പ്രമേഹരോഗികൾക്ക് ചീസ് കഴിക്കാമോ?

ഹൃദയ സംബന്ധമായ പ്രശ്നങ്ങൾ മുതൽ ശരീരഭാരം കൂടുന്നത് വരെ എല്ലാത്തിനും കാരണമായി ചീസിനെ കുറ്റപ്പെടുത്തുന്നു. പ്രമേഹമുള്ളവരോട് ഇത് ഒഴിവാക്കുന്നതാണ് നല്ലതെന്ന് പറയാറുണ്ട്. എന്നാൽ, പുതിയ ഗവേഷണങ്ങൾ പറയുന്നത് മറിച്ചാണ്. ഒരു കഷ്ണം ചീസ് നിങ്ങളുടെ രക്തത്തിലെ പഞ്ചസാര വർധിപ്പിക്കുന്നില്ലെന്ന് കണ്ടെത്തി. ചീസിൽ സ്വാഭാവികമായും കാർബോഹൈഡ്രേറ്റ് കുറവും പ്രോട്ടീൻ സമ്പുഷ്ടവുമാണ്. രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്തുന്നതിനുള്ള ശക്തമായ സംയോജനമാണിത്.

പ്രമേഹമുള്ളവർക്ക് പാർട്ട്-സ്കിം മൊസറെല്ല ചീസ് നല്ലൊരു ഓപ്ഷനാണ്, ഇതിൽ കാർബോഹൈഡ്രേറ്റ് കുറവാണ്, പ്രോട്ടീൻ കൂടുതലാണ്, ഫുൾ-ഫാറ്റ് ചീസുകളെ അപേക്ഷിച്ച് പൂരിത കൊഴുപ്പ് കുറവാണ്. പ്രോട്ടീനും കൊഴുപ്പും ദഹനത്തെ മന്ദഗതിയിലാക്കുന്നു, അതായത് ചീസ് കാർബോഹൈഡ്രേറ്റുകളുമായി ചേരുമ്പോൾ, ഗ്ലൂക്കോസ് പതിയെ രക്തപ്രവാഹത്തിൽ പ്രവേശിക്കുന്നു. ഇത് രക്തത്തിലെ പഞ്ചസാരയുടെ കുതിച്ചുചാട്ടത്തിന് കാരണമാകുന്നില്ല.

Also Read: ബിരിയാണി കഴിച്ചാലും ശരീരഭാരം കുറയ്ക്കാൻ കഴിയുമോ?

മിതമായ അളവിൽ ചീസ് കഴിക്കുന്നത് ടൈപ്പ് 2 പ്രമേഹത്തിനുള്ള സാധ്യത കുറയ്ക്കുന്നുവെന്നാണ് ആർക്കൈവ്സ് ഓഫ് മെഡിക്കൽ സയൻസിൽ നടത്തിയ ഒരു പഠനം കണ്ടെത്തിയത്. ഉയർന്ന അളവിൽ ചീസ് കഴിക്കുന്നത് ഈ അവസ്ഥ വരാനുള്ള സാധ്യത കുറയ്ക്കുന്നു, ഇത് ഉചിതമായ ചീസ് ഉപഭോഗം ഉപാപചയ ആരോഗ്യത്തെ പിന്തുണയ്ക്കുമെന്ന് സൂചിപ്പിക്കുന്നു. ശരിയായ ചീസ് ആസക്തിയെ തൃപ്തിപ്പെടുത്തുക മാത്രമല്ല, പഞ്ചസാരയോട് നിങ്ങളുടെ ശരീരം നന്നായി പ്രതികരിക്കാനും സഹായിക്കുന്നു.

Also Read: ഭക്ഷണം കഴിഞ്ഞാൽ ഇത് ചെയ്യൂ: ഹൃദയാഘാത സാധ്യത 40% കുറയ്ക്കുന്നതിനുള്ള ഒരു ടിപ്‌സ്

പ്രമേഹ രോഗികൾ ചീസ് എങ്ങനെ ഗുണം ചെയ്യുമെന്ന് അറിയാം

1. രക്തത്തിലെ പഞ്ചസാരയുടെ നിയന്ത്രണം മെച്ചപ്പെടുത്തുക 

ചീസ് മറ്റ് ഭക്ഷണങ്ങളുമായി ജോടിയാക്കുന്നത് ദഹനത്തെ മന്ദഗതിയിലാക്കുന്നു. കോട്ടേജ് ചീസിൽ നിന്നുള്ള 25 ഗ്രാം പ്രോട്ടീൻ 50 ഗ്രാം ഗ്ലൂക്കോസുമായി സംയോജിപ്പിക്കുന്നത് ഗ്ലൈസെമിക് പ്രതികരണം 10% ൽ കൂടുതൽ കുറച്ചതായി ഗവേഷണങ്ങൾ കാണിക്കുന്നു. 

2. ഹൃദയാരോഗ്യം

 പ്രമേഹരോഗികൾക്ക് ഹൃദയസംബന്ധമായ പ്രശ്നങ്ങൾ ഉണ്ടാകാനുള്ള സാധ്യത കൂടുതലാണ്. ചില ചീസുകൾ, പ്രത്യേകിച്ച് കൊഴുപ്പ് കുറഞ്ഞതോ സോഡിയം കുറഞ്ഞതോ ആയ ഇനങ്ങൾ, അധിക പഞ്ചസാര കൂടാതെ കാൽസ്യവും മഗ്നീഷ്യവും നൽകുന്നു. സ്വിസ് ചീസ് ഏറ്റവും മികച്ച ഉദാഹരണങ്ങളിൽ ഒന്നാണ്, ഒരു ഔൺസിന് വെറും 53 മില്ലിഗ്രാം സോഡിയം മാത്രമേയുള്ളൂ.  ഇത് രക്തസമ്മർദം നിയന്ത്രിക്കാൻ സഹായിക്കുന്നു.

Also Read: രാത്രിയിൽ 4 മണിക്കൂർ പോലും ഉറങ്ങാറില്ല, ഇന്നലെ ഉറങ്ങിയത് 2 മണിക്കൂർ: വെളിപ്പെടുത്തി അജിത്

3. സംതൃപ്തിയും ശരീര ഭാര നിയന്ത്രണവും 

ചീസ് വേഗത്തിൽ വയർ നിറയ്ക്കുകയും കൂടുതൽ നേരം വിശപ്പ് അകറ്റുകയും ചെയ്യുന്നു. ചീസിലെ പ്രോട്ടീനും കൊഴുപ്പും സംതൃപ്‌തി വർധിപ്പിക്കുകയും വിശപ്പ് നിയന്ത്രിക്കാനും അമിതമായി ഭക്ഷണം കഴിക്കുന്നത് തടയാനും സഹായിക്കുന്നു. ഒരു ചെറിയ ഭാഗം പോലും ആസക്തിയെ നിയന്ത്രിക്കും.

ചീസിന് അതിന്റേതായ ഗുണങ്ങളുണ്ട്, പക്ഷേ അമിതമായി കഴിക്കുന്നത് ശരീരഭാരം വർധിപ്പിക്കുന്നതിന് കാരണമാകും. ഇത് രക്തത്തിലെ പഞ്ചസാര നിയന്ത്രണത്തെ ബാധിക്കും. അതിനാൽ, എപ്പോഴും മിതമായ അളവിൽ മാത്രം കഴിക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 3 മാസം കൊണ്ട് കുറച്ചത് 12 കിലോ; ഒരു ദിവസത്തെ ഭക്ഷണം വെളിപ്പെടുത്തി യുവതി