scorecardresearch

പ്രമേഹമുള്ളവർക്ക് മദ്യം കഴിക്കാമോ? എത്ര അളവ് വരെയാകാം?

പ്രമേഹമുള്ളവർ പതിവായി ചോദിക്കുന്ന ചില ചോദ്യങ്ങൾ മദ്യം കഴിക്കുന്നതുമായി ബന്ധപ്പെട്ടുള്ളതാണ്. എനിക്ക് മദ്യം കഴിക്കാമോ ഇല്ലയോ? എത്രമാത്രം കഴിക്കാം? എത്ര തവണ? ഏത് തരം മദ്യമാണ്? അങ്ങനെ പലതും

പ്രമേഹമുള്ളവർക്ക് മദ്യം കഴിക്കാമോ? എത്ര അളവ് വരെയാകാം?

ഇഷ്ട ഭക്ഷണങ്ങളും പാനീയങ്ങളുമൊക്കെ ടൈപ്പ് 2 പ്രമേഹമുള്ളവർ മാറ്റിവയ്ക്കാറുണ്ട്. തങ്ങൾക്ക് അനുയോജ്യമായ ഭക്ഷണ തിരഞ്ഞെടുപ്പുകൾ ആരോഗ്യ വിദഗ്ധരുമായി ചർച്ച ചെയ്യാൻ ഒരുപാട് സമയം കളയുന്നു. പ്രമേഹമുള്ളവർ പതിവായി ചോദിക്കുന്ന ചില ചോദ്യങ്ങൾ മദ്യം കഴിക്കുന്നതുമായി ബന്ധപ്പെട്ടുള്ളതാണ്. എനിക്ക് മദ്യം കഴിക്കാമോ ഇല്ലയോ? എത്രമാത്രം കഴിക്കാം? എത്ര തവണ? ഏത് തരം മദ്യമാണ്? അങ്ങനെ പലതും.

ടൈപ്പ് 2 പ്രമേഹം സ്ഥിരീകരിച്ച പലരും ആദ്യം ആശങ്ക പ്രകടിപ്പിക്കുന്ന ഒരു കാര്യമുണ്ട്. മദ്യം കഴിച്ചതാണോ പ്രമേഹത്തിന് കാരണമെന്ന്. കുടുംബ ചരിത്രം, പൊണ്ണത്തടി, വാർധക്യം, ഉദാസീനമായ ജീവിതശൈലി എന്നിവയാണ് ടൈപ്പ് 2 പ്രമേഹത്തിന് സാധാരണയായി കാരണമാകുന്നത്. മദ്യവും പ്രമേഹവും തമ്മിലുള്ള ബന്ധം സങ്കീർണ്ണമാണ്. മിതമായ അളവിൽ മദ്യം കഴിക്കുന്നത് (ഉദാ: സ്ത്രീകൾക്ക് 30 മില്ലി/ ദിവസവും വിസ്കി, 60 മില്ലി / പുരുഷന്മാർക്ക്) പ്രമേഹം വരാനുള്ള സാധ്യത വർധിപ്പിക്കില്ല. എന്നിരുന്നാലും, അമിതമായി മദ്യം കഴിക്കുന്നത് പ്രമേഹം വരാനുള്ള സാധ്യതയുമായി ബന്ധപ്പെട്ടിരിക്കുന്നു, കാരണം ഇത് ശരീരഭാരം വർധിപ്പിക്കും. അമിതമായി മദ്യം കഴിക്കുന്നത് പാൻക്രിയാസിന്റെ വീക്കം (പാൻക്രിയാറ്റിസ്) ഉണ്ടാക്കാം, ഇത് പ്രമേഹത്തിലേക്ക് നയിച്ചേക്കാം.

പ്രമേഹമുള്ളവർ മദ്യം ഒഴിവാക്കണോ?

