പ്രീ-ഡയബറ്റിസ് കണ്ടെത്തിയാൽ ഉടൻ ചെയ്യേണ്ട 5 കാര്യങ്ങൾ

രക്തത്തിലെ പഞ്ചസാരയുടെ അളവ് സാധാരണയെക്കാൾ കൂടുതലാണെങ്കിൽ നിങ്ങൾക്ക് പ്രീ ഡയബറ്റിസ് ഉണ്ട്. ജീവിതശൈലിയിൽ മാറ്റം വരുത്തിയില്ലെങ്കിൽ ടൈപ്പ് 2 പ്രമേഹം വരാനുള്ള സാധ്യത കൂടുതലാണ്. ജനിതക ഘടകങ്ങളും ജീവിതശൈലി തിരഞ്ഞെടുപ്പുകളുമാണ് പലപ്പേഴും പ്രീ ഡയബറ്റിസിന് കാരണമാകുന്നത്. രോഗം നിയന്ത്രിക്കാനുള്ള വഴികൾ തേടുന്നത് ഹൃദ്രോഗം പോലുള്ള അനുബന്ധ രോഗാവസ്ഥകളുടെ സാധ്യത കുറയ്ക്കും. 

ഭക്ഷണക്രമം, വ്യായാമം, ശരീരഭാരം നിയന്ത്രിക്കൽ, പതിവ് നിരീക്ഷണം എന്നിവയൊക്കെ ഇതിന് ആവശ്യമാണ്. പ്രീ ഡയബറ്റിസ് നിയന്ത്രിക്കുന്നതിനുള്ള ഫലപ്രദമായ മാർഗങ്ങൾ ഡോ.ധീരജ് കപൂറും കനിക മൽഹോത്രയും വിശദീകരിച്ചിട്ടുണ്ട്.

1. ആരോഗ്യകരമായ ഭക്ഷണത്തിന് മുൻതൂക്കം നൽകുക

പോഷകസമൃദ്ധമായ ഭക്ഷണം കഴിക്കാൻ മൽഹോത്ര നിർദേശിച്ചു. സമീകൃതാഹാരം രക്തത്തിലെ പഞ്ചസാരയുടെ അളവ് നിയന്ത്രിക്കാനും പാൻക്രിയാസിന്റെ ആയാസം കുറയ്ക്കാനും സഹായിക്കുന്നു. പഴങ്ങൾ, പച്ചക്കറികൾ, ധാന്യങ്ങൾ, ലീൻ പ്രോട്ടീനുകൾ, ആരോഗ്യകരമായ കൊഴുപ്പുകൾ എന്നിവ ഭക്ഷണത്തിൽ ഉൾപ്പെടുത്തുക. പഞ്ചസാര അടങ്ങിയ ലഘുഭക്ഷണങ്ങൾ, മധുരമുള്ള പാനീയങ്ങൾ, ജങ്ക് ഫുഡ്, സംസ്കരിച്ച ഭക്ഷണം എന്നിവ ഒഴിവാക്കുക.

2. വ്യായാമം

ഇൻസുലിൻ സെൻസിറ്റിവിറ്റി മെച്ചപ്പെടുത്തുന്നതിനും രക്തത്തിലെ പഞ്ചസാര നിയന്ത്രിക്കുന്നതിനും ശാരീരിക പ്രവർത്തനങ്ങൾ ആവശ്യമാണ്. വേഗത്തിലുള്ള നടത്തം, നീന്തൽ, അല്ലെങ്കിൽ സൈക്ലിംഗ് എന്നിങ്ങനെ ആഴ്ചയിൽ 150-180 മിനിറ്റ് മിതമായ വ്യായാമങ്ങളിൽ ഏർപ്പെടുക.

3. ശരീര ഭാരം നിയന്ത്രിക്കുക

അമിതഭാരമുണ്ടെങ്കിൽ, ശരീരഭാരത്തിന്റെ 5-7% കുറയ്ക്കാൻ ശ്രമിക്കുക. ഇതിലൂടെ ഇൻസുലിൻ സെൻസിറ്റിവിറ്റി മെച്ചപ്പെടുത്താനും രക്തത്തിലെ പഞ്ചസാരയുടെ അളവ് കുറയ്ക്കാനും കഴിയും.

4. രക്തത്തിലെ പഞ്ചസാരയുടെ അളവ് നിരീക്ഷിക്കുക

രക്തത്തിലെ ഗ്ലൂക്കോസ് പതിവായി നിരീക്ഷിക്കുക. ഭക്ഷണക്രമം, വ്യായാമം, മറ്റ് മാറ്റങ്ങൾ എന്നിവ പഞ്ചസാരയുടെ അളവിനെ എങ്ങനെ ബാധിക്കുന്നുവെന്ന് നിരീക്ഷിക്കുക.

5. ആവശ്യത്തിന് ഉറക്കം, സ്ട്രെസ് നിയന്ത്രണം

മോശം ഉറക്കവും സ്ട്രെസും പ്രമേഹ നിയന്ത്രണത്തിന് ആവശ്യമാണ്. രാത്രിയിൽ 7-8 മണിക്കൂർ ഉറങ്ങുക. ധ്യാനം, ആഴത്തിലുള്ള ശ്വസനം അല്ലെങ്കിൽ യോഗ പോലുള്ള സമ്മർദ നിയന്ത്രണ മാർഗങ്ങൾ തേടുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഒരു മാസത്തേക്ക് ദിവസവും ഒരു പ്ലം കഴിച്ചാൽ കൊളസ്ട്രോൾ കുറയുമോ?
• ശരീര ഭാരം കുറയ്ക്കണോ? ദിവസവും രാവിലെ ഉലുവ കുതിർത്തത് കഴിക്കാം
• ഭക്ഷണശേഷം നെയ്യും ശർക്കരയും കഴിക്കണം, 4 കാരണങ്ങൾ
• ഇനി ആശങ്ക വേണ്ട, പ്രത്യുൽപാദന ശേഷി മെച്ചപ്പെടുത്തുന്ന ഭക്ഷണങ്ങൾ ഇവയാണ്