Weight Loss: ശരീര ഭാരം വേഗത്തിൽ കുറയ്ക്കാം; രാവിലെ ഈ 5 കാര്യങ്ങൾ ചെയ്യൂ

ശരീരഭാരം കുറയ്ക്കുകയെന്നത് ബുദ്ധിമുട്ടുള്ള കാര്യമാണ്. കലോറി കുറവുള്ള ഭക്ഷണക്രമം തീരുമാനിക്കുന്നത് മുതൽ ദിനചര്യയിൽ വ്യായാമം ഉൾപ്പെടുത്തുന്നതുവരെ, നമ്മൾ ആഗ്രഹിക്കുന്ന തരത്തിൽ ശരീര ഭാരം കുറയ്ക്കാൻ ക്ഷമയോടെ കാത്തിരിക്കണം. ഉറക്കമുണർന്നതിനുശേഷമുള്ള ചില ശീലങ്ങൾ ശരീര ഭാരം കുറയ്ക്കുന്നതിനെ സഹായിക്കും. ഫിറ്റ്നസ് കോച്ച് ശരീര ഭാരം 25 കിലോ കുറയ്ക്കാൻ തന്നെ സഹായിച്ച ചില ശീലങ്ങളെക്കുറിച്ച് പറഞ്ഞിട്ടുണ്ട്. 

ശരീരഭാരം കുറയ്ക്കാൻ സഹായിക്കുന്ന ഭക്ഷണക്രമത്തെക്കുറിച്ചും വ്യായാമത്തെക്കുറിച്ചും അവർ ഇടയ്ക്കിടെ സോഷ്യൽ മീഡിയയിൽ ഷെയർ ചെയ്യാറുണ്ട്. ഇപ്പോഴിതാ, ശരീരഭാരം കുറയ്ക്കാൻ സഹായിക്കുന്ന 5 പ്രഭാത ശീലങ്ങളെക്കുറിച്ചാണ് അവർ വിശദീകരിച്ചത്. 

പ്രഭാത പാനീയം

ഇഞ്ചി നീര്, നാരങ്ങ നീര് ചേർത്ത പ്രഭാത പാനീയം കുടിച്ച് എപ്പോഴും ദിവസം ആരംഭിക്കുക. ഇത് ശരീരത്തെ ജലാംശം വർധിപ്പിക്കാനും, വിഷവസ്തുക്കളെ പുറന്തള്ളാനും, ഉപാപചയപ്രവർത്തനം വർധിപ്പിക്കാനും സഹായിക്കുന്നു.

വ്യായാമം

രാവിലെ വ്യായാമം ചെയ്യുന്നത് രക്തയോട്ടം വർധിപ്പിക്കാനും ഉപാപചയപ്രവർത്തനം വർധിപ്പിച്ച് കൂടുതൽ കൊഴുപ്പ് കത്തിച്ചുകളയാനും സഹായിക്കുന്നു. 

ഉയർന്ന പ്രോട്ടീൻ അടങ്ങിയ പ്രഭാതഭക്ഷണം

ഉയർന്ന പ്രോട്ടീൻ അടങ്ങിയ പ്രഭാതഭക്ഷണം കഴിക്കുക. ഷുഗർ കൂടുതൽ അടങ്ങിയ ഭക്ഷണങ്ങൾ ശരീരത്തിൽ പഞ്ചസാരയുടെ അളവ് വർധിപ്പിക്കാൻ കാരണമാകും. ഇത് ദിവസം മുഴുവൻ ആസക്തിക്കും ലഘുഭക്ഷണത്തിനും കാരണമാകും. ദിവസത്തിലെ ആദ്യ ഭക്ഷണമായി ഉയർന്ന പ്രോട്ടീൻ ഭക്ഷണം കഴിക്കുന്നത് കൂടുതൽ നേരം സംതൃപ്തി ഉറപ്പാക്കുന്നു, ആസക്തികൾ ഇല്ലാതാക്കുന്നു.

View this post on Instagram

A post shared by CERTIFIED NUTRITIONIST (@shred_with_amaka)

സൂര്യപ്രകാശം ഏൽക്കുക

എപ്പോഴും സൂര്യപ്രകാശം ഏൽക്കുക. ഇത് വിറ്റാമിൻ ഡി അളവ് മെച്ചപ്പെടുത്തുന്നു. രാവിലെ 10-15 മിനിറ്റ് സൂര്യപ്രകാശമേറ്റുള്ള ചെറിയ നടത്തം പോലുള്ളവ ശീലമാക്കുക.

മെഡിറ്റേഷൻ

മെഡിറ്റേഷൻ സമ്മർദം കുറയ്ക്കാൻ സഹായിക്കും. ഇത് ഉറക്കചക്രത്തെയും ശരീരത്തിന്റെ സർക്കാഡിയൻ താളത്തെയും സാധാരണമാക്കും. സമ്മർദം കുറയ്ക്കുന്നത് കൊഴുപ്പ് വേഗത്തിൽ കുറയ്ക്കുന്നതിനും കൂടുതൽ പ്രചോദനം നൽകുന്നതിനും സഹായിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വയർ കുറച്ച് ആലില പോലെയാക്കാം; ഈ 9 കാര്യങ്ങൾ ചെയ്യുന്നത് നിർത്തൂ
• കരളിന്റെ ആരോഗ്യം കാക്കാം; വെറും വയറ്റിൽ ഈ പഴം കഴിക്കൂ
• പ്രമേഹമുള്ളവർ കശുവണ്ടി കഴിച്ചാൽ രക്തത്തിലെ പഞ്ചസാരയുടെ അളവ് ഉയരുമോ?
• പടികൾ കയറാൻ കഴിഞ്ഞില്ല; 130 കിലോയിൽനിന്ന് 60 ആയി വണ്ണം കുറച്ച് ഞെട്ടിച്ച് സിമ്രാൻ പൂനിയ