പ്രമേഹമുള്ളവർ മദ്യം ഒഴിവാക്കണമെന്നാണ് പൊതുവേ നിർദേശിക്കാറുള്ളത്. ചിലരിൽ പ്രമേഹം നിയന്ത്രണാതീതമല്ലെങ്കിൽ ഇത് കൃത്യമായും പാലിക്കണം. ഒരു അവസരത്തിലോ, തുടർച്ചയായോ അമിതമായി മദ്യം കഴിക്കുന്നത് ഒരാളുടെ ആരോഗ്യത്തെ ഗുരുതരമായി ബാധിക്കുമെന്നത് സത്യമാണ്. സ്ഥിരമായി അമിതമായ അളവിൽ മദ്യം കഴിക്കുന്നത് ഉയർന്ന രക്തസമ്മർദ്ദത്തിന് കാരണമാകും. ഹൃദയം, കരൾ, പാൻക്രിയാസ് എന്നിവയ്ക്ക് കേടുപാടുകൾ വരുത്തുകയും ചില കാൻസറുകളുടെ സാധ്യത വർധിപ്പിക്കുകയും ചെയ്യും.

പ്രമേഹമുള്ളവരിൽ മദ്യപാനം സാധാരണയായി രക്തത്തിലെ പഞ്ചസാരയുടെ അളവ് വർധിപ്പിക്കില്ല. എന്നാൽ ദീർഘകാലാടിസ്ഥാനത്തിൽ അവയവങ്ങൾക്ക് കേടുപാടുകൾ വരുത്തുന്നതുമായി മദ്യം ബന്ധപ്പെട്ടിരിക്കുന്നുവെന്ന് തെളിയിക്കപ്പെട്ടിട്ടുണ്ട്. ഭക്ഷണത്തോടൊപ്പമോ അല്ലാതെയോ കഴിക്കുന്നതിനെ ആശ്രയിച്ച് രക്തത്തിലെ ഗ്ലൂക്കോസിന്റെ അളവിൽ മദ്യത്തിന്റെ സ്വാധീനം വ്യത്യാസപ്പെടുന്നു.

പ്രമേഹത്തിനുള്ള മരുന്നുകൾക്കൊപ്പം മദ്യം കഴിക്കുകയാണെങ്കിൽ – പ്രത്യേകിച്ച് ഇൻസുലിൻ, സൾഫോണിലൂറിയസ് – ഇത് രക്തത്തിലെ ഗ്ലൂക്കോസിന്റെ അളവ് കുറയാൻ ഇടയാക്കും (<70mg/dl). മദ്യം കഴിച്ചതിന് ശേഷം ഈ അപകടസാധ്യത 24 മണിക്കൂർ വരെ നീണ്ടുനിൽക്കും. അത്താഴത്തോടൊപ്പം മദ്യം കഴിച്ചിട്ടുണ്ടെങ്കിൽ, ഉറങ്ങുന്നതിനുമുമ്പ് രക്തത്തിലെ പഞ്ചസാര പരിശോധിക്കുന്നത് നല്ലതാണ്. രക്തത്തിലെ പഞ്ചസാരയുടെ അളവ് 100 mg/dl-ൽ കുറവാണെങ്കിൽ, ഒരു ചെറിയ ലഘുഭക്ഷണം കഴിക്കുന്നത് നല്ലതാണ് – ഒരു പഴം, പാൽ അല്ലെങ്കിൽ പകുതി സാൻഡ്‌വിച്ച് എന്നിവ നല്ല തിരഞ്ഞെടുപ്പുകളാണ്.

എത്ര അളവ് കഴിക്കാം?

