scorecardresearch
Latest News

പ്രമേഹം ഫലപ്രദമായി നിയന്ത്രിക്കാം, ആയുർവേദം നിർദേശിക്കുന്ന 5 വഴികൾ

ജീവിതശൈലിയിലെ ചില ചെറിയ മാറ്റങ്ങളിലൂടെ പ്രമേഹം വരുന്നത് തടയാനാകും

പ്രമേഹം ഫലപ്രദമായി നിയന്ത്രിക്കാം, ആയുർവേദം നിർദേശിക്കുന്ന 5 വഴികൾ

അനാരോഗ്യകരമായ ഭക്ഷണവും മറ്റു ചില ജീവിത ശീലങ്ങളുമാണ് പ്രമേഹത്തിന് കാരണമാകുന്ന പ്രധാന ഘടകങ്ങൾ. പ്രമേഹം ശരിയായ രീതിയിൽ കൈകാര്യം ചെയ്തില്ലെങ്കിൽ ഗുരുതരമായ ആരോഗ്യപ്രശ്നങ്ങൾക്ക് കാരണമാകും. പ്രമേഹം പൂർണമായി ചികിത്സിച്ചു മാറ്റാൻ കഴിയില്ലെങ്കിലും, അവ ഫലപ്രദമായി നിയന്ത്രിക്കാൻ നിരവധി മാർഗങ്ങളുണ്ട്. പ്രമേഹത്തെ ബാധിക്കുന്ന മറ്റ് ആരോഗ്യപ്രശ്നങ്ങളുടെ സങ്കീർണതകൾ കുറയ്ക്കാനും ഇവയിലൂടെ സഹായിക്കും.

ജീവിതശൈലിയിലെ ചില ചെറിയ മാറ്റങ്ങളിലൂടെ പ്രമേഹം വരുന്നത് തടയാനാകും. ആയുർവേദമനുസരിച്ച്, ദിനചര്യ എന്നത് പഞ്ചസാരയുടെ അളവ് നിയന്ത്രിക്കാൻ സഹായിക്കുന്ന ചില സ്വയം നിയന്ത്രണങ്ങളാണ്. ആയുർവേദം അനുസരിച്ച്, പകൽസമയത്തെ ഉറക്കം, വ്യായാമക്കുറവ്, അലസത, ഉദാസീനത, ഉദാസീനമായ ശീലങ്ങൾ, കൊഴുപ്പ് അടങ്ങിയ ഭക്ഷണം കഴിക്കൽ എന്നിവയാണ് പ്രമേഹത്തിനുള്ള പ്രധാന കാരണങ്ങൾ.

പ്രമേഹം ഫലപ്രദമായി നിയന്ത്രിക്കാൻ ആയുർവേദം ചില വഴികൾ നിർദേശിക്കുന്നുണ്ട്.

  1. ആയുർവേദ പാനീയം: പ്രമേഹത്തെ നിയന്ത്രിക്കാൻ സഹായിക്കുന്നതെല്ലാം നിങ്ങളുടെ ഭക്ഷണത്തിൽ ഉൾപ്പെടുത്തുന്നത് എളുപ്പമല്ല. അതിനാൽ, രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് പാവയ്ക്ക, നെല്ലിക്ക, ഞാവൽ പഴം എന്നിവ കഴിക്കാൻ ശുപാർശ ചെയ്യുന്നു. ഈ ചേരുവകളെല്ലാം അടങ്ങിയ ഒരു ആയുർവേദ ജ്യൂസ് കുടിക്കുന്നത് പ്രമേഹത്തെയും പ്രീ-ഡയബറ്റിസിനെയും ഫലപ്രദമായി നിയന്ത്രിക്കാൻ സഹായിക്കും.
  2. ധാന്യങ്ങൾ: പ്രമേഹത്തിനുള്ള ഏറ്റവും നല്ല ഭക്ഷണമായി ബാർലി കണക്കാക്കപ്പെടുന്നു. പ്രമേഹത്തിനുള്ള സൂപ്പർഫുഡ് എന്ന് ഇതിനെ വിളിക്കാം.
  3. വ്യായാമവും യോഗയും: പ്രമേഹമുള്ളവർക്ക് വ്യായാമം അത്യാവശ്യമാണ്. ഓരോരുത്തരുടെയും ജീവിതരീതിക്ക് അനുസരിച്ചുള്ള വ്യായാമങ്ങൾ ചെയ്യാം. കൂടാതെ, യോഗ പരിശീലിക്കുന്നത് ശരീരത്തിന്റെ ഉപാപചയപ്രവർത്തനം മെച്ചപ്പെടുത്തുന്നു. പ്രമേഹമുള്ള ഒരാൾക്ക് ഇത് ഗുണം ചെയ്യും.
  4. പച്ചക്കറികൾ: പച്ചക്കറികൾ രക്തത്തിലെ പഞ്ചസാര നിയന്ത്രിക്കുന്നതിനും മൊത്തത്തിലുള്ള ആരോഗ്യത്തിനും ഗുണം ചെയ്യും. ഇവയിൽ പ്രമേഹത്തിനും ഹൃദയാരോഗ്യത്തിനും സഹായകരമായ എല്ലാ പോഷക ഗുണങ്ങളുമുണ്ട്.
  5. പയർവർഗ്ഗങ്ങൾ: പയറുവർഗങ്ങൾ രക്തത്തിലെ പഞ്ചസാരയുടെ അളവ് നിയന്ത്രിക്കുമെന്ന് പ്രമേഹ വിദഗ്ധർ പറയുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Stay updated with the latest news headlines and all the latest Health news download Indian Express Malayalam App.

Web Title: Ayurveda recommend 5 ways to manage diabetes

Best of Express