ഡയറ്റില്ല, ജിമ്മില്ല; ഭക്ഷണം കഴിക്കുന്ന രീതിയിൽ ഒരേയൊരു മാറ്റം വരുത്തി, യുവതി കുറച്ചത് 36 കിലോ

ശരീര ഭാരം കുറയ്ക്കുകയെന്ന ലക്ഷ്യം കൈവരിക്കാൻ തികഞ്ഞ ആത്മസമർപ്പണം ആവശ്യമാണ്. ശരീര ഭാരം കുറച്ച് വിജയലക്ഷ്യത്തിലെത്തിയ പലരും ഇക്കാര്യം ചൂണ്ടിക്കാട്ടിയിട്ടുണ്ട്. എലീസ് റോസ് എന്ന യുവതിയുടെ ശരീര ഭാരം കുറയ്ക്കൽ യാത്ര കാലറി കുറയ്ക്കുക മാത്രമായിരുന്നില്ല, അവളുടെ മാനസികാവസ്ഥ മാറ്റുക എന്നത് കൂടിയായിരുന്നു.

ശരീരഭാരം കുറയ്ക്കുക എന്നാൽ സാലഡുകൾ മാത്രം കഴിക്കുക, കാർബോഹൈഡ്രേറ്റ് ഒഴിവാക്കുക, പ്രിയപ്പെട്ട ഭക്ഷണങ്ങൾ നിരസിക്കുക എന്നിവയാണെന്ന് മറ്റു പലരെയും പോലെ അവൾ ആദ്യം കരുതി. പക്ഷേ, ഇത് അമിതമായി ഭക്ഷണം കഴിക്കുന്നതിന്റെയും കുറ്റബോധത്തിന്റെയും ഒരു തലത്തിലേക്ക് അവളെ കൊണ്ടെത്തിച്ചു. ദീർഘകാലാടിസ്ഥാനത്തിൽ ഭാരം കുറയ്ക്കുന്നതിനുള്ള താക്കോൽ നിയന്ത്രണമല്ല, സന്തുലിതാവസ്ഥയാണെന്ന് ഒടുവിൽ മനസിലാക്കി. താൻ ഇഷ്ടപ്പെടുന്ന ഭക്ഷണങ്ങൾ ആസ്വദിച്ചുകൊണ്ടുതന്നെ എലീസ് 36 കിലോ കുറച്ചു.

Also Read: ഡോക്ടർമാർ ലഞ്ച് ബോക്സിൽ എന്തൊക്കെയാണ് കൊണ്ടുപോകുന്നത്?

ഭക്ഷണ നിയന്ത്രണം തെറ്റായ ആശയം

തുടക്കത്തിൽ പെട്ടെന്ന് ശരീര ഭാരം കുറയണമെന്നാണ് എലീസ് ആഗ്രഹിച്ചത്. ശരീരഭാരം കുറയ്ക്കാനുള്ള ഒരേയൊരു മാർഗം ഭക്ഷണം കുറയ്ക്കുന്നതാണെന്ന തെറ്റിദ്ധാരണയിൽ ആദ്യം തന്നെ ഭക്ഷണം കഴിക്കുന്നത് ഗണ്യമായി കുറച്ചു. പക്ഷേ, ഭക്ഷണത്തിൽ നിയന്ത്രണം വരുത്തുമ്പോഴെല്ലാം ഇഷ്ട ഭക്ഷണം കഴിക്കാനുള്ള ആഗ്രഹം കൂടി കൂടി വന്നു. ഇത് അമിതമായി ഭക്ഷണം കഴിക്കുന്നതിന് കാരണമായി. അങ്ങനെ അമിതമായി ഭക്ഷണം കഴിച്ചു. ഒടുവിൽ, നിയന്ത്രണമല്ല വേണ്ടതെന്നും ഇഷ്ട ഭക്ഷണം ആസ്വദിച്ചു കൊണ്ടുതന്നെ വണ്ണം കുറയ്ക്കാൻ കഴിയുമെന്നും തിരിച്ചറിഞ്ഞതായി എലീസ് പറയുന്നു. 