വ്യത്യസ്ത തരം ആൽക്കഹോളുകളിൽ കലോറികൾ വ്യത്യാസപ്പെട്ടിരിക്കും. എപ്പോഴും മദ്യത്തിന്റെ അളവാണ് പ്രധാനം. ഒരു ആൽക്കഹോൾ യൂണിറ്റിന്റെ അളവ് 10 ഗ്രാം ആണ്. ഇത് ഏകദേശം 275 മില്ലി ബിയർ, 100 മില്ലി വൈൻ, 30 മില്ലി സ്പിരിറ്റ് (മദ്യം) എന്നിവയ്ക്ക് തുല്യമാണ്. മദ്യത്തിൽ എത്ര യൂണിറ്റുകൾ ഉണ്ടെന്ന് കണ്ടെത്താൻ, ലേബലിൽ ആൽക്കഹോൾ ബൈ വോളിയം (ABV) പരിശോധിക്കുക. പാനീയത്തിൽ എത്ര മില്ലി യഥാർത്ഥ മദ്യം ഉണ്ടെന്നതിന്റെ അളവാണ് എബിവി. എബിവി 12 ശതമാനമാണെങ്കിൽ, ആ പാനീയത്തിന്റെ അളവിന്റെ 12 ശതമാനം ശുദ്ധമായ മദ്യമാണ്. ഒരു പാനീയത്തിന്റെ മൊത്തം വോളിയം (ml-ൽ) അതിന്റെ എബിവി (ഒരു ശതമാനമായി അളക്കുന്നത്) കൊണ്ട് ഗുണിച്ച് ഫലം 1,000 കൊണ്ട് ഹരിച്ചാൽ ഏത് പാനീയത്തിലും എത്ര യൂണിറ്റുകൾ ഉണ്ടെന്ന് നിങ്ങൾക്ക് കണ്ടെത്താനാകും. ഉദാഹരണത്തിന്, 500 മില്ലിയുടെ 5 ശതമാനം ബിയർ ഉണ്ടെങ്കിൽ, നിങ്ങൾ 2.5 യൂണിറ്റ് മദ്യം കഴിക്കുന്നു. 30 മില്ലി 40 ശതമാനം വിസ്‌കിയിൽ 1.2 യൂണിറ്റ് മദ്യം അടങ്ങിയിരിക്കും.

ലഹരിപാനീയങ്ങൾ (ഉദാഹരണത്തിന്, വോഡ്ക) ജ്യൂസ് അല്ലെങ്കിൽ പഞ്ചസാര കോക്ടെയ്ൽ മിക്സുകൾ ഉപയോഗിച്ച് കഴിക്കുകയാണെങ്കിൽ, അവ അധിക കലോറി നൽകും. അതിനാൽ, ഈ അമിതമായ കലോറികൾ ഒഴിവാക്കാൻ, ഫ്രൂട്ട് ജ്യൂസ്, സാധാരണ സോഡ, പാൽ, അല്ലെങ്കിൽ ഐസ്ക്രീം എന്നിവയില്ലാതെ ഉണ്ടാക്കുന്ന കോക്ക്ടെയിലുകളോ മിശ്രിത പാനീയങ്ങളോ കഴിക്കാം. ഉദാഹരണത്തിന്, വെള്ളം അല്ലെങ്കിൽ റം, ഡയറ്റ് കോള എന്നിവയാകാം.

ഏത് ഡ്രിങ്കാണ് മികച്ചത്?

ഏത് ഡ്രിങ്കാണ് തിരഞ്ഞെടുക്കുന്നതെന്നത് നിങ്ങളുടെ വ്യക്തിപരമായ തിരഞ്ഞെടുപ്പിനെ ആശ്രയിച്ചിരിക്കുന്നു. എങ്കിലും മധുരമുള്ള വൈനുകൾ ഒഴിവാക്കി ഡ്രൈ ആയവ തിരഞ്ഞെടുക്കുന്നതാണ് ബുദ്ധി. ലൈറ്റ് അല്ലെങ്കിൽ കുറഞ്ഞ കാർബ് ബിയറുകളാണ് അഭികാമ്യം. വിസ്കിയെക്കാളും റമ്മിനെക്കാളും സുരക്ഷിതമാണ് വോഡ്കയോ ജിന്നോ എന്ന ധാരണ തെറ്റാണ്.

