ഭക്ഷണത്തിൽ ആപ്പിൾ ഉൾപ്പെടുത്തേണ്ടത് എങ്ങനെ?പോഷകഗുണങ്ങൾ അറിയാം

ദിവസവും ഒരു ആപ്പിൾ കഴിക്കുന്നത് ഡോക്ടറെ അകറ്റുന്നു എന്ന പഴഞ്ചൊല്ല് കേട്ടാണ് നമ്മൾ എല്ലാവരും വളർന്നത്. അത് ശരിയുമാണ്. ചുവന്നു തുടുത്ത ആപ്പിളിൽ വിവിധ ആരോഗ്യ ഗുണങ്ങളുണ്ട്. ഇത് ശരീരഭാരം കുറയ്ക്കാൻ സഹായിക്കുന്നു, രോഗപ്രതിരോധ സംവിധാനത്തിനും ഹൃദയാരോഗ്യത്തിനും തലച്ചോറിന്റെ ആരോഗ്യത്തിനും ശ്വാസകോശത്തിനും പോലും നല്ലതാണ്.

ആപ്പിളിൽ കലോറിയും കൊഴുപ്പും കുറവാണ്. നാരുകളാൽ സമ്പുഷ്ടമാണ് കൂടാതെ ആന്റിഓക്‌സിഡന്റുകളും അടങ്ങിയിട്ടുണ്ട്. പ്രമേഹത്തിനുള്ള സുരക്ഷിതമായ ഭക്ഷണമായും അവ കണക്കാക്കപ്പെടുന്നു. വാസ്തവത്തിൽ, ആപ്പിളിലെ പോളിഫെനോളുകൾ കുറഞ്ഞ രക്തസമ്മർദ്ദം, സ്ട്രോക്ക് സാധ്യത എന്നിവയുമായി ബന്ധപ്പെട്ടിരിക്കുന്നു, കൂടാതെ ശരീരഭാരം കുറയ്ക്കാനും സഹായിക്കുകയും ജലാംശം നൽകുകയും ചെയ്യുന്നു.

ആപ്പിളിന്റെ പോഷകഗുണങ്ങളെക്കുറിച്ച്, ഹൈദരാബാദ് ബഞ്ചാര കെയർ ഹോസ്പിറ്റൽസ് ഹിൽസ് കൺസൾട്ടന്റ് - ക്ലിനിക്കൽ ഡയറ്റീഷ്യൻ ഡോ. ജി സുഷമ പറയുന്നു. ഒരു ഇടത്തരം ആപ്പിളിൽ (ഏകദേശം 182 ഗ്രാം) അടങ്ങിയിരിക്കുന്ന പോഷകങ്ങൾ ഇപ്രകാരമാണ്:

• കലോറി: 95
• കാർബോഹൈഡ്രേറ്റ്സ്: 25 ഗ്രാം
• ഫൈബർ: 4 ഗ്രാം
• പഞ്ചസാര - 19 ഗ്രാം
• കൊഴുപ്പ്: 0 ഗ്രാം
• പ്രോട്ടീൻ: 0 ഗ്രാം
• വിറ്റാമിൻ സി: പ്രതിദിന മൂല്യത്തിന്റെ 14% (ഡിവി)
• പൊട്ടാസ്യം: ഡിവിയുടെ 6%

ആപ്പിളിന്റെ ആരോഗ്യ ഗുണങ്ങൾ

ആപ്പിൾ നിരവധി ആരോഗ്യ ഗുണങ്ങൾ വാഗ്ദാനം ചെയ്യുന്നു. ഡോ. സുഷമ അവയിൽ ചിലത് പങ്കുവെയ്ക്കുന്നു

