scorecardresearch

തേനിൽ കുതിർത്ത നെല്ലിക്ക ദിവസവും കഴിക്കൂ, ആരോഗ്യ ഗുണങ്ങളേറെ

മലബന്ധം, പൈൽസ് എന്നിവയിൽ നിന്ന് ആശ്വാസം ലഭിക്കാൻ തേനിൽ കുതിർത്ത നെല്ലിക്ക കഴിക്കുക

തേനിൽ കുതിർത്ത നെല്ലിക്ക ദിവസവും കഴിക്കൂ, ആരോഗ്യ ഗുണങ്ങളേറെ

ദിവസവും ഒരു നെല്ലിക്ക കഴിച്ചാൽ ശരീരത്തിനുണ്ടാകുന്ന ആരോഗ്യ ഗുണങ്ങൾ നിരവധിയാണ്. നെല്ലിക്ക തേനിൽ ചേർത്ത് കഴിച്ചാലുള്ള ആരോഗ്യ ഗുണങ്ങളും ഏറെയാണ്. ഇങ്ങനെ ചെയ്യുന്നത് നെല്ലിക്കയുടെ ആരോഗ്യഗുണങ്ങളും രുചിയും വർധിപ്പിക്കുന്നു.

തേനിൽ കുതിർത്ത നെല്ലിക്ക ദിവസവും കഴിച്ചാൽ അദ്ഭുതകരമായ ആരോഗ്യ ഗുണങ്ങൾ നേടാം. തൊണ്ടവേദന, ജലദോഷം, ചുമ, പനി എന്നിവയിൽ നിന്ന് ആശ്വാസം നൽകാൻ കഴിയുന്ന അത്ഭുതകരമായ മിശ്രിതമാണ് നെല്ലിക്കയും തേനും. തേനിൽ കുതിർത്ത നെല്ലിക്ക കരളിന്റെ പ്രവർത്തനത്തെ ഉത്തേജിപ്പിക്കുമെന്ന് അറിയപ്പെടുന്നു. ഇത് ഇൻസുലിന്റെ മികച്ച ഉൽപാദനത്തിന് സഹായിക്കും.

നെല്ലിക്കയും തേനും പതിവായി കഴിക്കുന്നത് ശരീരഭാരം കുറയ്ക്കാനും കൊളസ്ട്രോൾ കുറയ്ക്കാനും സഹായിക്കും. ഈ കോമ്പിനേഷന് അതിശയകരമായ സൗന്ദര്യ ഗുണങ്ങളും ഉണ്ട്. പ്രായമാകുന്നതിന്റെ ലക്ഷണങ്ങളെ തടയുകയും ആരോഗ്യകരമായ ചർമ്മം നൽകുകയും ചെയ്യുന്നു.

കരളിനെ ശക്തിപ്പെടുത്തുകയും മഞ്ഞപ്പിത്തം തടയുകയും ചെയ്യുന്നു

തേനിൽ കുതിർത്ത നെല്ലിക്ക കഴിക്കുന്നത് കരളിനെ ആരോഗ്യകരമാക്കുന്നു. കരളിലെ വിഷവസ്തുക്കളെ ശുദ്ധീകരിച്ച് മികച്ച പ്രവർത്തനത്തിന് സഹായിക്കുന്നു. പിത്തരസത്തിന്റെ അളവ് സന്തുലിതമാക്കുന്നതിലൂടെ മഞ്ഞപ്പിത്തം തടയുന്നതിനും ചികിത്സിക്കുന്നതിനും ഈ മിശ്രിതം ഫലപ്രദമാണെന്ന് തെളിയിക്കപ്പെട്ടിട്ടുണ്ട്.

പ്രായമാകുന്നതിന്റെ ലക്ഷണങ്ങളെ തടയുന്നു

ദിവസവും ഒരു നെല്ലിക്ക തേനിൽ ചേർത്ത് കഴിക്കുന്നത് യുവത്വം നിലനിർത്താൻ സഹായിക്കും. ശരീരത്തിന് ആവശ്യമായ ഊർജം നൽകുകയും ശരീരത്തെ പുനരുജ്ജീവിപ്പിക്കുകയും ചെയ്യുന്നു. ഇത് മുഖത്തെ ചുളിവുകളും നേർത്ത വരകളും ഇല്ലാതാക്കുന്നു.

ആസ്ത്മ തടയുന്നു

തേനിൽ കുതിർത്ത നെല്ലിക്ക കഴിക്കുന്നത് ആസ്ത്മ, ബ്രോങ്കൈറ്റിസ്, മറ്റ് ശ്വാസകോശ സംബന്ധമായ പ്രശ്നങ്ങൾ എന്നിവയിൽ നിന്ന് ആശ്വാസം നൽകുന്നു. അവ ആന്റിഓക്‌സിഡന്റുകളാൽ സമ്പുഷ്ടമാണ്, അതിനാൽ ശ്വാസകോശത്തിലെ രക്തക്കുഴലുകളുടെ സങ്കോചത്തിന് കാരണമാകുന്ന വിഷവസ്തുക്കളും ഫ്രീ റാഡിക്കലുകളും ശ്വാസകോശത്തിൽ നിന്ന് നീക്കംചെയ്യുകയും ആസ്ത്മയെ തടയുകയും ചെയ്യുന്നു.

ചുമ, ജലദോഷം, തൊണ്ടയിലെ അണുബാധ എന്നിവ ചികിത്സിക്കുന്നു

നെല്ലിക്കയും തേനും കലർന്ന മിശ്രിതം ചുമ, ജലദോഷം, തൊണ്ടവേദന എന്നിവയിൽ നിന്ന് വളരെയധികം ആശ്വാസം നൽകും. അധിക ഗുണങ്ങൾക്കായി കുറച്ച് ഇഞ്ചി നീരും ചേർക്കാം. നെല്ലിക്കയും തേനും എല്ലാ അണുബാധകളെയും നശിപ്പിക്കുന്നു, കാരണം അവയ്ക്ക് ആന്റി-ഇൻഫെക്റ്റീവ് ഗുണങ്ങളുണ്ട്.

ദഹനപ്രശ്‌നങ്ങൾ പരിഹരിക്കുന്നു

തേനിൽ കുതിർത്ത നെല്ലിക്ക ദഹനക്കേടിനും അസിഡിറ്റിക്കുമുള്ള മികച്ച പ്രതിവിധിയാണ്. അവ ഭക്ഷണം ശരിയായി ദഹിപ്പിക്കാൻ സഹായിക്കുന്നു. മലബന്ധം, പൈൽസ് എന്നിവയിൽ നിന്ന് ആശ്വാസം ലഭിക്കാൻ തേനിൽ കുതിർത്ത നെല്ലിക്ക കഴിക്കുക.

വന്ധ്യതയെ ചികിത്സിക്കുന്നു

തേനിൽ കുതിർത്ത നെല്ലിക്ക ദിവസവും കഴിക്കുന്നത് ഗർഭധാരണ സാധ്യത വർധിപ്പിക്കുകയും സ്ത്രീകൾക്ക് ആർത്തവ വേദനയിൽ നിന്ന് ആശ്വാസം നൽകുകയും ചെയ്യും. ആർത്തവദിന ക്രമക്കേടുകൾ തേനും നെല്ലിക്കയും ഉപയോഗിച്ച് പരിഹരിക്കാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Stay updated with the latest news headlines and all the latest Health news download Indian Express Malayalam App.

Web Title: Amazing health benefits of amla soaked in honey