കറുത്ത ഉണക്കമുന്തിരി പോലെ കുതിർത്ത ഡ്രൈ ഫ്രൂട്ട്‌സ് കഴിക്കുന്നതിന്റെ ആരോഗ്യ ഗുണങ്ങളെക്കുറിച്ച് ആരോഗ്യ വിദഗ്‌ധർ പലപ്പോഴും ഊന്നിപ്പറയാറുണ്ട്. ലൈഫ് കോച്ച് ലൂക്ക് കുട്ടീഞ്ഞോ 6 കുതിർത്ത കറുത്ത ഉണക്കമുന്തിരി കഴിച്ചാലുള്ള ഗുണങ്ങളെക്കുറിച്ച് പറയുകയാണ്. ഇത് ലളിതവും എന്നാൽ സ്വാധീനമുള്ളതുമായ ജീവിതശൈലി മാറ്റാൻ കഴിയുമെന്ന് അദ്ദേഹം പറയുന്നു.
6 കറുത്ത ഉണക്കമുന്തിരി എടുത്ത് ഒരു രാത്രി മുഴുവൻ വെള്ളത്തിൽ കുതിർക്കുക. രാവിലെ വെറും വയറ്റിൽ കഴിക്കുക. മികച്ച ഫലങ്ങൾക്കായി എല്ലാ ദിവസവും ഇത് പിന്തുടരുക. തന്റെ സോഷ്യൽ മീഡിയ പേജിൽ പങ്കുവച്ച വീഡിയോയിൽ കുതർത്ത കറുത്ത മുന്തിരി കഴിച്ചാലുള്ള ആരോഗ്യ ഗുണങ്ങളെക്കുറിച്ച് ലൂക്ക് വിശദീകരിച്ചിട്ടുണ്ട്.
- കുതിർത്ത കറുത്ത ഉണക്കമുന്തിരിയിൽ നാരുകൾ ധാരാളം അടങ്ങിയിട്ടുണ്ട്
കുതിർത്ത കറുത്ത ഉണക്കമുന്തിരിയിൽ നാരുകൾ അടങ്ങിയിട്ടുണ്ട്. ഉയർന്ന ഫൈബർ ഉള്ളടക്കം രാവിലെ സുഗമമായ മലവിസർജ്ജനം ഉറപ്പാക്കുന്നു. വയറിന്റെയും ആരോഗ്യവും ചർമ്മത്തിന്റെയും മുടിയുടെയും ഗുണനിലവാരത്തിനും ആരോഗ്യത്തിനും നല്ലതാണ്. മലബന്ധം ഉള്ളവർക്കും ഇത് കഴിക്കാം.
- ദീർഘനേരം വയർ നിറഞ്ഞതായി തോന്നിപ്പിക്കും
നാരുകളാൽ സമ്പുഷ്ടമായ എന്തും കൂടുതൽ നേരം വയർ നിറഞ്ഞതായി തോന്നിപ്പിക്കും. അതുകൊണ്ടാണ് പഴങ്ങളും പച്ചക്കറികളും നാരുകളാൽ സമ്പന്നമായ മറ്റ് ഭക്ഷണങ്ങളും കഴിക്കുമ്പോഴെല്ലാം, കൂടുതൽ നേരം വിശപ്പില്ലായ്മ അനുഭവപ്പെടുന്നത്. ശരീരഭാരം നിയന്ത്രിക്കുന്നതിൽ ഇതൊരു പ്രധാന പങ്ക് വഹിക്കുന്നു.
- കറുത്ത ഉണക്കമുന്തിരിയിൽ കാൽസ്യം, പൊട്ടാസ്യം, ഇരുമ്പ് എന്നിവ അടങ്ങിയിട്ടുണ്ട്
നമ്മുടെ രാജ്യത്തെ 70 ശതമാനം ആളുകളും വിളർച്ചയുള്ളവരാണെന്നും അതൊരു പ്രധാന ആശങ്കയാണെന്നും ലൂക്ക് പറയുന്നു. അത്തരമൊരു സാഹചര്യത്തിൽ, കറുത്ത ഉണക്കമുന്തിരി ശരീരത്തിന്റെ ഇരുമ്പിന്റെ ആവശ്യകതകൾ നിറവേറ്റുന്നു.