1. പോഷക സമ്പുഷ്ടം: ആപ്പിളിൽ വിവിധ വിറ്റാമിനുകളും ധാതുക്കളും ആന്റിഓക്‌സിഡന്റുകളും അടങ്ങിയിട്ടുണ്ട്. വിറ്റാമിൻ സി, ഡയറ്ററി ഫൈബർ എന്നിവയുൾപ്പെടെ മൊത്തത്തിലുള്ള ആരോഗ്യത്തിന് അത്യന്താപേക്ഷിതമാണ്.
2. ഹൃദയാരോഗ്യം: ആപ്പിളിൽ അടങ്ങിയിരിക്കുന്ന നാരുകൾ, ആന്റിഓക്‌സിഡന്റുകൾ, ഫ്ലേവനോയ്ഡുകൾ എന്നിവ കൊളസ്‌ട്രോളിന്റെ അളവ് കുറയ്ക്കാനും രക്തസമ്മർദ്ദം നിയന്ത്രിക്കാനും സഹായിക്കുന്നതിലൂടെ ഹൃദ്രോഗ സാധ്യത കുറയ്ക്കുന്നു.
3. ദഹന ആരോഗ്യം: ആപ്പിളിലെ നാരുകൾ ആരോഗ്യകരമായ ദഹനത്തെ പ്രോത്സാഹിപ്പിക്കുകയും മലബന്ധം തടയാൻ സഹായിക്കുകയും ചെയ്യും.
4. ആന്റിഓക്‌സിഡന്റ് ഗുണങ്ങൾ: ആപ്പിളിൽ ഫ്ലേവനോയ്‌ഡുകൾ, പോളിഫെനോൾ തുടങ്ങിയ ആന്റിഓക്‌സിഡന്റുകൾ അടങ്ങിയിട്ടുണ്ട്, ഇത് ശരീരത്തിലെ ഓക്‌സിഡേറ്റീവ് സ്‌ട്രെസും വീക്കവും കുറയ്ക്കാൻ സഹായിക്കും.
5. ജലാംശം: ആപ്പിളിൽ ഉയർന്ന ജലാംശം ഉണ്ട്, ഇത് ശരീരത്തിന്റെ മൊത്തത്തിലുള്ള ജലാംശത്തിന് കാരണമാകും.

ശരീരഭാരം കുറയ്ക്കാൻ ആപ്പിൾ

ആപ്പിളിൽ കലോറിയും കൊഴുപ്പും താരതമ്യേന കുറവാണ്. അതേസമയം ഡയറ്ററി ഫൈബറിന്റെയും വിറ്റാമിൻ സിയുടെയും നല്ല സ്രോതസ്സാണ്. “ആപ്പിളിലെ ഫൈബർ ഉള്ളടക്കം പൂർണ്ണതയെ പ്രോത്സാഹിപ്പിക്കാനും മൊത്തത്തിലുള്ള കലോറി ഉപഭോഗം കുറയ്ക്കാനും സഹായിക്കും. ഇത് സമീകൃതാഹാരത്തിന്റെ ഭാഗമായി കഴിക്കുന്നത് ശരീരഭാരം കുറയ്ക്കാൻ സഹായിക്കുന്നു,”ഡോ. സുഷമ വിശദീകരിച്ചു.

പ്രമേഹരോഗികൾക്ക് ആപ്പിൾ സുരക്ഷിതമാണോ?

പ്രമേഹത്തിന്റെ കാര്യത്തിൽ, ആപ്പിൾ മിക്ക വ്യക്തികൾക്കും അനുയോജ്യമായ ഒരു പഴമാണ്. “ആപ്പിളിൽ സ്വാഭാവിക പഞ്ചസാര അടങ്ങിയിട്ടുണ്ടെങ്കിലും, ഉയർന്ന ഫൈബർ ഉള്ളടക്കം രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും. നാരുകൾ പഞ്ചസാരയുടെ ദഹനത്തെയും ആഗിരണത്തെയും മന്ദഗതിയിലാക്കുന്നു, ഇത് രക്തത്തിലെ പഞ്ചസാരയുടെ ദ്രുതഗതിയിലുള്ള കുതിച്ചുചാട്ടം തടയുന്നു,” ഡോ. സുഷമ പറഞ്ഞു.