ഇഷ്ടപ്പെട്ട ഭക്ഷണങ്ങൾ പൂർണമായും ഒഴിവാക്കുന്നതിനുപകരം, അവ മിതമായി കഴിക്കാൻ ശീലിച്ചു. കുറച്ച് ഭക്ഷണം കഴിക്കുന്നതിൽ നിന്ന് ഊർജത്തിനായി ഭക്ഷണം കഴിക്കുന്നതിലേക്ക് ശ്രദ്ധ മാറ്റി. ലളിതവും എന്നാൽ പ്രധാനപ്പെട്ടതുമായ ഈ മാറ്റം എലീസിന് സന്തോഷം നൽകുകയും അമിതമായി കഴിക്കാനുള്ള പ്രലോഭനം ഒഴിവാക്കാനും സഹായിച്ചു.

Also Read: രാത്രിയിൽ 5-6 മണിക്കൂർ മാത്രമാണോ ഉറക്കം? ഈ 2 രോഗങ്ങൾ പിടിപെടാം

ഇഷ്ടമുള്ളത് കഴിക്കുക, പക്ഷേ മിതമായി കഴിക്കുക

ശരീരഭാരം കുറയ്ക്കുക എന്നാൽ ചില ഭക്ഷണങ്ങൾ പൂർണമായും ഒഴിവാക്കുക എന്നതല്ല, അതായത് ഭക്ഷണത്തിന്റെ അളവ് നിയന്ത്രിക്കുക എന്നതാണെന്ന് എലീസ് കണ്ടെത്തിയപ്പോഴാണ് യഥാർത്ഥ വഴിത്തിരിവ് ഉണ്ടായത്. കാലറി കുറവായിരിക്കുന്നതിനും ഇഷ്ടപ്പെട്ട ഭക്ഷണം ആസ്വദിക്കുന്നതിനും ഇടയിൽ ഒരു സന്തുലിതാവസ്ഥ കണ്ടെത്തി. ഭക്ഷണങ്ങളെ നല്ലത് അല്ലെങ്കിൽ മോശം എന്ന് ലേബൽ ചെയ്യുന്നതിനുപകരം, മിതത്വം പാലിക്കുന്നതിനൊപ്പം ശരീരത്തെ പോഷിപ്പിക്കുന്നതിലും ശ്രദ്ധ കേന്ദ്രീകരിച്ചു.

ഭക്ഷണം ശത്രുവല്ല, ഇന്ധനമാണെന്ന് മനസിലാക്കി

ശരീരത്തിന് ഊർജം നൽകുന്നതിനുള്ള ഒരു മാർഗമായി ഭക്ഷണം കഴിക്കുന്നത് കണ്ടു. പെട്ടെന്നുള്ള പരിഹാരങ്ങൾ തേടുന്നതിനുപകരം, പോഷകസമൃദ്ധമായ ഭക്ഷണം, ഭാഗങ്ങളുടെ അളവ്, സ്ഥിരത എന്നിവയിൽ ശ്രദ്ധ കേന്ദ്രീകരിച്ചു.

View this post on Instagram

A post shared by Elise-Rose: weightloss coach (@eliserosestanier)

Also Read: ഭക്ഷണം കഴിഞ്ഞ് വെറും 10 മിനിറ്റ് നടക്കാം, ഈ 6 ഗുണങ്ങൾ ഉറപ്പ്

സുസ്ഥിരമായ ശരീരഭാരം കുറയ്ക്കൽ

എലീസിന്റെ ശരീര ഭാരം കുറയ്ക്കൽ യാത്രയിൽ തീവ്രമായ ശാരീരിക പ്രവർത്തനങ്ങളോ കർശനമായ ഭക്ഷണക്രമമോ ഉൾപ്പെട്ടിരുന്നില്ല. സ്ഥിരത പുലർത്തുക, സ്വയം സ്നേഹിക്കുക, ക്ഷമ കാണിക്കുക എന്നിവയെല്ലാം ഉൾപ്പെടുന്നു. ശരീരഭാരം കുറയ്ക്കുന്നത് ഒരു നീണ്ട പ്രക്രിയയാണെന്ന് മനസ്സിലാക്കി. ഈ മനോഭാവ മാറ്റം 36 കിലോ കുറയ്ക്കാൻ സഹായിച്ചുവെന്ന് മാത്രമല്ല, ഭാരം കുറയ്ക്കൽ അനുഭവം കൂടുതൽ ആസ്വാദ്യകരവുമാക്കി മാറ്റി.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: പാവയ്ക്ക ജ്യൂസ് കുടിച്ചല്ല, പ്രമേഹം മാറ്റാൻ ഈ വഴികൾ നോക്കൂ