- എല്ലുകളുടെ ആരോഗ്യത്തിന് നല്ലതാണ്
കറുത്ത ഉണക്കമുന്തിരി എല്ലുകളുടെ ആരോഗ്യത്തിനും നല്ലതാണ്, പ്രത്യേകിച്ച് ഓസ്റ്റിയോപൊറോസിസ് ബാധിച്ചവർക്ക്. കൂടാതെ, കറുത്ത ഉണക്കമുന്തിരിയിൽ ബോറോണിന്റെ അളവ് കൂടുതലാണ്. ഉയർന്ന കാൽസ്യം അടങ്ങിയ ഒരു ധാതുവാണിത്, എല്ലുകളുടെ ആരോഗ്യം സംരക്ഷിക്കാൻ ഇതാവശ്യമാണ്.
- ഉയർന്ന രക്തസമ്മർദ്ദമുള്ളവർക്ക് ഗുണം ചെയ്യും
ഉയർന്ന രക്തസമ്മർദ്ദമുള്ളവർ കറുത്ത ഉണക്കമുന്തിരി കഴിക്കണം, കാരണം അവയിൽ പൊട്ടാസ്യം കൂടുതലാണ്. ഉയർന്ന കൊളസ്ട്രോൾ അല്ലെങ്കിൽ ഉയർന്ന ട്രൈഗ്ലിസറൈഡ് അളവ് ഉള്ളവർക്കും ഹൃദയ സംബന്ധമായ അസുഖങ്ങൾ ഉള്ളവർക്കും ഇത് ഗുണം ചെയ്യും.
- കറുത്ത ഉണക്കമുന്തിരിയിൽ ഉയർന്ന അളവിൽ വിറ്റാമിനുകളായ ബി, സി എന്നിവ അടങ്ങിയിട്ടുണ്ട്
കറുത്ത ഉണക്കമുന്തിരി പ്രതിരോധശേഷി വർധിപ്പിക്കുന്ന മികച്ചൊരു ഭക്ഷണമാണ്. പ്രമേഹമുള്ളവർക്ക് പോലും 2-3 വാൽനട്ട്, 4-5 ബദാം എന്നിവയോടൊപ്പം ഇവ കഴിക്കാം. ഉണക്കമുന്തിരിയിൽ നിന്ന് അവരുടെ രക്തത്തിലെ പഞ്ചസാരയുടെ അളവ് ഉയരുമ്പോൾ, ബദാം, വാൽനട്ട് എന്നിവ അവയുടെ അളവ് വളരെയധികം ഉയരുന്നത് തടയുന്നു.
- കറുത്ത ഉണക്കമുന്തിരി വായുടെ ശുചിത്വത്തിന് ഉത്തമമാണ്
വായ് നാറ്റമുണ്ടെങ്കിൽ അത് അകറ്റാൻ കറുത്ത ഉണക്കമുന്തിരി സഹായിക്കും. ഇത് വളരെ ആന്റി ബാക്ടീരിയൽ ആണ്, കൂടാതെ വായയ്ക്കുള്ളിൽ ഉണ്ടാകാവുന്ന സൂക്ഷ്മാണുക്കളെയും ബാക്ടീരിയകളെയും കൊല്ലുന്നു.
- ചർമ്മത്തിന് നല്ലതാണ്
വിഷാംശം ഇല്ലാതാക്കുന്ന ഗുണങ്ങൾ ഉള്ളതിനാൽ, കറുത്ത ഉണക്കമുന്തിരി മുഖക്കുരുവിനും ചർമ്മസംരക്ഷണത്തിനും നല്ലതാണ്. മുടിയുടെ കാര്യത്തിൽ, കറുത്ത ഉണക്കമുന്തിരി രക്തചംക്രമണത്തിനും തലയോട്ടിയുടെ ആരോഗ്യത്തിനും സഹായിക്കും.
ഉണക്കമുന്തിരി കഴിക്കുന്നതിനുമുമ്പ് കുതിർക്കേണ്ടത് എന്തുകൊണ്ട്?
- കുതിർക്കുന്നതിലൂടെ ഉണക്കമുന്തിരിയിൽ അടങ്ങിയിരിക്കുന്ന ആന്റിഓക്‌സിഡന്റുകളെ വർധിപ്പിക്കുന്നു.
- ഫൈറ്റിക് ആസിഡിനെ നീക്കം ചെയ്യുന്നു.
- ഉണങ്ങിയ പഴങ്ങളിലെ വിറ്റാമിനുകൾ നന്നായി ആഗിരണം ചെയ്യാൻ ഇത് സഹായിക്കുന്നു.
- വളരെ ജലാംശം നൽകുന്നതുമാണ്.
മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.
Read More: കുതിർത്ത ഉണക്കമുന്തിരി അല്ലെങ്കിൽ മുന്തിരി: ഏതാണ് നല്ലത്, എന്തുകൊണ്ട്?