എന്നിരുന്നാലും, പ്രമേഹമുള്ള ആളുകൾ കാർബോഹൈഡ്രേറ്റ് നിരീക്ഷിക്കുകയും അവരുടെ ഭക്ഷണത്തിന്റെ മൊത്തത്തിലുള്ള സന്തുലിതാവസ്ഥ പരിഗണിക്കുകയും ചെയ്യേണ്ടത് പ്രധാനമാണെന്നും വിദഗ്ധ കൂട്ടിച്ചേർത്തു. “വ്യക്തിഗത ഉപദേശത്തിനായി ആരോഗ്യ വിദഗ്ധനോട് കൂടിയാലോചിക്കാൻ ശുപാർശ ചെയ്യുന്നു,”ഡോ. സുഷമ പറഞ്ഞു.

മനസ്സിൽ സൂക്ഷിക്കേണ്ട കാര്യങ്ങൾ

1. വൈവിധ്യം: നിരവധി ആപ്പിൾ ഇനങ്ങൾ വിപണിയിൽ ലഭ്യമാണ്. ഓരോന്നിനും അതിന്റേതായ രുചിയും ഘടനയും പോഷക പ്രൊഫൈലും ഉണ്ട്. വ്യത്യസ്‌ത തരത്തിലുള്ള ആപ്പിളുകൾ ഭക്ഷണക്രമത്തിൽ വൈവിധ്യം കൂട്ടുകയും പോഷകങ്ങളുടെ ശ്രേണി നൽകുകയും ചെയ്യും.
2. ഓർഗാനിക് വേഴ്സസ് കൺവെൻഷണൽ: ആപ്പിളിൽ ഉയർന്ന കീടനാശിനി അവശിഷ്ടം ഉണ്ട്. സാധ്യമെങ്കിൽ, ഓർഗാനിക് ആപ്പിൾ തിരഞ്ഞെടുക്കുന്നത് പരിഗണിക്കുക. എന്നിരുന്നാലും, ഓർഗാനിക് ഓപ്ഷനുകൾ ആക്സസ് ചെയ്യാവുന്നതോ താങ്ങാവുന്നതോ ആയതല്ലെങ്കിൽ, പരമ്പരാഗത ആപ്പിൾ ഇപ്പോഴും ആരോഗ്യകരമായ തിരഞ്ഞെടുപ്പാണ്.
3. മുഴുവൻ പഴങ്ങളും ജ്യൂസും: മുഴുവൻ ആപ്പിൾ ( തൊലി ഉൾപ്പെടെ) നാരുകൾ നൽകുകയും കൂടുതൽ ചവയ്ക്കുകയും ചെയ്യാം. എന്നാൽ ആപ്പിൾ ജ്യൂസിൽ മുഴുവൻ പഴത്തിൽ കാണപ്പെടുന്ന നാരുകളും പോഷകങ്ങളും ഇല്ലായിരിക്കാം. മുഴുവൻ ആപ്പിളും കഴിക്കുകയോ കുറഞ്ഞ സംസ്കരണത്തോടെയുള്ള ആപ്പിൾ ജ്യൂസ് തിരഞ്ഞെടുക്കുകയോ ചെയ്യുന്നതാണ് നല്ലത്.
4. സമീകൃതാഹാരം: സമീകൃതാഹാരത്തിന്റെ ഒരു ഘടകം മാത്രമാണ് ആപ്പിൾ. വിവിധതരം പഴങ്ങൾ, പച്ചക്കറികൾ, ധാന്യങ്ങൾ, ലാൻ പ്രോട്ടീനുകൾ, ആരോഗ്യകരമായ കൊഴുപ്പുകൾ എന്നിവ ഉൾപ്പെടുത്തേണ്ടത് പ്രധാനമാണ്.
5. വ്യക്തിഗത ആവശ്യങ്ങൾ: പ്രായം, ലിംഗഭേദം, പ്രവർത്തന നില, മൊത്തത്തിലുള്ള ആരോഗ്യം തുടങ്ങിയ ഘടകങ്ങളെ അടിസ്ഥാനമാക്കി എല്ലാവരുടെയും പോഷകാഹാര ആവശ്യകതകൾ വ്യത്യാസപ്പെടാം. നിർദ്ദിഷ്ട ആവശ്യങ്ങളും ലക്ഷ്യങ്ങളും കണക്കിലെടുത്ത് വ്യക്തിഗതമാക്കിയ ഉപദേശത്തിനായി ആരോഗ്യ വിദഗ്ധനെ സമീപിക്കുക.