അസ്ഥികളെ കരുത്താക്കും, അസ്ഥിക്ഷയം തടയും; ഈ നട്സ് 10 എണ്ണം കഴിക്കൂ

പ്രകൃതിയിലെ ഏറ്റവും പോഷകസമൃദ്ധമായ സൂപ്പർഫുഡുകളിൽ ഒന്നാണ് കറുത്ത ഉണക്കമുന്തിരി. അസ്ഥികളുടെയും സന്ധികളുടെയും ആരോഗ്യത്തിന് അവ ശ്രദ്ധേയമായ ഗുണങ്ങൾ നൽകുന്നു. കാൽസ്യം, ബോറോൺ, പൊട്ടാസ്യം, മഗ്നീഷ്യം, ആന്റിഓക്‌സിഡന്റുകൾ തുടങ്ങിയ അവശ്യ പോഷകങ്ങളാൽ സമ്പന്നമായ കറുത്ത ഉണക്കമുന്തിരി അസ്ഥികളെ ശക്തിപ്പെടുത്താനും ധാതുക്കളുടെ ആഗിരണം വർധിപ്പിക്കാനും സന്ധികളെ ദുർബലപ്പെടുത്തുന്ന വീക്കം കുറയ്ക്കാനും സഹായിക്കുന്നു. 

ആർത്തവവിരാമം കഴിഞ്ഞ സ്ത്രീകൾക്കും പ്രായമായവർക്കും കറുത്ത ഉണക്ക മുന്തിരി ഗുണം ചെയ്യും. പതിവായി കഴിക്കുന്നത് ഓസ്റ്റിയോപൊറോസിസ് സാധ്യത കുറയ്ക്കുകയും അസ്ഥികളുടെ ശക്തി നിലനിർത്തുകയും ചെയ്യും. നിങ്ങളുടെ അസ്ഥികൾക്ക് സ്വാഭാവിക ബലം നൽകുന്നതിനുള്ള ഒരു രുചികരമായ മാർഗമാണിത്. 

Also Read: മരുന്നിനെ തോൽപ്പിക്കും, രോഗങ്ങളെ അകറ്റും; അടുക്കളയിലെ 4 ഹീറോകൾ

ആരോഗ്യമുള്ള അസ്ഥികൾ അവയവങ്ങളെ സംരക്ഷിക്കുകയും, പേശികളെ ഉറപ്പിക്കുകയും, കാൽസ്യം, ഫോസ്ഫറസ് തുടങ്ങിയ അവശ്യ ധാതുക്കൾ സംഭരിക്കുകയും ചെയ്യുന്നു. എന്നിരുന്നാലും, വാർധക്യം, ഹോർമോൺ മാറ്റങ്ങൾ, മോശം ഭക്ഷണക്രമം, ശാരീരിക പ്രവർത്തനങ്ങളുടെ അഭാവം തുടങ്ങിയ ഘടകങ്ങൾ കാലക്രമേണ അസ്ഥികളെ ദുർബലപ്പെടുത്തും.

പ്രായം കൂടുന്തോറും, പ്രത്യേകിച്ച് 30 വയസിനു ശേഷം, അസ്ഥികളുടെ ബലം സ്വാഭാവികമായും കുറയാൻ തുടങ്ങുന്നു. അതിനാൽതന്നെ അസ്ഥികൾക്ക് ബലം നൽകുന്നതും ധാതുക്കളുടെ നഷ്ടം തടയുന്നതുമായ ഭക്ഷണങ്ങൾ കഴിക്കാൻ ശ്രദ്ധിക്കണം. ഈ പോഷക വിടവ് സ്വാഭാവികമായി നികത്താൻ സഹായിക്കുന്ന ഒരു ഭക്ഷണമാണ് കറുത്ത ഉണക്കമുന്തിരി.

Also Read: രാത്രി വളരെ വൈകി ഭക്ഷണം കഴിച്ചാൽ എന്ത് സംഭവിക്കും?

ഒരുപിടി കറുത്ത ഉണക്ക മുന്തിരിയിൽ (ഏകദേശം 30 ഗ്രാം) അസ്ഥികളുടെ രൂപീകരണത്തിനും ശക്തിക്കും അത്യാവശ്യമായ കാൽസ്യം, കാൽസ്യം ആഗിരണം പിന്തുണയ്ക്കുകയും അസ്ഥി ക്ഷതം തടയുകയും ചെയ്യുന്ന ബോറോൺ, ശരീരത്തിലെ അസ്ഥികളെ നശിപ്പിക്കുന്ന ആസിഡുകളെ സന്തുലിതമാക്കുന്ന പൊട്ടാസ്യം, അസ്ഥി ധാതുവൽക്കരണത്തിന് കാൽസ്യവുമായി പ്രവർത്തിക്കുന്ന മഗ്നീഷ്യം, കൊളാജൻ സിന്തസിസിനും മൊത്തത്തിലുള്ള അസ്ഥിക്കും സഹായിക്കുന്ന ഇരുമ്പും ചെമ്പും, അസ്ഥി ബലഹീനതയുമായി ബന്ധപ്പെട്ട ഓക്‌സിഡേറ്റീവ് സമ്മർദ്ദം കുറയ്ക്കുന്ന ആന്റിഓക്‌സിഡന്റുകൾ (പോളിഫെനോളുകളും ഫ്ലേവനോയ്ഡുകളും) എന്നിവ നൽകുന്നു.

Also Read: ഈ നട്സ് ദിവസം ഒരു പിടി കഴിച്ചാൽ മതി; ഒറ്റയടിക്ക് വൈറ്റമിൻ ബി കോംപ്ലക്‌സ് നേടാം

എങ്ങനെ കഴിക്കണം

ഒരു പിടി (8-10) കറുത്ത ഉണക്കമുന്തിരി രാത്രി മുഴുവൻ കുതിർത്ത് പിറ്റേന്ന് രാവിലെ വെറും വയറ്റിൽ കഴിക്കുക. കുതിർക്കുന്നത് പോഷകങ്ങളുടെ ആഗിരണം വർധിപ്പിക്കുകയും മൃദുവാക്കുകയും ചെയ്യുന്നു. ഇത് ദഹിപ്പിക്കൽ പ്രക്രിയ എളുപ്പമാക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: മുട്ടയുടെ വെള്ളയോ മഞ്ഞയോ: ഏതിലാണ് കൂടുതൽ പ്രോട്ടീനും പോഷകങ്ങളും ഉള്ളത്?