സ്നാക്സുകൾ ഒഴിവാക്കുക

മദ്യത്തിനൊപ്പം ഫ്രൈഡ് സ്നാക്സ് കഴിക്കുന്ന ശീലം പലർക്കുമുണ്ട്. ഇത് അമിതമായ കലോറിയും അനാരോഗ്യകരമായ കൊഴുപ്പിനും കാരണമാകും. ഫ്രൈഡ് സ്നാക്സിനു പകരം സലാഡുകളോ, മഖാന, ചന അല്ലെങ്കിൽ മുട്ടയുടെ വെള്ള പോലുള്ള റോസ്റ്റഡ് സ്നാക്സുകളോ കഴിക്കുക. മദ്യം കഴിക്കുന്ന വേഗതയും പ്രധാനമാണ്. ഒരു മണിക്കൂറിൽ ഒരു ഡ്രിങ്കായി സ്വയം പരിമിതപ്പെടുത്തുന്നതാണ് നല്ലത്. അമിതമായ മദ്യപാനം ദോഷകരമാണ് – ഒരു ദിവസം ഒരു ഡ്രിങ്ക് എന്നത് ശനിയാഴ്ച ഏഴ് ഡ്രിങ്കിന് തുല്യമല്ല.

പ്രമേഹമുള്ളവർക്കുള്ള മാർഗനിർദ്ദേശങ്ങൾ

  • പുരുഷന്മാർ ഒരു ദിവസത്തിൽ രണ്ട് യൂണിറ്റിൽ കൂടുതൽ മദ്യം അല്ലെങ്കിൽ സ്ത്രീകൾ ഒരു യൂണിറ്റിൽ കൂടുതൽ മദ്യം കഴിക്കരുത്.
  • ഉയർന്ന രക്തസമ്മർദ്ദം, ഹൃദയം, കരൾ, വൃക്ക, കണ്ണ്, ഞരമ്പ് അല്ലെങ്കിൽ പാൻക്രിയാറ്റിക് രോഗം തുടങ്ങിയ അനുബന്ധ രോഗങ്ങളുണ്ടെങ്കിൽ മദ്യം കർശനമായി ഒഴിവാക്കുക.
  • നിർജലീകരണം, ഹാംഗ് ഓവർ എന്നിവ തടയാൻ മദ്യത്തോടൊപ്പം ധാരാളം വെള്ളം കുടിക്കുക.
  • ആൽക്കഹോളിനൊപ്പം കലോറി കുറഞ്ഞ ലഘുഭക്ഷണങ്ങൾ തിരഞ്ഞെടുക്കുക.
  • വെറും വയറ്റിൽ മദ്യം കുടിക്കുന്നത് ഒഴിവാക്കുക.
  • പതുക്കെ കുടിക്കുക – ഒരു മണിക്കൂറിൽ ഒരു ഡ്രിങ്ക്
  • “പഞ്ചസാര” കലർന്ന പാനീയങ്ങൾ, മധുരമുള്ള വൈൻ അല്ലെങ്കിൽ കോർഡിയലുകൾ എന്നിവ ഒഴിവാക്കുക.
  • വെള്ളം, ക്ലബ് സോഡ, അല്ലെങ്കിൽ ഡയറ്റ് ശീതളപാനീയങ്ങൾ എന്നിവയിൽ മദ്യം കലർത്തുക.
  • മദ്യം കഴിച്ച് ഏതാനും മണിക്കൂറുകൾക്ക് ശേഷം രക്തത്തിലെ ഗ്ലൂക്കോസ് നിരീക്ഷിക്കുക.

Stay updated with the latest news headlines and all the latest Health news download Indian Express Malayalam App.

Web Title: Can i drink alcohol if i have diabetes

Best of Express