതിന്റെ മിക്ക ഗുണങ്ങൾക്കും കാരണം. ഈ ഫ്ലേവനോളുകൾക്ക് ആന്റിഓക്‌സിഡന്റ് ഇഫക്റ്റുകൾ ഉണ്ട്. അത് ഹൃദയാരോഗ്യം പ്രോത്സാഹിപ്പിക്കുകയും കാൻസറിനെ ചെറുക്കാൻ സഹായിക്കുകയും ചെയ്യുന്നു. ഡാർക്ക് ചോക്ലേറ്റ് ശരീരഭാരം കുറയ്ക്കാനും സഹായിക്കും.

ഇരുമ്പ്, മഗ്നീഷ്യം, ചെമ്പ്, സിങ്ക്, ഫോസ്ഫറസ് എന്നിവ ഡാർക്ക് ചോക്ലേറ്റിലെ മറ്റ് പ്രധാന പോഷകങ്ങളിൽ ഉൾപ്പെടുന്നു. ഇവയെല്ലാം മൊത്തത്തിലുള്ള ആരോഗ്യത്തിന് ഗുണകരമാണ്. എങ്കിലും, അമിതമായി കഴിക്കുന്നത് ഉത്കണ്ഠ, വയറിളക്കം, ഉയർന്ന രക്തസമ്മർദം എന്നിവയിലേക്ക് നയിച്ചേക്കാം. അതിനാൽ, എല്ലാ ഗുണങ്ങളും നേടാൻ ഡാർക്ക് ചോക്ലേറ്റ് മിതമായ അളവിൽ കഴിക്കുക.

ഒരു ദിവസം എത്ര അളവ് ഡാർക്ക് ചോക്ലേറ്റ് കഴിക്കാം?

70-80% കൊക്കോ ഉള്ളടക്കമുള്ള ഒരു ബാർ ഡാർക്ക് ചോക്ലേറ്റിൽ (100 ഗ്രാം) ഏകദേശം 600 കലോറി അടങ്ങിയിട്ടുണ്ട്. ഇത് വളരെ കൂടുതലാണ്, ദിവസവും 100 ഗ്രാം ഡാർക്ക് ചോക്ലേറ്റ് കഴിക്കരുത്. പ്രതിദിനം 1 മുതൽ 2 ഔൺസ് വരെ ഡാർക്ക് ചോക്ലേറ്റ് കഴിക്കാം. ഇതിനെ ഒരു ഡാർക്ക് ചോക്ലേറ്റ് ബാറിലെ ഒന്നോ രണ്ടോ ചോക്ലേറ്റ് സ്ക്വയറുകളായി കണക്കാക്കാം.

രാത്രിയിൽ ഡാർക്ക് ചോക്ലേറ്റ് കഴിക്കാമോ?

ഡാർക്ക് ചോക്ലേറ്റ് ഏതു സമയത്തും കഴിക്കാം. രാത്രിയിലും കഴിക്കാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Stay updated with the latest news headlines and all the latest Health news download Indian Express Malayalam App.

Web Title: Can you eat dark chocolate at night