scorecardresearch
Latest News

പ്രമേഹം നിയന്ത്രിക്കാൻ നിർബന്ധമായും കഴിക്കേണ്ട 7 ഭക്ഷണങ്ങൾ

രക്തത്തിലെ പഞ്ചസാരയുടെ അളവ് നിയന്ത്രിക്കാൻ പ്രമേഹമുള്ളവർ കഴിക്കേണ്ട ചില ഭക്ഷണങ്ങളുണ്ട്

പ്രമേഹം നിയന്ത്രിക്കാൻ നിർബന്ധമായും കഴിക്കേണ്ട 7 ഭക്ഷണങ്ങൾ

രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് ഭക്ഷണങ്ങളും ഒരുപരിധി വരെ സഹായിക്കും. പ്രമേഹം നിയന്ത്രണവിധേയമാക്കാൻ സഹായിക്കുന്ന ചില ഭക്ഷണങ്ങളെക്കുറിച്ച് വിശദീകരിച്ചിരിക്കുകയാണ് ന്യൂട്രീഷ്യനിസ്റ്റ് ലവ്‌നീത്. രക്തത്തിലെ പഞ്ചസാരയുടെ അളവ് നിയന്ത്രിക്കാൻ പ്രമേഹമുള്ളവർ കഴിക്കേണ്ട ചില ഭക്ഷണ പദാർത്ഥങ്ങളെക്കുറിച്ചാണ് അവർ ഇൻസ്റ്റഗ്രാം പോസ്റ്റിൽ പറഞ്ഞിരിക്കുന്നത്.

  1. മുഴുവൻ ധാന്യങ്ങൾ: ഓട്‌സ്, ബാർലി, ക്വിനോവ തുടങ്ങിയ ധാന്യങ്ങൾ പ്രമേഹമുള്ളവരിൽ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും.
  2. ചിയ വിത്തുകൾ: ഈ വിത്തുകളിൽ നാരുകൾ കൂടുതലും ഡൈജസ്റ്റബിൾ കാർബോഹൈഡ്രേറ്റും കുറവാണ്. ഭക്ഷണം കുടലിലൂടെ നീങ്ങുകയും ആഗിരണം ചെയ്യപ്പെടുകയും ചെയ്യുന്നതിന്റെ വേഗത കുറയ്ക്കുന്നതിലൂടെ രക്തത്തിലെ പഞ്ചസാരയുടെ അളവ് കുറയ്ക്കാൻ അവ സഹായിക്കും.
  3. പഴങ്ങൾ: സ്ട്രോബെറി, മുന്തിരി, ആപ്പിൾ തുടങ്ങിയ പഴങ്ങൾ കൂടുതലായി കഴിക്കുന്നത് ടൈപ്പ് 2 പ്രമേഹ സാധ്യതയെ ഗണ്യമായി കുറയ്ക്കുന്നു.
  4. പച്ചക്കറികൾ: പച്ചക്കറികളിൽ കുറഞ്ഞ കലോറിയും ഉയർന്ന നാരുകളുമുണ്ട്, ഇത് രക്തത്തിലെ പഞ്ചസാര നിയന്ത്രിക്കാൻ സഹായിക്കുന്നു. മത്തങ്ങ, വഴുതന, മത്തങ്ങ, തക്കാളി, ചെറുപയർ, കാരറ്റ്, ചീര, ബ്രോക്കോളി, കോളിഫ്ലവർ തുടങ്ങിയവ കൂടുതൽ കഴിക്കുക.
  5. വെളുത്തുള്ളി: പ്രമേഹമുള്ളവരിൽ രക്തത്തിലെ പഞ്ചസാര, വീക്കം, എൽഡിഎൽ കൊളസ്ട്രോൾ, രക്തസമ്മർദ്ദം എന്നിവ കുറയ്ക്കാൻ വെളുത്തുള്ളി സഹായിക്കുന്നു.
  6. മല്ലി: ഗ്ലൂക്കോസ് അളവ് ക്രമപ്പെടുത്താൻ മല്ലി സഹായിക്കുന്നു.
  7. ആപ്പിൾ സിഡെർ വിനെഗർ: പുളിപ്പിച്ച അസറ്റിക് ആസിഡ് ഇൻസുലിൻ സംവേദനക്ഷമത മെച്ചപ്പെടുത്താനും രക്തത്തിലെ പഞ്ചസാരയുടെ അളവ് കുറയ്ക്കാനും സഹായിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: പ്രമേഹം നിയന്ത്രണവിധേയമാക്കാം, 10 ടിപ്‌സുകൾ

Stay updated with the latest news headlines and all the latest Health news download Indian Express Malayalam App.

Web Title: 7 must have foods to control diabetes