ആരോഗ്യത്തിന് വളരെ ഗുണകരമാണ് പച്ചക്കറികൾ. അക്കൂട്ടത്തിലൊന്നാണ് കാബേജ്. പല നിറത്തിൽ കാബേജ് ലഭ്യമാണ്. കാബേജിൽ അടങ്ങിയിരിക്കുന്ന ആന്റിഓക്‌സിഡന്റും ആന്റി-ഇൻഫ്ലമേറ്ററി ഗുണങ്ങളും പല ആരോഗ്യ പ്രശ്നങ്ങളിൽനിന്നും ശരീരത്തെ സംരക്ഷിക്കാൻ സഹായിക്കും.
വിറ്റാമിനുകൾ, ധാതുക്കൾ, നാരുകൾ, ഫൈറ്റോ ന്യൂട്രിയന്റുകൾ എന്നിവയാൽ സമ്പന്നമാണവ. കാബേജ് കഴിക്കുന്നതിലൂടെ ദഹനം മെച്ചപ്പെടുത്താം. ശരീരഭാരം കുറയ്ക്കാനും സഹായിക്കുന്നു. പച്ച കാബേജിന്റെ ആരോഗ്യ ഗുണങ്ങൾ എന്തൊക്കെയെന്ന് നോക്കാം.
- പ്രതിരോധശേഷി
കാബേജിൽ വിറ്റാമിൻ സി അടങ്ങിയിട്ടുണ്ട്. വിറ്റാമിൻ സി പ്രതിരോധശേഷി ശക്തിപ്പെടുത്തുന്നതിന് സഹായകമാണ്. ശക്തമായ പ്രതിരോധശേഷി ശരീരത്തെ പല സീസണൽ അണുബാധകളിൽ നിന്നും സംരക്ഷിക്കാൻ സഹായിക്കും.
- ദഹനം
ദഹനപ്രശ്നങ്ങളാൽ ബുദ്ധിമുട്ടുന്നവരാണെങ്കിൽ കാബേജ് ഭക്ഷണത്തിൽ ഉൾപ്പെടുത്തുക. ദഹനത്തിന് ഇത് നല്ലതായി കണക്കാക്കപ്പെടുന്നു. കാബേജിൽ ഫൈബർ, ആന്തോസയാനിൻ, പോളിഫെനോൾ എന്നിവ അടങ്ങിയിട്ടുണ്ട്. ഇവ ദഹനപ്രക്രിയയെ മെച്ചപ്പെടുത്താൻ സഹായിക്കും.
- ശരീര ഭാരം കുറയ്ക്കും
വിറ്റാമിനുകൾ, ധാതുക്കൾ, നാരുകൾ എന്നിവ കാബേജിൽ കാണപ്പെടുന്നു. കാബേജ് ഭക്ഷണത്തിൽ ഉൾപ്പെടുത്തിയാൽ ശരീരഭാരം നിയന്ത്രിക്കാം.
- ഹൃദയം
കാബേജിലെ ആന്തോസയാനിൻ പോളിഫെനോളുകൾക്ക് ആന്റിഓക്‌സിഡന്റ് പ്രവർത്തനമുണ്ട്, ഇത് കാർഡിയാക് ഓക്‌സിഡേറ്റീവ് സ്ട്രെസ് കുറയ്ക്കുന്നതിലൂടെ ഹൃദയത്തെ ആരോഗ്യകരമായി നിലനിർത്താൻ സഹായിക്കും.
- പ്രമേഹം
പ്രമേഹ രോഗികൾക്ക് കാബേജ് ഗുണം ചെയ്യും. ഗ്ലൂക്കോസ് സഹിഷ്ണുത മെച്ചപ്പെടുത്താനും ഇൻസുലിൻ അളവ് വർധിപ്പിക്കാനും സഹായിക്കുന്ന ആന്റിഹൈപ്പർ ഗ്ലൈസെമിക് ടോളറൻസ് കാബേജ് സത്തിലുണ്ട്.
